Stock market : ట్రేడర్స్ అలర్ట్- నేటి స్టాక్స్ టు బై లిస్ట్ ఇదే..

అక్టోబర్ 23, 2026 ట్రేడర్లు నేడు ట్రాక్​ చేయాల్సిన స్టాక్స్​ టు బై లిస్ట్​ని నిపుణులు వెల్లడించారు. వీటితో పాటు లేటెస్ట్​ స్టాక్​ మార్కెట్​ అప్డేట్స్​, ముడి చమురు ధర వివరాలను ఇక్కడ తెలుసుకోండి..

గురువారం ట్రేడింగ్​ సెషన్​ని దేశీయ స్టాక్​ మార్కెట్​లు స్వల్ప నష్టాల్లో ముగించాయి. బీఎస్​ఈ సెన్సెక్స్​ 460 పాయింట్లు పడి 73,249 వద్ద స్థిరపడింది. నిఫ్టీ50.. 124 పాయింట్లు కోల్పోయి 22,688 వద్ద సెషన్​ని ముగించింది. ఇక బ్యాంక్​ నిఫ్టీ 51 పాయింట్లు పడి 54,926 వద్దకు చేరింది.

స్టాక్ మార్కెట్ లేటెస్ట్​ అప్డేట్స్..

ఎఫ్​ఐఐలు.. డీఐఐలు..

గురువారం ట్రేడింగ్​ సెషన్​లో ఎఫ్​ఐఐలు రూ. 3,458.70 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 2,891.32 కోట్లు విలువ చేసే షేర్లను కొనుగోలు చేశారు.

ఈరోజు స్టాక్​ మార్కెట్​ ఎలా ఉండబోతోంది?

ఇక శుక్రవారం ట్రేడింగ్​ సెషన్​ని దేశీయ స్టాక్​ మార్కెట్​ లాభాల్లో ప్రారంభించే అవకాశం ఉంది. గిఫ్ట్​ నిఫ్టీ దాదాపు 165 పాయింట్ల లాభంలో ఉండటం ఇందుకు కారణం.

“నిఫ్టీ50కి కీలకమైన 20-డీఎంఏ వద్ద బలమైన అమ్మకాల ఒత్తిడి ఎదురవుతోంది. దానిని సూచీ అధిగమించలేకపోతోంది. ప్రస్తుతం నిఫ్టీ50కి 22,600 వద్ద కీలకమైన సపోర్ట్ ఉంది. అది బ్రేక్ అయితే ఇంకా పడే అవకాశం ఉంది. ప్రస్తుతం ట్రేడర్లు జాగ్రత్త వహించి, లెవల్ అధారిత ట్రేడింగ్​ చేయాలి,” అని ఎల్​కేపీ సెక్యూరిటీస్​కి చెందిన టెక్నికల్ ఎనలిస్ట్ వత్సల్ భువ తెలిపారు.

Emergency fund investment : రూ. 10లక్షల ఎమర్జెన్సీ ఫండ్.. ఎక్కడ ఇన్వెస్ట్​ చేయడం బెటర్?

అమెరికా స్టాక్​ మార్కెట్​లు..

గురువారం ట్రేడింగ్​ సెషన్​ని అమెరికా స్టాక్​ మార్కెట్​లు ఫ్లాట్​గా ముగించాయి. డౌ జోన్స్​ 0.02 శాతం పెరిగింది. కానీ ఎస్​ అండ్​ పీ 500​ 1.21శాతం పడింది. టెక్​ ఇండెక్స్​ నాస్​డాక్ 2.6 శాతం డౌన్​ అయ్యింది.

ఆసియా స్టాక్​ మార్కెట్​లు శుక్రవారం ట్రేడింగ్​ సెషన్​లో నష్టాల్లో కొనసాగుతున్నాయి.

ముడి చమురు ధర..

అంతర్జాతీయ మార్కెట్​లో ముడి చమురు ధర భగభగలాడుతోంది. బ్రెంట్ క్రూడ్ 0.8శాతం పెరిగి బ్యారెల్​కు 114 డాలర్ల వద్ద కొనసాగుతోంది.

స్టాక్స్​ టు బై..

ఇండ్​హోటల్- బై రూ. 785, స్టాప్​ లాస్​ రూ. 750, టార్గెట్​ రూ. 855

క్రిసిల్- బై రూ. 4780, స్టాప్​ లాస్​ రూ. 4550, టార్గెట్​ రూ. 5280

ఫెడరల్ బ్యాంక్- బై సీఎంపీ, స్టాప్​ లాస్​ రూ. 336, టార్గెట్​ రూ. 368

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)