ప్రముఖ గాయకుడు, సంగీత దర్శకుడు శంకర్ మహాదేవన్ ఇటీవల రూ. 69.90 లక్షల (ఎక్స్-షోరూమ్) విలువ చేసే ఎంజీ ఎం9 లగ్జరీ ఎంపీవీని కొనుగోలు చేశారు. తన కుటుంబ సభ్యులతో కలిసి తన గ్యారేజీలో కొత్తగా చేరిన ఈ కారుతో (మెటల్ బ్లాక్ ఎక్స్టీరియర్ షేడ్లో) ఫొటోకు ఫోజులిచ్చారు మహదేవన్.
భారతదేశంలో, ఈ ఆల్-ఎలక్ట్రిక్ ఎంపీవీ కేవలం 'ప్రెసిడెన్షియల్ లిమో' ట్రిమ్లో మాత్రమే, మొత్తం మూడు రంగుల్లో అందుబాటులో ఉంది. దీనిని జేఎస్డబ్ల్యూ ఎంజీ మోటార్ ఇండియా ప్రీమియం రిటైల్ నెట్వర్క్ అయిన 'ఎంజీ సెలెక్ట్' ద్వారా ప్రత్యేకంగా విక్రయిస్తున్నారు. ఇది దేశంలో ఎంజీ సంస్థ అందిస్తున్న ఐదో పూర్తిస్థాయి ఎలక్ట్రిక్ వాహనం.
ఎంజీ ఎం9 ప్రత్యేకతలేంటి?
ఈ ఏడాది ప్రారంభంలో జరిగిన 'భారత్ మొబిలిటీ గ్లోబల్ ఎక్స్పో 2025'లో ఎంజీ ఎం9 లగ్జరీ ఎలక్ట్రిక్ ఎంపీవీని ఆవిష్కరించారు. ఇది పూర్తిగా ఎలక్ట్రిక్ ఫార్మాట్లో ఎక్కువ స్పేస్, నాణ్యతను కోరుకునే కొనుగోలుదారులను లక్ష్యంగా చేసుకుని, లిమో తరహాలో డిజైన్ చేసిన పెద్ద ఎంపీవీ. ఎంజీ ఇండియన్ లైనప్లో ఇప్పటికే ఉన్న సైబర్స్టర్, జెడ్ఎస్ ఈవీ, కామెట్ ఈవీ, విండ్సర్ ఈవీల్లో ఈ కారు కూడా చేరింది. అయితే, దాని పరిమాణం, ఫీచర్లు, లగ్జరీ విషయంలో ఇది వాటికంటే భిన్నంగా నిలుస్తుంది!
ఎంజీ ఎం9 గురించి ముఖ్య వివరాలు
ఎం9 కారుకు పెద్ద ట్రెపజాయిడల్ గ్రిల్, స్ప్లిట్ ఎల్ఈడీ హెడ్ల్యాంప్స్, వాటర్ఫాల్ తరహా టెయిల్ లైట్ సెటప్ ఉన్నాయి. దీని డైమెన్షన్స్ లిమోజిన్ను అనుకరించే విధంగా ఉంటాయి. 19-ఇంచ్ 'కంటిసీల్' టైర్లు దీని రూపాన్ని మరింత మెరుగుపరుస్తాయి. భద్రతా ఫీచర్లలో ఏడు ఎయిర్బ్యాగ్లు, లెవెల్ 2 అడాస్, అతి-అధిక-బలం కలిగిన స్టీల్తో తయారు చేసిన ఛాసిస్ ఉన్నాయి. ఈ ఎలక్ట్రిక్ కారు యూరో ఎన్సీఏపీ, ఎన్ఎస్సీఏపీల నుంచి 5-స్టార్ భద్రతా రేటింగ్లను పొందింది.
ఎంజీ ఎం9 బ్యాటరీ, రేంజ్ వివరాలు..
ఎస్ఏఐసీ కంపెనీల ఎలక్ట్రిక్ ఆర్కిటెక్చర్ ఆధారంగా రూపొందించిన ఎంజీ ఎం9 90 కేడబ్ల్యూహెచ్ ఎన్ఎంసీ బ్యాటరీ ప్యాక్తో నడుస్తుంది. ఇది గరిష్టంగా 548 కిలోమీటర్ల వరకు రేంజ్ను ఇస్తుందని సంస్థ పేర్కొంది. ముందు భాగంలో అమర్చిన మోటార్ 245 బీహెచ్పి పవర్, 350 ఎన్ఎమ్ టార్క్ను ఉత్పత్తి చేస్తుంది. ఈ ఎంపీవీ 10 సెకన్లలోపే 100 కిలోమీటర్ల వేగాన్ని చేరుకోగలదు. డీసీ ఫాస్ట్ ఛార్జర్ ద్వారా 30 నుంచి 80 శాతం ఛార్జింగ్ కేవలం 30 నిమిషాల్లో పూర్తవుతుంది, కాగా 11 కేడబ్ల్యూ ఏసీ ఛార్జర్ ద్వారా పూర్తి ఛార్జింగ్ అవ్వడానికి సుమారు 8.5 గంటలు పడుతుంది.
