గ్లోబల్ గేమింగ్ పరిశ్రమ చరిత్రలోనే అత్యంత భారీ లేఆఫ్స్ సైకిల్కు మైక్రోసాఫ్ట్ తెరలేపింది. సిఎన్బిసి (CNBC) నివేదిక ప్రకారం, జులై 6, సోమవారం నాడు మైక్రోసాఫ్ట్ సంస్థ తన మొత్తం సిబ్బందిలో 2.1% మందిని, అంటే 4,800 మంది ఉద్యోగులను తొలగిస్తున్నట్లు ప్రకటించింది. ఆర్టిఫిషియల్ ఇంటెలిజెన్స్ (AI) విప్లవం నేపథ్యంలో ఖర్చులను అదుపు చేయడమే లక్ష్యంగా మైక్రోసాఫ్ట్ ఈ చర్యలకు పూనుకుంది. ఈ నిర్ణయం వల్ల ఎక్స్బాక్స్ (Xbox) డివిజన్ తన మొత్తం సిబ్బందిలో ఐదింట ఒక వంతు (20%) మందిని కోల్పోతోంది.
మైక్రోసాఫ్ట్ చీఫ్ పీపుల్ ఆఫీసర్ ఆమీ కోల్మన్ (Amy Coleman) ఉద్యోగులకు పంపిన అంతర్గత సందేశంలో.. "సాంకేతికతను రూపొందించే, విస్తరించే, ఉపయోగించే విధానం నేను ఇక్కడ ఉన్న 27 ఏళ్ల కాలంలో ఎన్నడూ లేనంత వేగంగా రూపాంతరం చెందుతోంది. ఇలాంటి నిర్ణయాలు తీసుకోవడం ఎప్పుడూ సులభం కాదు" అని పేర్కొన్నారు.
ఎక్స్బాక్స్ (Xbox) లో 3,200 ఉద్యోగాల కోత
ఎక్స్బాక్స్ సీఈఓ ఆశా శర్మ (Asha Sharma) పంపిన అధికారిక ఈమెయిల్ ప్రకారం.. 2027 ఆర్థిక సంవత్సరం ముగిసే నాటికి ఈ విభాగం నుండి మొత్తం 3,200 మందిని తొలగించనున్నారు. ఇందులో భాగంగా 1,600 మందిని సోమవారమే విధుల నుండి తప్పించారు. మిగిలిన 1600 మందిని తరువాత తప్పించనున్నారు.
"సంవత్సరం పొడవునా జరిగే ఈ పునర్వ్యవస్థీకరణ ప్రక్రియ అదనపు సవాళ్లను సృష్టిస్తుందని నాకు తెలుసు. కానీ దురదృష్టవశాత్తూ, అవసరమైన అన్ని మార్పులను ఒకే రోజులో చేయడం సాధ్యం కాదు. అయితే 2027 లో మేం మళ్లీ బలమైన వృద్ధి పథంలోకి వస్తాం" అని ఆశా శర్మ ధీమా వ్యక్తం చేశారు.
తీవ్రంగా నష్టపోనున్న పాపులర్ గేమింగ్ స్టూడియోలు
మైక్రోసాఫ్ట్ తీసుకున్న ఈ భారీ పునర్వ్యవస్థీకరణ నిర్ణయం వల్ల గేమింగ్ పరిశ్రమలో ఎంతో పేరుగాంచిన మధ్య శ్రేణి (mid-tier) స్టూడియోలు, రాబోయే క్రేజీ గేమ్స్ తీవ్రంగా ప్రభావితం కానున్నాయి.
నింజా థియరీ (Ninja Theory): 'హెల్బ్లేడ్' (Hellblade) సిరీస్ వెనుక ఉన్న ఈ కేంబ్రిడ్జ్ ఆధారిత డెవలపర్ స్టూడియోను మూసివేస్తున్నట్లు జూన్ 15నే సమాచారం ఇచ్చారు. ఎక్స్బాక్స్ గేమ్స్ షోకేస్లో తమ సరికొత్త గేమ్ను ప్రెజెంట్ చేసిన కేవలం తొమ్మిది రోజులకే ఈ నిర్ణయం రావడం గమనార్హం.
{{/usCountry}}నింజా థియరీ (Ninja Theory): 'హెల్బ్లేడ్' (Hellblade) సిరీస్ వెనుక ఉన్న ఈ కేంబ్రిడ్జ్ ఆధారిత డెవలపర్ స్టూడియోను మూసివేస్తున్నట్లు జూన్ 15నే సమాచారం ఇచ్చారు. ఎక్స్బాక్స్ గేమ్స్ షోకేస్లో తమ సరికొత్త గేమ్ను ప్రెజెంట్ చేసిన కేవలం తొమ్మిది రోజులకే ఈ నిర్ణయం రావడం గమనార్హం.
{{/usCountry}}కంపల్షన్ గేమ్స్, డబుల్ ఫైన్ ప్రొడక్షన్స్: 'సౌత్ ఆఫ్ మిడ్నైట్', 'వి హ్యాపీ ఫ్యూ' వంటి ప్రసిద్ధ గేమ్స్ అందించిన మోంట్రియల్ స్టూడియో, శాన్ ఫ్రాన్సిస్కోకు చెందిన డెవలపర్ సంస్థలు ప్రస్తుతం మూసివేత లేదా బైఅవుట్ (కొనుగోలు) చర్చల్లో ఉన్నాయి.
అన్డెడ్ ల్యాబ్స్: గేమర్స్ ఎంతో ఆసక్తిగా ఎదురుచూస్తున్న 'స్టేట్ ఆఫ్ డికే 3' (State of Decay 3) గేమ్ను డెవలప్ చేస్తున్న ఈ స్టూడియో (సుమారు 110 మంది సిబ్బంది) ప్రస్తుతం కార్పొరేట్ రివ్యూలో ఉంది.
ఆర్కేన్ లియాన్: ‘డిస్హానర్డ్' (Dishonored), 'డెత్లూప్' (Deathloop) వంటి సూపర్ హిట్ గేమ్లను అందించిన ఈ ప్రఖ్యాత స్టూడియో కూడా మూతపడే దశలో ఉంది. దీనివల్ల, ఎంతో ప్రతిష్టాత్మకంగా రూపొందుతున్న సూపర్ హీరో యాక్షన్ గేమ్ 'మార్వెల్స్ బ్లేడ్' (Marvel's Blade) పూర్తిగా రద్దయ్యే (Cancellation) ప్రమాదం పొంచి ఉంది.
పరిశ్రమ వర్గాల ఆందోళన:
గ్లోబల్ గేమింగ్ పరిశ్రమలో ఇంత భారీ స్థాయిలో కార్పొరేట్ ఉద్యోగాలు, క్రియేటివ్ డెవలప్మెంట్ స్టూడియోలను ఒకేసారి కత్తిరించడం అనేది మునుపెన్నడూ లేని ఒక విచారకరమైన మైలురాయి అని ప్రముఖ గేమింగ్ ఇన్సైడర్ జార్జ్ బ్రౌసార్డ్ వంటి నిపుణులు అభిప్రాయపడుతున్నారు.