200ఎంపీ కెమెరాతో పవర్​ఫుల్​ Vivo X300 స్మార్ట్​ఫోన్​ సిరీస్​ లాంచ్​- ధర, ఫీచర్స్​ ఇవే..

200ఎంపీ ట్రిపుల్​ కెమెరా సెటప్​ పవర్​ఫుల్ ప్రాసెసర్​తో​ Vivo X300 స్మార్ట్​ఫోన్​ సిరీస్​ అంతర్జాతీయంగా లాంచ్ అయ్యింది. ఇందులోని రెండు గ్యాడ్జెట్స్​, వాటి ధరలు, ఫీచర్స్​కి సంబంధించిన పూర్తి వివరాలను ఇక్కడ చూసేయండి..

వివో తన కొత్త ఫ్లాగ్‌షిప్ స్మార్ట్‌ఫోన్ సిరీస్‌ని తాజాగా ప్రపంచవ్యాప్తంగా లాంచ్​ చేసింది. దాని పేరు వివో ఎక్స్​300. ఇందులో రెండు గ్యాడ్జెట్స్​ ఉన్నాయి. అవి.. వివో ఎక్స్​300, వివో ఎక్స్​300 ప్రో. పలు నివేదికల ప్రకారం.. ఈ వివో ఎక్స్​300 సిరీస్ భారతదేశంలో డిసెంబర్ ప్రారంభంలో విడుదలయ్యే అవకాశం ఉంది! ఈ నేపథ్యంలో ఈ మొబైల్​కు సంబంధించిన పూర్తి వివరాలను ఇక్కడ తెలుసుకోండి..

వివో ఎక్స్​300 స్మార్ట్​ఫోన్​ సిరీస్​ వివరాలు..

వివో ఎక్స్​300 స్మార్ట్​ఫోన్​ సిరీస్- ధర, లభ్యత..

వివో ఎక్స్​300 ప్రో ఏకైక వేరియంట్ (16జీబీ ర్యామ్​ + 512జీబీ స్టోరేజ్) ధర ఈయూఆర్​ 1,399 (భారత కరెన్సీలో సుమారు రూ.1,43,000)గా నిర్ణయించారు!

మరోవైపు, వివో ఎక్స్​300 స్మార్ట్​ఫోన్​ ధర ప్రారంభ మోడల్ (12జీబీ ర్యమ్​, 256జీబీ స్టోరేజ్) కోసం ఈయూఆర్​ 1,049 (సుమారు రూ. 1,08,000) నుంచి మొదలవుతుంది. దీని టాప్-ఎండ్ వేరియంట్ (16జీబీ ర్యామ్​ + 512జీబీ స్టోరేజ్) ధర ఈయూఆర్​ 1,099 (సుమారు రూ. 1,13,000)గా ఉంది.

ఈ వివో ఎక్స్​300 సిరీస్ స్మార్ట్​ఫోన్స్​ నవంబర్ 3 నుంచి యూరప్‌లో కంపెనీ ఆన్‌లైన్ స్టోర్ ద్వారా అమ్మకానికి అందుబాటులో ఉంటాయి. వివో ఎక్స్​300 ప్రో మోడల్ డూన్ బ్రౌన్, ఫాంటమ్ బ్లాక్ రంగుల్లో లభిస్తుంది. వివో ఎక్స్​300 మాత్రం హలో పింక్, ఫాంటమ్ బ్లాక్ రంగుల్లో అందుబాటులో ఉంటుంది.

వివో ఎక్స్​300 ప్రో- ఫీచర్లు, స్పెసిఫికేషన్లు..

డ్యూయెల్-సిమ్ సపోర్ట్ ఉన్న వివో ఎక్స్​300 ప్రో స్మార్ట్‌ఫోన్ ఆండ్రాయిడ్​ 16 ఆధారిత ఆరిజిన్​ ఓఎస్​6పై పనిచేస్తుంది. ఇది 6.78-ఇంచ్​ 1,260x2,800 పిక్సెల్స్ ఫ్లాట్ క్యూ10+ ఎల్టీపీఓ అమోఎల్​ఈడీ డిస్‌ప్లేను కలిగి ఉంది. ఈ స్క్రీన్ 120హెచ్​జెడ్​ రిఫ్రెష్ రేట్, 300హెచ్​జెడ్​ టచ్ శాంప్లింగ్ రేట్‌కు మద్దతు ఇస్తుంది. ఇందులో 1.07 బిలియన్ రంగులు, 452పీపీఐ పిక్సెల్ డెన్సిటీ ఉన్నాయి. డిస్‌ప్లే P3 కలర్ గ్యాముట్, హెచ్​డీఆర్​కు సపోర్ట్ చేస్తుంది. స్క్రీన్-టు-బాడీ నిష్పత్తి 94.85 శాతంగా ఉంది.

ఈ ఫ్లాగ్‌షిప్ ఫోన్ 3ఎన్​ఎం టెక్నాలజీతో రూపొందించిన మీడియాటెక్​ డైమెన్సిటీ 9500 ఆక్టా-కోర్ చిప్‌తో పనిచేస్తుంది. ఇది 4.21జీహెచ్​జెడ్​ గరిష్ట క్లాక్ స్పీడ్‌ను అందిస్తుంది. దీనికి మాలీ G1-అల్ట్రా జీపీయూ, గరిష్టంగా 16జీబీ LPDDR5X అల్ట్రా ర్యామ్​, 512జీబీ వరకు యూఎఫ్​ఎస్​ 4.1 ఆన్‌బోర్డ్ స్టోరేజ్ కనెక్ట్​ చేసి ఉంటుంది. మెరుగైన ఇమేజింగ్ కోసం ప్రత్యేకంగా వీ3+ ఇమేజింగ్ చిప్ కూడా ఇందులో ఉంది.

