Stocks to buy today : రేంజ్​ బౌండ్​లో మార్కెట్- కానీ ఈ 5 స్టాక్స్​తో లాభాలకు ఛాన్స్!

Stock market updates : ట్రేడర్లు నేడు ట్రాక్​ చేయాల్సిన స్టాక్స్​ టు బై, బ్రేకౌట్​ స్టాక్స్​ టు బై లిస్ట్​ని నిపుణులు వెల్లడించారు. వీటితో పాటు లేటెస్ట్​ స్టాక్​ మార్కెట్​ అప్డేట్స్​ని ఇక్కడ తెలుసుకోండి..

Sensex today : బుధవారం ట్రేడింగ్​ సెషన్​ని దేశీయ స్టాక్​ మార్కెట్​లు ఫ్లాట్​గా ముగించాయి. బీఎస్​ఈ సెన్సెక్స్​ 118 పాయింట్లు పెరిగి 75,318 వద్ద స్థిరపడింది. నిఫ్టీ50.. 41 పాయింట్లు వృద్ధిచెంది 23,659 వద్ద సెషన్​ని ముగించింది. ఇక బ్యాంక్​ నిఫ్టీ 153 పాయింట్లు పెరిగి 53,562 వద్దకు చేరింది.

స్టాక్ మార్కెట్ అప్డేట్స్..

ఎఫ్​ఐఐలు.. డీఐఐలు..

బుధవారం ట్రేడింగ్​ సెషన్​లో ఎఫ్​ఐఐలు రూ. 1,597 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 1,968 కోట్లు విలువ చేసే షేర్లను కొనుగోలు చేశారు.

ఈరోజు స్టాక్​ మార్కెట్​ ఎలా ఉండబోతోంది?

ఇక గురువారం ట్రేడింగ్​ సెషన్​ని దేశీయ స్టాక్​ మార్కెట్​ లాభాల్లో ప్రారంభించే అవకాశం ఉంది. గిఫ్ట్​ నిఫ్టీ దాదాపు 145 పాయింట్ల లాభంలో ఉండటం ఇందుకు కారణం.

“నిఫ్టీ50 డైలీ చార్ట్​లో పెద్ద బుల్​ క్యాండిల్​ ఏర్పడింది. కింది స్థాయి నుంచి బయ్యింగ్​కి ఇది సంకేతం. గత కొన్ని సెషన్లుగా సూచీ 23,800- 23,200 లెవల్స్​ మధ్య కదులుతోంది. హయ్యర్ లో ప్యాటర్న్ ఫార్మ్ చేస్తోంది. ట్రెండ్​ రెంజ్​ బౌండ్​గా ఉంది. 23,800 బ్రేక్ అయితే, అప్​ట్రెండ్​ ప్రారంభమవ్వొచ్చు,” అని హెచ్​డీఎఫ్​సీ సెక్యూరిటీస్​కి చెందిన టెక్నికల్ రీసెర్చ్ అనలిస్ట్ నాగరాజ్ శెట్టి తెలిపారు.

అమెరికా స్టాక్​ మార్కెట్​లు..

బుధవారం ట్రేడింగ్​ సెషన్​ని అమెరికా స్టాక్​ మార్కెట్​లు లాభాల్లో ముగించాయి. డౌ జోన్స్​ 1.31 శాతం పెరిగింది. ఎస్​ అండ్​ పీ 500​ 1.08శాతం వృద్ధిచెందింది. టెక్​ ఇండెక్స్​ నాస్​డాక్ 1.55 శాతం పెరిగింది.

ఆసియా స్టాక్​ మార్కెట్​లు బుధవారం ట్రేడింగ్​ సెషన్​లో భారీ లాభాల్లో కొనసాగుతున్నాయి.

ముడి చమురు ధరలు..

అంతర్జాతీయ అనిశ్చితి మధ్య ముడి చమురు ధరలు ఫ్లాట్​గా కొనసాగుతున్నాయి. బ్రెంట్​ క్రూడ్​ 0.45శాతం పెరిగి బ్యారెల్​కి 105.49 డాలర్లకు చేరింది.

బ్రేకౌట్ స్టాక్స్ టు బై..

మాన్​కైండ్​ ఫార్మా- బై రూ. 2584, స్టాప్​ లాస్​ రూ. 2465, టార్గెట్​ రూ. 2800

చెన్నై పెట్రోలియం కార్పొరేషన్- బై రూ. 1012, స్టాప్​ లాస్​ రూ. 970, టార్గెట్​ రూ. 1090

జెన్ టెక్నాలజీస్- బై రూ. 1604, స్టాప్​ లాస్​ రూ. 1535, టార్గెట్​ రూ. 1740

క్రిసిల్- బ రూ. 4214, స్టాప్​ లాస్​ రూ. 4025, టార్గెట్​ రూ. 4550

బీహెచ్​ఈఎల్- బై రూ. 408, స్టాప్​ లాస్​ రూ. 390, టార్గెట్​ రూ. 445

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)