E-Paper
క్రేజీ ఫీచర్స్తో OnePlus 15 లాంచ్- 7300ఎంఏహెచ్ బ్యాటరీ, 50ఎంపీ కెమెరా! ధర ఎంతంటే..
వన్ప్లస్ నుంచి కొత్త ఫ్లాగ్షిప్ స్మార్ట్ఫోన్ లాంచ్ అయ్యింది. అదే వన్ప్లస్ 15! ఇందులో అనేక అద్భుత ఫీచర్లు ఉన్నాయి. ఈ నేపథ్యంలో ఈ మొబైల్ ఫీచర్స్, ధర సహా ఇతర వివరాలను ఇక్కడ తెలుసుకోండి..
వన్ప్లస్ సంస్థ తమ కొత్త ఫ్లాగ్షిప్ స్మార్ట్ఫోన్ వన్ప్లస్ 15ను తాజాగా చైనాలో విడుదల చేసింది. స్నాప్డ్రాగన్ 8 ఇలైట్ జెన్ 5 ప్రాసెసర్, భారీ 7300ఎంఏహెచ్ బ్యాటరీ, 120డబ్ల్యూ ఫాస్ట్ ఛార్జింగ్తో ఈ మొబైల్ మార్కెట్లోకి ఎంట్రీ ఇచ్చింది. ఈ నేపత్యంలో గ్యాడ్జెట్కి సంబంధించిన పూర్తి వివరాలను ఇక్కడ తెలుసుకోండి..
వన్ప్లస్ 15- పోటీ ఎవరితో?
స్మార్ట్పోన్ మార్కెట్లో ఈ వన్ప్లస్ 15.. ఐక్యూ 15, రియల్మీ జీటీ 8ప్రో, వివో ఎక్స్300 సిరీస్, ఒప్పో ఫైండ్ ఎక్స్9 వంటి ఇతర అగ్రశ్రేణి ఫోన్లకు గట్టి పోటీ ఇవ్వనుంది.
భారత్లో స్నాప్డ్రాగన్ 8 ఇలైట్ జెన్ 5 ప్రాసెసర్తో లాంచ్ అవుతున్న మొట్టమొదటి డివైజ్ వన్ప్లస్ 15 అని కంపెనీ ఇప్పటికే ధృవీకరించింది. దీన్ని బట్టి చూస్తే, ఈ ఫోన్ నవంబర్ మధ్యలో భారత్లో విడుదలయ్యే అవకాశం ఉంది.
వన్ప్లస్ 15 స్పెసిఫికేషన్స్..
డిస్ప్లే: ఈ స్మార్ట్ఫోన్ 6.78-అంగుళాలఎల్టీపీఓ అమోఎల్ఈడీ డిస్ప్లేతో వస్తుంది. దీనిలో 165హెచ్జెడ్ రిఫ్రెష్ రేట్ ఉంటుంది. అయితే, ఇది పాత మోడల్లో ఉన్న 2కే ప్యానెల్ స్థానంలో 1.5కే రెజల్యూషన్కు తగ్గించడం జరిగింది.
ప్రాసెసర్- స్టోరేజ్: ఈ ఫోన్ Adreno 840 జీపీయూతో కూడిన పవర్ఫుల్ స్నాప్డ్రాగన్ 8 ఇలైట్ జెన్ 5 ప్రాసెసర్తో పనిచేస్తుంది. ఇందులో గరిష్టంగా 16జీబీ LPDDR5x అల్ట్రా ర్యామ్, యూఎఫ్ఎస్ 4.1 స్టోరేజ్కు సపోర్ట్ ఉంది.
బ్యాటరీ- ఛార్జింగ్: వన్ప్లస్ 15లో 7300ఎంఏహెచ్ పెద్ద బ్యాటరీని పొందుపరిచారు. ఇది 120డబ్ల్యూ సూపర్వూక్ వైర్డ్ ఫాస్ట్ ఛార్జింగ్, 50డబ్ల్యూ వైర్లెస్ ఛార్జింగ్కు మద్దతు ఇస్తుంది.
రేర్ కెమెరా: వెనుక భాగంలో ట్రిపుల్ కెమెరా సెటప్ ఉంది. ఇందులో 50ఎంపీ Sony IMX906 ప్రైమరీ షూటర్, 3.5ఎక్స్ ఆప్టికల్ జూమ్తో కూడిన 50ఎంపీ Samsung JN5 టెలిఫోటో లెన్స్, 50ఎంపీ శాంసంగ్ ఓవీ50డీ అల్ట్రా-వైడ్ యాంగిల్ లెన్స్ ఉన్నాయి.
సెల్ఫీ కెమెరా: ముందు భాగంలో ఆటోఫోకస్ సపోర్ట్తో 32ఎంపీ సోనీ IMX709 సెల్ఫీ షూటర్ ఉంది.
వీడియో సామర్థ్యం: వెనుక కెమెరా గరిష్టంగా 8కే 30ఎఫ్పీఎస్ , 4కే 120ఎఫ్పీఎస్ వీడియోలను షూట్ చేయగలదు. అయితే ముందు కెమెరా 4కే 60ఎఫ్పీఎస్ వరకు వీడియోలను రికార్డ్ చేయగలదు.
వన్ప్లస్ 15 ధరలు..
12జీబీ ర్యామ్ / 256జీబీ స్టోరేజ్ వేరియంట్- 3,999 యువాన్ (సుమారు రూ. 49,259)
16జీబీ ర్యామ్ / 256జీబీ స్టోరేజ్ వేరియంట్- 4,299 యువాన్ (సుమారు రూ. 52,982)
12జీబీ ర్యామ్ / 512జీబీ స్టోరేజ్ వేరియంట్- 4,599 యువాన్ (సుమారు రూ. 56,704)
16జీబీ ర్యామ్ / 512జీబీ స్టోరేజ్ వేరియంట్- 4,899 యువాన్ (సుమారు రూ. 60,427)
16జీబీ ర్యామ్ / 1టీబీ స్టోరేజ్ (టాప్ ఎండ్)- 5,399 యువన్ (సుమారు రూ. 66,590)
అయితే, చైనాలో ఉన్న ధరలు భారత్లో అమ్ముడయ్యే ధరల కంటే కచ్చితంగా భిన్నంగా ఉంటాయి. ఉదాహరణకు, గత సంవత్సరం బేస్ వేరియంట్ చైనాలో 4499 యువాన్ ఉండగా, భారత్లో ₹69,990 తో మొదలైంది!
వన్ప్లస్ 15- అందుబాటులో ఉన్న రంగులు
వన్ప్లస్ 15 మొత్తం మూడు రంగులలో లభిస్తుంది: అబ్సొల్యూట్ బ్లాక్, మిస్టీ పర్పుల్, శాండ్ డ్యూన్.
శాండ్ డ్యూన్ వేరియంట్ కొంచెం తక్కువగా 211 గ్రాముల బరువు ఉంటే, మిగిలిన రెండు వేరియంట్లు 215 గ్రాముల బరువును కలిగి ఉన్నాయి.