ఎంజీ ఎం9 ఇంటీరియర్ ఎలా ఉంది?
{{/usCountry}}ఎస్ఏఐసీ కంపెనీల ఎలక్ట్రిక్ ఆర్కిటెక్చర్ ఆధారంగా రూపొందించిన ఎంజీ ఎం9 90 కేడబ్ల్యూహెచ్ ఎన్ఎంసీ బ్యాటరీ ప్యాక్తో నడుస్తుంది. ఇది గరిష్టంగా 548 కిలోమీటర్ల వరకు రేంజ్ను ఇస్తుందని సంస్థ పేర్కొంది. ముందు భాగంలో అమర్చిన మోటార్ 245 బీహెచ్పి పవర్, 350 ఎన్ఎమ్ టార్క్ను ఉత్పత్తి చేస్తుంది. ఈ ఎంపీవీ 10 సెకన్లలోపే 100 కిలోమీటర్ల వేగాన్ని చేరుకోగలదు. డీసీ ఫాస్ట్ ఛార్జర్ ద్వారా 30 నుంచి 80 శాతం ఛార్జింగ్ కేవలం 30 నిమిషాల్లో పూర్తవుతుంది, కాగా 11 కేడబ్ల్యూ ఏసీ ఛార్జర్ ద్వారా పూర్తి ఛార్జింగ్ అవ్వడానికి సుమారు 8.5 గంటలు పడుతుంది.
ఎంజీ ఎం9 ఇంటీరియర్ ఎలా ఉంది?
{{/usCountry}}ఎం9 ఇంటీరియర్ ఒక సాధారణ ఎంపీవీ క్యాబిన్లా కాకుండా, బిజినెస్-క్లాస్ లాంజ్ను పోలి ఉంటుంది. వెనుక వరుసలోని "ప్రెసిడెన్షియల్ సీట్లు" 16-వే అడ్జెస్టెడ్, వెంటిలేషన్, హీటింగ్, ఆటోమాన్ ఫుట్రెస్ట్తో పాటు ఎనిమిది మసాజ్ మోడ్లను అందిస్తాయి. ప్రయాణికులకు డ్యూయల్-పేన్ పనోరమిక్ సన్రూఫ్, యాంబియంట్ లైటింగ్, కాగ్నాక్ బ్రౌన్ లెదర్ అప్హోల్స్టరీ (తోలు సీట్లు) సౌకర్యాన్ని మరింత పెంచుతాయి. వైర్లెస్ కనెక్టివిటీతో కూడిన 12.23 ఇంచ్ టచ్స్క్రీన్, 7-ఇంచ్ డిజిటల్ ఇన్స్ట్రుమెంట్ క్లస్టర్, సబ్వూఫర్, యాంప్లిఫైయర్తో కూడిన జేబీఎల్ 13-స్పీకర్ ఆడియో సెటప్తో కూడిన ఇన్ఫోటైన్మెంట్ వ్యవస్థ ప్రధాన ఆకర్షణగా నిలుస్తుంది.
అదనపు సౌకర్యాలలో వెనుక ప్రయాణికుల కోసం డ్యూయల్ డిస్ప్లేలు, వైర్లెస్ ఛార్జింగ్ ప్యాడ్లు, డిజిటల్ రియర్-వ్యూ మిర్రర్ ఉన్నాయి. క్యాబిన్లో ఎయిర్ ప్యూరిఫికేషన్, టచ్స్క్రీన్ హెచ్వీఏసీ కంట్రోల్స్తో పాటు 'వెహికల్-టు-లోడ్', ‘వెహికల్-టు-వెహికల్’ ఛార్జింగ్ విధులు కూడా ఉన్నాయి. దీని ద్వారా ఈ కారు బయటి పరికరాలకు శక్తిని అందించగలదు లేదా ఇతర ఈవీలను కూడా రీఛార్జ్ చేయగలదు.