రేపు (ఆగస్టు 28, శుక్రవారం) దేశవ్యాప్తంగా రాఖీ పౌర్ణమి వేడుకలను జరుపుకుంటున్నప్పటికీ, భారతీయ స్టాక్ మార్కెట్లు మాత్రం యథాతథంగా పనిచేయనున్నాయి. బొంబాయి స్టాక్ ఎక్స్ఛేంజ్ (బీఎస్ఈ), నేషనల్ స్టాక్ ఎక్స్ఛేంజ్ (ఎన్ఎస్ఈ)లలో క్రమం తప్పకుండా వ్యాపార లావాదేవీలు కొనసాగుతాయని అధికారిక ట్రేడింగ్ క్యాలెండర్ స్పష్టం చేసింది.
నార్మల్ ట్రేడింగ్తో పాటు సెటిల్మెంట్
అనేక రాష్ట్రాల్లో రాఖీ పౌర్ణమి రోజున ప్రభుత్వ సెలవు అమలులో ఉన్నప్పటికీ, బీఎస్ఈ, ఎన్ఎస్ఈ 2026 సెలవుల జాబితాలో ఈ పండగను మార్కెట్ హాలిడేగా చేర్చలేదు. దీనివల్ల ఈక్విటీలు, ఈక్విటీ డెరివేటివ్స్ విభాగాల్లో ట్రేడింగ్ సాధారణ సమయాల ప్రకారమే సాగుతుంది. ఇన్వెస్టర్లు ఎప్పటిలాగే షేర్లను కొనుగోలు, విక్రయాలు చేసుకోవచ్చు. ట్రేడింగ్తో పాటు సెటిల్మెంట్ ప్రక్రియలో కూడా ఎలాంటి ఆటంకాలు ఉండవు.
ఎంసీఎక్స్ మార్కెట్ పనివేళలు
కమొడిటీ మార్కెట్ విషయానికొస్తే.. మల్టీ కమొడిటీ ఎక్స్ఛేంజ్ (ఎంసీఎక్స్) కూడా ఆగస్టు 28న తెరిచే ఉంటుంది. వ్యవసాయ, వ్యవసాయేతర కమొడిటీ విభాగాల్లో ఉదయం, సాయంత్రం రెండు సెషన్లలోనూ యథావిధిగా ట్రేడింగ్ కొనసాగుతుంది.
రాబోయే మార్కెట్ సెలవుల జాబితా
2026 స్టాక్ మార్కెట్ క్యాలెండర్ ప్రకారం సెప్టెంబర్ నెలలో ఎలాంటి ప్రత్యేక ట్రేడింగ్ సెలవులు లేవు. వారాంతపు శని, ఆదివారాలు తప్ప మిగతా రోజుల్లో ఎక్స్ఛేంజ్ లు సాధారణంగానే పనిచేస్తాయి. ఆ తర్వాత సెప్టెంబర్ 14న (సోమవారం) వినాయక చవితి సందర్భంగా మార్కెట్లకు సెలవు ప్రకటించారు.
ఈ ఏడాది మిగిలిన కాలంలో వచ్చే మార్కెట్ సెలవులు:
- సెప్టెంబర్ 14 (సోమవారం): వినాయక చవితి
- అక్టోబర్ 2 (శుక్రవారం): మహాత్మా గాంధీ జయంతి
- అక్టోబర్ 20 (మంగళవారం): విజయదశమి (దసరా)
- నవంబర్ 10 (మంగళవారం): దీపావళి-బలిపాడ్యమి
- నవంబర్ 24 (మంగళవారం): గురు నానక్ జయంతి
- డిసెంబర్ 25 (శుక్రవారం): క్రిస్మస్
ఎంసీఎక్స్ (MCX) సెలవుల విషయానికొస్తే.. గాంధీ జయంతి (అక్టోబర్ 2), క్రిస్మస్ (డిసెంబర్ 25) రోజుల్లో ఉదయం, సాయంత్రం రెండు సెషన్లు మూసివేస్తారు. దసరా (అక్టోబర్ 20), దీపావళి (నవంబర్ 10), గురు నానక్ జయంతి (నవంబర్ 24) రోజుల్లో ఉదయం సెషన్కు సెలవు ఇచ్చి, సాయంత్రం సెషన్ను నిర్వహిస్తారు.
{{/usCountry}}ఎంసీఎక్స్ (MCX) సెలవుల విషయానికొస్తే.. గాంధీ జయంతి (అక్టోబర్ 2), క్రిస్మస్ (డిసెంబర్ 25) రోజుల్లో ఉదయం, సాయంత్రం రెండు సెషన్లు మూసివేస్తారు. దసరా (అక్టోబర్ 20), దీపావళి (నవంబర్ 10), గురు నానక్ జయంతి (నవంబర్ 24) రోజుల్లో ఉదయం సెషన్కు సెలవు ఇచ్చి, సాయంత్రం సెషన్ను నిర్వహిస్తారు.
{{/usCountry}}