వివో ఎక్స్​300 ప్రో వేరియంట్​ వెనుక భాగంలో ట్రిపుల్ కెమెరా సెటప్ ఉంది. ఇందులో (ఎఫ్​/1.57) అపెర్చర్‌తో 50-మెగాపిక్సెల్ ప్రైమరీ కెమెరా, (ఎఫ్​/2.0) అపెర్చర్‌తో 50-మెగాపిక్సెల్ అల్ట్రావైడ్ కెమెరా, (ఎఫ్​/2.67) అపెర్చర్‌తో 200-మెగాపిక్సెల్ పెరిస్కోప్ కెమెరా ఉన్నాయి. ఈ పెరిస్కోప్ కెమెరా ద్వారా గరిష్టంగా 100ఎక్స్​ డిజిటల్ జూమ్ చేయవచ్చు. ముందువైపు హోల్-పంచ్ కటౌట్‌లో (f/2.0) అపెర్చర్‌తో 50-మెగాపిక్సెల్ సెల్ఫీ కెమెరా ఉంది. వెనుక కెమెరా సెటప్ ఏకంగా 8కే రిజల్యూషన్ వీడియోలను రికార్డ్ చేయగలదు.

సెక్యూరిటీ, కనెక్టివిటీ: భద్రత కోసం 3డీ అల్ట్రాసోనిక్ ఇన్-డిస్‌ప్లే ఫింగర్‌ప్రింట్ సెన్సార్ ఉంది. కనెక్టివిటీ ఎంపికల్లో వైఫ్​ 7, బ్లూటూత్​ 5.4, ఎన్​ఎఫ్​సీ, జీపీయూ ఉన్నాయి. ఇందులో లేజర్ ఆటోఫోకస్ సెన్సార్, హాల్ ఎఫెక్ట్ సెన్సార్, ఐఆర్​ బ్లాస్టర్, ఫ్లిక్కర్ సెన్సార్, మల్టీస్పెక్ట్రల్ సెన్సార్ వంటి ఇతర సెన్సార్‌లు కూడా ఉన్నాయి.

ఈ స్మార్ట్​ఫోన్ 5,440ఎంఏహెచ్​ బ్యాటరీతో వస్తుంది. ఇది 90డబ్ల్యూ వైర్డ్, 40డబ్ల్యూ వైర్‌లెస్ ఛార్జింగ్‌కు సపోర్ట్ చేస్తుంది. ఈ గ్యాడ్జెట్​లో డ్యూయల్ స్పీకర్ సెటప్, x-axis లీనియర్ మోటార్, యాక్షన్ బటన్, సిగ్నల్ యాంప్లిఫైయర్ చిప్ ఉన్నాయి. ఇది వాటర్​ అండ్​ డస్ట్​ రెసిస్టెన్స్​ కోసం ఐపీ68 రేటింగ్‌ను కలిగి ఉంది. ప్రో మోడల్ కొలతలు 161.98×75.48×7.99ఎంఎం, బరువు సుమారు 226 గ్రాములు.

వివో ఎక్స్​300- ఫీచర్లు, స్పెసిఫికేషన్లు..

ఈ వివో ఎక్స్​300.. దాని ప్రో వేరియంట్ మాదిరిగానే చిప్, ఆపరేటింగ్ సిస్టమ్, కనెక్టివిటీ ఎంపికలు, భద్రతా ఫీచర్లను కలిగి ఉంది.

వివో ఎక్స్​300 మోడల్‌లో 6.78-ఇంచ్​ ప్రో డిస్‌ప్లేకు బదులుగా 6.31-ఇంచ్​ 1,216x2,640 పిక్సెల్స్ ఫ్లాట్ క్యూ10+ ఎల్టీపీఓ అమోఎల్​ఈడీ స్క్రీన్‌ను అమర్చారు. అయితే, డిస్‌ప్లేలోని ఇతర ఫీచర్లు మాత్రం ఒకేలా ఉన్నాయి. అలాగే, వివో ఎక్స్​300లో ఉన్న 5,440ఎంఏహెచ్​ బ్యాటరీకి బదులుగా, ఈ ఫోన్‌లో 5,360ఎంఏహెచ్​ బ్యాటరీని అందించారు.

ఇందులో కూడా వెనుకవైపు ట్రిపుల్ కెమెరా మాడ్యూల్ ఉంది. అయితే, వివో ఎక్స్​300లో ఓఐఎస్​తో కూడిన 200-మెగాపిక్సెల్ ప్రైమరీ కెమెరా, 50-మెగాపిక్సెల్ అల్ట్రావైడ్ కెమెరా, 50-మెగాపిక్సెల్ పెరిస్కోప్ కెమెరా ఉన్నాయి. ప్రో, సాధారణ మోడల్స్ రెండింటిలోనూ ఒకే రకమైన సెల్ఫీ కెమెరాను అమర్చారు. ఈ గ్యాడ్జెట్​ బరువు సుమారు 190 గ్రాములు.