బ్యాంకింగ్ రంగంలో స్థిరపడాలనుకునే అభ్యర్థులకు స్టేట్ బ్యాంక్ ఆఫ్ ఇండియా (SBI) బంపర్ ఆఫర్ ప్రకటించింది. దేశవ్యాప్తంగా ఉన్న వివిధ బ్రాంచుల్లో 7,680 జూనియర్ అసోసియేట్ (కస్టమర్ సపోర్ట్ అండ్ సేల్స్) పోస్టుల భర్తీకి ప్రకటన విడుదల చేసింది. అర్హత, ఆసక్తి ఉన్న అభ్యర్థులు ఆన్లైన్ ద్వారా దరఖాస్తు చేసుకోవచ్చని తెలిపింది.
ఈ రిక్రూట్మెంట్ ప్రక్రియకు సంబంధించిన దరఖాస్తులు ఆగస్టు 11న ప్రారంభమయ్యాయి. చివరి తేదీ ఆగస్టు 31, 2026గా నిర్ణయించారు. ప్రాథమిక అంచనా ప్రకారం, సెప్టెంబర్ 2026లో ప్రిలిమినరీ పరీక్ష, నవంబర్ 2026లో మెయిన్స్ పరీక్ష నిర్వహిస్తారు.
అర్హతలు, వయోపరిమితి
గుర్తింపు పొందిన విశ్వవిద్యాలయం నుంచి ఏదైనా సబ్జెక్ట్లో డిగ్రీ (గ్రాడ్యుయేషన్) పూర్తి చేసిన అభ్యర్థులు ఈ పోస్టులకు అర్హులు. ఇంటిగ్రేటెడ్ డ్యూయల్ డిగ్రీ (IDD) కోర్సు చేసినవారు డిసెంబర్ 31, 2026 నాటికి ఉత్తీర్ణులై ఉండాలి.
ఏప్రిల్ 1, 2026 నాటికి అభ్యర్థుల వయస్సు 20 నుంచి 28 ఏళ్ల మధ్య ఉండాలి. అంటే ఏప్రిల్ 2, 1998 కంటే ముందు, ఏప్రిల్ 1, 2006 తర్వాత జన్మించిన వారు దరఖాస్తు చేయడానికి అనర్హులు.
ఎంపిక విధానం
ఈ ఉద్యోగాలకు అభ్యర్థులను ఆన్లైన్ పరీక్షలు (ప్రిలిమినరీ, మెయిన్స్), స్థానిక భాషా పరీక్ష (Specified Local Language Test) ద్వారా ఎంపిక చేస్తారు.
ప్రిలిమ్స్ పరీక్ష తీరు: ప్రిలిమినరీ పరీక్ష 100 మార్కులకు ఆన్లైన్ విధానంలో ఉంటుంది. పరీక్ష సమయం 1 గంట. ఇందులో ఇంగ్లీష్ లాంగ్వేజ్, న్యూమరికల్ ఎబిలిటీ, రీజనింగ్ ఎబిలిటీ అనే మూడు విభాగాలు ఉంటాయి.
నెగెటివ్ మార్కింగ్: ప్రతి తప్పు సమాధానానికి 1/4వ వంతు (0.25) మార్కుల కోత విధిస్తారు. అయితే విభాగాల వారీగా లేదా మొత్తం స్కోరులో ఎలాంటి కనీస క్వాలిఫైయింగ్ మార్కుల నిబంధనా లేదు.
దరఖాస్తు రుసుము
{{/usCountry}}నెగెటివ్ మార్కింగ్: ప్రతి తప్పు సమాధానానికి 1/4వ వంతు (0.25) మార్కుల కోత విధిస్తారు. అయితే విభాగాల వారీగా లేదా మొత్తం స్కోరులో ఎలాంటి కనీస క్వాలిఫైయింగ్ మార్కుల నిబంధనా లేదు.
దరఖాస్తు రుసుము
{{/usCountry}}జనరల్, ఓబీసీ, ఈడబ్ల్యూఎస్ (General/OBC/EWS) కేటగిరీ అభ్యర్థులకు దరఖాస్తు రుసుము రూ. 750 గా నిర్ణయించారు. ఒకసారి చెల్లించిన రుసుమును ఎట్టి పరిస్థితుల్లోనూ రీఫండ్ చేయరు.
దరఖాస్తు చేసుకునే విధానం
- ఎస్బీఐ అధికారిక వెబ్సైట్ sbi.co.in సందర్శించండి.
- హోమ్పేజీలో ఉన్న 'Careers' విభాగంలోకి వెళ్లి, 'Junior Associate' రిజిస్ట్రేషన్ లింక్పై క్లిక్ చేయండి.
- మీ వివరాలతో మొదటిసారి రిజిస్ట్రేషన్ ప్రక్రియను పూర్తి చేయండి.
- ఆ తర్వాత అప్లికేషన్ ఫారమ్ను జాగ్రత్తగా పూరించండి.
- దరఖాస్తు రుసుమును ఆన్లైన్ ద్వారా చెల్లించి, ఫారమ్ను సబ్మిట్ చేయండి.
- పూర్తి చేసిన దరఖాస్తు కాపీని భవిష్యత్తు అవసరాల కోసం డౌన్లోడ్ చేసుకుని ప్రింట్ తీసి ఉంచుకోండి.
సమగ్ర నోటిఫికేషన్ కోసం ఇక్కడ క్లిక్ చేయండి.
దరఖాస్తు చేసేందుకు డైరెక్ట్ లింక్ కోసం ఇక్కడ క్లిక్ చేయండి.