రెండు మనసుల మధ్య పరస్పర అంగీకారంతో సాగిన బంధం కాలక్రమేణా వికటించినంత మాత్రాన, గతంలో జరిగిన శారీరక సాన్నిహిత్యాన్ని అత్యాచారంగా మార్చలేమని సుప్రీంకోర్టు తేల్చిచెప్పింది. బంధాలు విఫలమైన ప్రతిసారీ వాటిని క్రిమినల్ కేసులుగా మార్చే ధోరణి పెరుగుతుండటం పట్ల అత్యున్నత న్యాయస్థానం తీవ్ర ఆందోళన వ్యక్తం చేసింది.
పశ్చాత్తాపానికి, మోసానికి తేడా ఉంది
జస్టిస్ బి.వి. నాగరత్న, జస్టిస్ ఆర్. మహదేవన్‌లతో కూడిన ధర్మాసనం ఈ కీలక వ్యాఖ్యలు చేసింది. "తొలినాళ్ల నుంచే ఉద్దేశపూర్వక మోసం, దగాతో పొందిన లైంగిక సమ్మతికి... సంబంధం ముగిసిన తర్వాత కలిగే పశ్చాత్తాపానికి మధ్య తేడాను గుర్తించాల్సిన అవసరం ఉంది" అని ధర్మాసనం వ్యాఖ్యానించింది. సజావుగా సాగుతున్న బంధంలో ఇరుపక్షాల అంగీకారంతో జరిగిన శారీరక సాన్నిహిత్యాన్ని, ఆ బంధం విచ్ఛిన్నమైన తర్వాత క్రూరమైన అత్యాచారంగా ముద్ర వేయడం సరికాదని న్యాయస్థానం పేర్కొంది.
పురుషులకు బంధం నుంచి వైదొలిగే హక్కు లేదా?
బాధిత వ్యక్తులు బంధం తెగిపోయిన తర్వాత వెనక్కి తిరిగి చూసుకుని వ్యక్తం చేసే అసంతృప్తి, ఒక నేరంగా మారదని కోర్టు స్పష్టం చేసింది. ఇటువంటి విధానం క్రిమినల్ న్యాయ వ్యవస్థను తప్పుదోవ పట్టించడమే కాకుండా, ఆరోపణలు ఎదుర్కొంటున్న వ్యక్తి స్వేచ్ఛను, గౌరవాన్ని భంగపరుస్తుందని తెలిపింది. "ఒకానొక సమయంలో సమ్మతితో కూడిన సంబంధంలో ఉన్నంత మాత్రాన, భవిష్యత్తులో రేప్ కేసు పెడతారనే భయంతో ఆ పురుషుడు అదే బంధంలో బందీగా ఉండిపోవాలా? బంధం నుంచి వైదొలిగే హక్కు అతనికి ఉండదా? అలా వైదొలగడాన్ని మోసంగా ఎలా పరిగణిస్తారు?" అని ధర్మాసనం ప్రశ్నించింది.
అసలైన నేరాల తీవ్రత తగ్గుతుంది
నిజమైన లైంగిక దాడి, బలవంతం, లేదా వంచనతో అంగీకారం పొందిన తీవ్రమైన కేసుల్లో మాత్రమే అత్యాచార నిరోధక చట్టాలను ప్రయోగించాలని న్యాయమూర్తులు హెచ్చరించారు. వికటించిన ప్రతి సమ్మత సంబంధాన్ని రేప్గా చిత్రీకరిస్తే, నిజమైన లైంగిక నేరాల తీవ్రత తగ్గిపోతుందని వ్యాఖ్యానించారు.
కేరళ కేసుకు సంబంధించిన వివరాలు
{{/usCountry}}నిజమైన లైంగిక దాడి, బలవంతం, లేదా వంచనతో అంగీకారం పొందిన తీవ్రమైన కేసుల్లో మాత్రమే అత్యాచార నిరోధక చట్టాలను ప్రయోగించాలని న్యాయమూర్తులు హెచ్చరించారు. వికటించిన ప్రతి సమ్మత సంబంధాన్ని రేప్గా చిత్రీకరిస్తే, నిజమైన లైంగిక నేరాల తీవ్రత తగ్గిపోతుందని వ్యాఖ్యానించారు.
కేరళ కేసుకు సంబంధించిన వివరాలు
{{/usCountry}}కేరళకు చెందిన సంతోష్ కుమార్ ఎన్.పి. అనే వ్యక్తిపై నమోదైన రేప్, దగా, నమ్మకద్రోహం కేసులను కొట్టివేస్తూ సుప్రీంకోర్టు ఈ తీర్పు ఇచ్చింది. గతంలో తనపై నమోదైన కేసులను కొట్టివేసేందుకు కేరళ హైకోర్టు నిరాకరించడంతో ఆయన అత్యున్నత న్యాయస్థానాన్ని ఆశ్రయించారు.
ప్రాసిక్యూషన్ వివరాల ప్రకారం.. నిందితుడు తనకు మొదటి పెళ్లి అయిన విషయాన్ని దాచిపెట్టి, బాధిత మహిళను రెండో పెళ్లి చేసుకున్నాడని, అక్రమ వివాహం ద్వారా పొందిన సమ్మతితో తనతో శారీరక సంబంధం పెట్టుకున్నాడని ఆ మహిళ ఆరోపించారు. వీరు 1996 నుండి 2003 వరకు మైసూర్‌లో వివాహం చేసుకుని కలిసి నివసించారు. ఈ కేసును విచారించిన సుప్రీంకోర్టు, సంతోష్ కుమార్‌పై ఉన్న క్రిమినల్ ప్రొసీడింగ్స్‌ను కొట్టివేస్తూ ఈ కీలక తీర్పు వెలువరించింది.