గాజాలో సుదీర్ఘకాలంగా కొనసాగుతున్న యుద్ధానికి ముగింపు పలికే దిశగా అమెరికా అధ్యక్షుడు డోనాల్డ్ ట్రంప్ కీలక ప్రకటన చేశారు. పాలస్తీనా సాయుధ బలగాలు, ముఖ్యంగా హమాస్ తన వద్ద ఉన్న ఆయుధాలన్నింటినీ పూర్తిగా విడిచిపెట్టేందుకు ఒక చారిత్రాత్మక ఒప్పందం కుదిరిందని ఆయన వెల్లడించారు. తన 20 అంశాల శాంతి ప్రణాళికలో రెండో దశ కింద ఈ పురోగతి సాధ్యమైందని, ఇది ప్రాంతీయ శాంతికి బలమైన పునాది వేస్తుందని పేర్కొన్నారు.
ఆయుధాలు వదిలేయనున్న హమాస్.. ఇజ్రాయిల్ సేనల ఉపసంహరణ
ట్రంప్ తన 'ట్రూత్ సోషల్' వేదికగా స్పందిస్తూ, "గాజాలోని హమాస్తో పాటు ఇతర సాయుధ ముఠాల నిరాయుధీకరణకు 'బోర్డ్ ఆఫ్ పీస్' చారిత్రాత్మక ఒప్పందాన్ని కుదిర్చింది" అని వెల్లడించారు. ఈ నిరాయుధీకరణ ప్రక్రియ పక్కా ప్రణాళికతో దశలవారీగా జరుగుతుందని చెప్పారు.
"ఆయుధాలు విడిచిపెట్టడం పూర్తయిన వెంటనే గాజా నుంచి ఇజ్రాయిల్ దళాలు వెనక్కి తగ్గుతాయి. స్థానిక ప్రజల భద్రత బాధ్యతను కొత్తగా ఏర్పాటయ్యే పాలస్తీనా పోలీసు బలగాలతో కలిసి 'అంతర్జాతీయ స్థిరీకరణ బలగాలు' (ISF) చేపడతాయి" అని ట్రంప్ వివరించారు. ఈ సంక్లిష్టమైన చర్చలను ముందుకు నడిపిన ఈజిప్ట్, ఖతార్, టర్కీ దేశాలకు ఆయన ప్రత్యేక ధన్యవాదాలు తెలిపారు.
'ఒకే అధికారం.. ఒకే చట్టం.. ఒకే ఆయుధం'
శాంతి ప్రణాళిక రోడ్మ్యాప్ ప్రకారం గాజాలోని అన్ని రకాల ఆయుధాలు, భూగర్భ సొరంగాలు, ఆయుధ డిపోలు, తయారీ కేంద్రాలను పూర్తిగా నిర్మూలిస్తారు. చిన్న, పెద్ద తేడా లేకుండా ఆయుధాలన్నీ కొత్తగా ఏర్పాటయ్యే 'నేషనల్ కమిటీ ఫర్ ది అడ్మినిస్ట్రేషన్ ఆఫ్ గాజా' (NCAG) పర్యవేక్షణలోకి వస్తాయి.
"ఎవరికీ, ఏ ఆయుధానికీ ఎలాంటి మినహాయింపులు ఉండవు. ఒకే అధికారం, ఒకే చట్టం, ఒకే ఆయుధం అనే సూత్రమే అమలవుతుంది" అని ఒక అంతర్జాతీయ దౌత్యవేత్త స్పష్టం చేశారు. యుద్ధం ముగిసిన తర్వాత గాజాలో పౌర పాలనను సజావుగా నడిపేందుకు పాలస్తీనా టెక్నోక్రాట్లతో కూడిన ఈ NCAG కమిటీ బాధ్యతలు తీసుకుంటుంది.
హమాస్ సవరణలు.. ఇజ్రాయిల్ షరతులు
ట్రంప్ ప్రకటనపై హమాస్ అధికారికంగా ఇంకా స్పందించనప్పటికీ, కైరోలో జరుగుతున్న చర్చల్లో సానుకూల పురోగతి కనిపిస్తోంది. ఒప్పంద ముసాయిదాలోని రెండు నిబంధనలపై కొన్ని మార్పులు, చేర్పులు చేసి మధ్యవర్తులకు పంపినట్లు హమాస్ వర్గాలు తెలిపాయి. దీనిపై ఇస్రాయెల్ స్పందన కోసం వేచి చూస్తున్నట్లు పేర్కొన్నాయి.
{{/usCountry}}ట్రంప్ ప్రకటనపై హమాస్ అధికారికంగా ఇంకా స్పందించనప్పటికీ, కైరోలో జరుగుతున్న చర్చల్లో సానుకూల పురోగతి కనిపిస్తోంది. ఒప్పంద ముసాయిదాలోని రెండు నిబంధనలపై కొన్ని మార్పులు, చేర్పులు చేసి మధ్యవర్తులకు పంపినట్లు హమాస్ వర్గాలు తెలిపాయి. దీనిపై ఇస్రాయెల్ స్పందన కోసం వేచి చూస్తున్నట్లు పేర్కొన్నాయి.
{{/usCountry}}మరోవైపు, ప్రతిపాదిత ముసాయిదా తమ భద్రతా ఆందోళనలను పూర్తిగా తీర్చడం లేదని ఇస్రాయెల్ వర్గాలు భావిస్తున్నాయి. "హమాస్ సంపూర్ణ నిరాయుధీకరణతో పాటు గాజా నుంచి ఆయుధాలను శాశ్వతంగా ఖాళీ చేయాలి. ప్రాంతాన్ని పూర్తిగా సైనిక రహితంగా మార్చడమే ఏ ఒప్పందానికైనా ప్రాథమిక షరతు" అని ఇస్రాయెల్ ప్రభుత్వ వర్గాలు స్పష్టం చేస్తున్నాయి.
క్షేత్రస్థాయిలో ఉద్రిక్తతలు
గత అక్టోబర్ నుంచి అస్థిరమైన కాల్పుల విరమణ కొనసాగుతున్నప్పటికీ, క్షేత్రస్థాయిలో దాడులు ఆగలేదు. గురువారం జరిగిన ఇస్రాయెల్ వైమానిక దాడుల్లో ఇద్దరు చిన్నారులతో సహా నలుగురు ప్రాణాలు కోల్పోయారు. ఈ పరిస్థితుల నడుమ శాంతి ప్రణాళిక రెండో దశ అమలుపై చర్చించేందుకు ఈజిప్ట్ రాజధాని కైరోలో మధ్యవర్తుల కీలక సమావేశం త్వరలోనే జరగనుంది.