అమెరికాలో ఉన్నత విద్యను అభ్యసిస్తున్న అంతర్జాతీయ విద్యార్థులకు, ముఖ్యంగా భారతీయులకు కొత్త సవాళ్లు ఎదురయ్యే సూచనలు కనిపిస్తున్నాయి. విశ్వవిద్యాలయాల్లో ఉద్యోగ ఆధారిత వీసా ప్రోగ్రామ్ల వినియోగంపై విచారణను విస్తరించే దిశగా ట్రంప్ యంత్రాంగం అడుగులు వేస్తోంది. అమెరికన్ కార్మికులను నియమించుకోవడానికి బదులుగా జే-1 ఎక్స్ఛేంజ్ విజిటర్లు, ఆప్షనల్ ప్రాక్టికల్ ట్రైనింగ్ (ఓపీటీ) ఉద్యోగులను వాడుకుంటూ కాలేజీలు వేతనాలను తగ్గిస్తున్నాయా అనే కోణంలో దర్యాప్తు జరపవచ్చని యూఎస్ కార్మిక శాఖ ఇన్స్పెక్టర్ జనరల్ ఆంథోనీ డీఎస్పోసిటో సంకేతాలిచ్చారు.
"విశ్వవిద్యాలయాలు అమెరికన్ కార్మికులకు బదులుగా జే-1, ఓపీటీ వర్కర్లను వాడుకోవడం ద్వారా కోట్ల డాలర్లు ఆదా చేస్తున్నాయా? చట్టం ఉద్దేశించినట్లే ఈ ప్రోగ్రామ్లను ఉపయోగిస్తున్నారా?" అని సెప్టెంబరు 1, 2026న 'ఎక్స్' (ట్విట్టర్) వేదికగా డీఎస్పోసిటో ప్రశ్నించారు. ఈ అంశంపై విచారణ చేపట్టడం సమంజసమేనని వైట్హౌస్ ఫ్రాడ్ టాస్క్ఫోర్స్ను ట్యాగ్ చేస్తూ ఆయన వ్యాఖ్యానించారు. అధికారిక దర్యాప్తును ఇంకా ప్రకటించకపోయినా, ఉన్నత విద్యా రంగాన్ని కూడా తనిఖీల పరిధిలోకి తెస్తున్నట్లు స్పష్టమవుతోంది.
జే-1, ఓపీటీ వీసాలపై నిఘా ఎందుకు?
జే-1 వీసా ద్వారా విదేశీయులు పరిశోధన, బోధన, అకాడమిక్ శిక్షణ వంటి ఆమోదిత ఎక్స్ఛేంజ్ కార్యక్రమాల్లో పాల్గొంటారు. ఎఫ్-1 అంతర్జాతీయ విద్యార్థులు డిగ్రీ పూర్తి చేసిన తర్వాత 12 నెలల పాటు అమెరికాలో పనిచేసేందుకు ఓపీటీ అనుమతిస్తుంది. సైన్స్, టెక్నాలజీ, ఇంజనీరింగ్, మ్యాథమెటిక్స్ (స్టెమ్) గ్రాడ్యుయేట్లకు అదనంగా 24 నెలల పొడిగింపు లభిస్తుంది.
డిపార్ట్మెంట్ ఆఫ్ హోమ్ల్యాండ్ సెక్యూరిటీ (డీహెచ్ఎస్) రూపొందించిన కొత్త 'ఫిక్స్డ్-టర్మ్ అడ్మిషన్' నిబంధన సెప్టెంబరు 15, 2026 నుంచి అమలులోకి రానుంది. ఎఫ్-1 విద్యార్థులు, జే-1 విజిటర్లకు సుదీర్ఘకాలంగా అమల్లో ఉన్న 'డ్యూరేషన్ ఆఫ్ స్టేటస్' విధానాన్ని రద్దు చేసి, పరిమిత కాలపరిమితితో కూడిన అనుమతులు, కొత్త పొడిగింపు నిబంధనలను ఇది తీసుకొస్తుంది. ఓపీటీ ద్వారా పనిచేయాలనుకునే విదేశీ గ్రాడ్యుయేట్లపై $100,000 డాలర్ల రుసుము విధించే ఆలోచనను ప్రభుత్వం పరిశీలిస్తోంది. అయితే ఇదింకా పరిశీలన దశలోనే ఉందని, ప్రస్తుతం అమల్లో లేదని అధికారులు స్పష్టం చేశారు.
