భారతదేశపు అతిపెద్ద బ్యాంక్ అయిన స్టేట్ బ్యాంక్ ఆఫ్ ఇండియా (ఎస్బీఐ.., సీనియర్ సిటిజన్లతో పాటు సాధారణ ప్రజల కోసం ఫిక్స్డ్ డిపాజిట్ల వడ్డీ రేట్లను సవరించింది. వీటితో పాటు ఎంసీఎల్ఆర్ (మార్జినల్ కాస్ట్ ఆఫ్ ఫండ్స్- బేస్డ్ లెండింగ్ రేట్స్) రేట్లను సైతం సవరించినట్లు ప్రకటించింది. ఈ కొత్త రేట్లు సోమవారం, డిసెంబర్ 15, 2025 నుంచి అమల్లోకి వస్తాయి.
రెపో రేటును 25 బేసిస్ పాయింట్లు తగ్గించి, 5.50 శాతం నుంచి 5.15 శాతానికి తగ్గిస్తున్నట్టు రిజర్వ్ బ్యాంక్ ఆఫ్ ఇండియా (ఆర్బీఐ) ప్రకటించిన కొద్ది రోజులకే, ఎస్బీఐ ఈ నిర్ణయం తీసుకుంది.
సవరించిన వడ్డీ రేట్లు..
2-3 సంవత్సరాల కాలవ్యవధి: రూ. 3 కోట్ల కంటే తక్కువ ఫిక్స్డ్ డిపాజిట్లపై వడ్డీ రేట్లను బ్యాంక్ తగ్గించింది.
సాధారణ ప్రజలకు: 6.45% నుంచి 6.40%కి తగ్గింది.
సీనియర్ సిటిజన్లకు: 6.95% నుంచి 6.90%కి తగ్గింది.
"444 రోజులు" స్పెషల్ స్కీమ్: 'అమృత్ వృష్టి' అనే ఈ నిర్దిష్ట కాలపరిమితి పథకం వడ్డీ రేటును 6.60% నుంచి 6.45%కి సవరించారు.
అత్యధిక వడ్డీ రేటు ఎంత?
రూ. 3 కోట్ల కంటే తక్కువ ఫిక్స్డ్ డిపాజిట్లపై, కాలవ్యవధిని బట్టి, బ్యాంక్ ఇప్పుడు సాధారణ ప్రజలకు గరిష్టంగా 6.05%, సీనియర్ సిటిజన్లకు 7.05% వరకు వడ్డీ రేట్లను అందిస్తుంది.
ఇతర టెన్యూర్ల వడ్డీ రేట్ల వివరాలు (రూ. 3 కోట్ల కంటే తక్కువ)-
| టెన్యూర్ | సాధారణ ప్రజలకు | సీనియర్ సిటిజన్లకు |
|---|---|---|
| 7 రోజులు నుండి 45 రోజులు | 3.05% | 3.55% |
| 46 రోజులు నుండి 179 రోజులు | 4.90% | 5.40% |
| 180 రోజులు నుండి 210 రోజులు | 5.65% | 6.15% |
| 211 రోజులు నుండి 1 సంవత్సరం కంటే తక్కువ | 5.90% | 6.40% |
| 1 సంవత్సరం నుండి 2 సంవత్సరాల కంటే తక్కువ | 6.25% | 6.75% |
| 2 సంవత్సరాల నుండి 3 సంవత్సరాల కంటే తక్కువ | 6.40% | 6.90% |
| 3 సంవత్సరాల నుండి 5 సంవత్సరాల కంటే తక్కువ | 6.30% | 6.80% |
| 5 సంవత్సరాల నుండి 10 సంవత్సరాలు | 6.05% | 7.05% |
ఎస్బీఐ 7 రోజుల నుంచి 10 సంవత్సరాల వరకు కాలపరిమితితో బహుళ డిపాజిట్ ఆప్షన్స్ని అందిస్తోంది.
సవరించిన ఎంసీఎల్ఆర్, ఈబీఎల్ఆర్ రేట్లు..
ఎంసీఎల్ఆర్ రేట్లు-
{{/usCountry}}ఎంసీఎల్ఆర్ రేట్లు-
{{/usCountry}}ఫిక్స్డ్ డిపాజిట్ రేట్లతో పాటు, రుణాలు ఇవ్వడానికి కనీస వడ్డీ రేటును సూచించే ఎంసీఎల్ఆర్ను కూడా ఎస్బీఐ సవరించింది.
| టెన్యూర్ | పాత రేటు | కొత్త రేటు | సవరణ (బీపీఎస్) |
|---|---|---|---|
| ఓవర్నైట్ | 7.90% | 7.90% | 5 |
| 1 నెల | 7.90% | 7.85% | 5 |
| 3 నెలలు | 8.30% | 8.25% | 5 |
| 6 నెలలు | 8.65% | 8.60% | 5 |
| 1 సంవత్సరం | 8.75% | 8.70% | 5 |
| 2 సంవత్సరాలు | 8.75% | 8.70% | 5 |
| 3 సంవత్సరాలు | 8.85% | 8.80% | 5 |
ఈబీఎల్ఆర్ రేటు (ఎక్స్టర్నల్ బెంచ్మార్క్ లిమిటెడ్ రేట్)-
ఎస్బీఐ తన ఎక్స్టర్నల్ బెంచ్మార్క్ లింక్డ్ రేటును డిసెంబర్ 15 నుంచి ( 8.15% నుంచి 7.90%కి) తగ్గిస్తున్నట్టు ప్రకటించింది. ఈబీఎల్ఆర్ అనేది రుణాలు (ముఖ్యంగా ఫ్లోటింగ్ వడ్డీ రేట్లు కలిగినవి) కోసం ఉపయోగించే ఒక రేటు. ఇది సాధారణంగా ఆర్బిఐ రెపో రేటు వంటి బాహ్య బెంచ్మార్క్కు అనుసంధానించి ఉంటుంది.