వీసా మోసాలపై కఠిన చర్యలు
హెచ్-1బీ, పిఈఆర్ఎమ్ (PERM) వీసా మోసాలపై కార్మిక శాఖ ఇప్పటికే నిర్వహిస్తున్న దర్యాప్తునకు కొనసాగింపుగానే ఈ పరిణామాలు చోటుచేసుకుంటున్నాయి. 2026 జనవరిలో బాధ్యతలు చేపట్టిన నాటి నుంచి ఇన్స్పెక్టర్ జనరల్ వీసా దుర్వినియోగంపై విచారణను తీవ్రతరం చేశారు. సంబంధిత కేసుల్లో ఇప్పటికే పదుల సంఖ్యలో సబ్పోనాలు జారీ చేసినట్లు అధికారులు తెలిపారు.
భారతీయ విద్యార్థులపై తీవ్ర ప్రభావం
{{/usCountry}}హెచ్-1బీ, పిఈఆర్ఎమ్ (PERM) వీసా మోసాలపై కార్మిక శాఖ ఇప్పటికే నిర్వహిస్తున్న దర్యాప్తునకు కొనసాగింపుగానే ఈ పరిణామాలు చోటుచేసుకుంటున్నాయి. 2026 జనవరిలో బాధ్యతలు చేపట్టిన నాటి నుంచి ఇన్స్పెక్టర్ జనరల్ వీసా దుర్వినియోగంపై విచారణను తీవ్రతరం చేశారు. సంబంధిత కేసుల్లో ఇప్పటికే పదుల సంఖ్యలో సబ్పోనాలు జారీ చేసినట్లు అధికారులు తెలిపారు.
భారతీయ విద్యార్థులపై తీవ్ర ప్రభావం
{{/usCountry}}అమెరికాలోని విదేశీ విద్యార్థుల్లో అత్యధిక సంఖ్యలో ఉన్న భారతీయులపై ఈ తాజా పరిణామాలు గణనీయమైన ప్రభావం చూపే అవకాశముంది. ఇనిస్టిట్యూట్ ఆఫ్ ఇంటర్నేషనల్ ఎడ్యుకేషన్ 'ఓపెన్ డోర్స్ 2025' నివేదిక ప్రకారం.. 2024/25 విద్యా సంవత్సరంలో భారత్ నుంచి 3,63,019 మంది విద్యార్థులు అమెరికాలో చదువుకున్నారు. అమెరికాకు అత్యధిక సంఖ్యలో విద్యార్థులను పంపుతున్న దేశాల్లో భారత్ అగ్రస్థానంలో నిలిచింది.
చాలామంది విదేశీ గ్రాడ్యుయేట్లు హెచ్-1బీ వీసా సాధించడానికి ముందు అమెరికాలో పని అనుభవం పొందేందుకు ఓపీటీని ప్రధాన మార్గంగా ఎంచుకుంటారు. ఈ నేపథ్యంలో విశ్వవిద్యాలయాల నియామకాలు లేదా ఓపీటీ అమలు విధానాలపై భవిష్యత్తులో తీసుకునే ఏ విధమైన నిర్ణయాలైనా విస్తృత ప్రభావం చూపుతాయి. అయితే ప్రస్తుతం ఎలాంటి కొత్త నిబంధనలను ప్రకటించలేదు.