ఎదురుగా పోలీసులు- హెల్మెట్​ లేదు! వెంటనే బ్లింకిట్​లో ఆర్డర్​ చేసి, చలాన్​ నుంచి తప్పించుకున్నాడు..

హెల్మెట్ లేదని ట్రాఫిక్ పోలీసులు ఆపగానే, అక్కడికక్కడే ఆన్‌లైన్‌లో ఆర్డర్ ఇచ్చి నిమిషాల్లో డెలివరీ తెప్పించుకున్నాడు ఒక యువకుడు. ఈ దృశ్యం సోషల్ మీడియాలో చర్చనీయాంశమైంది.

హెల్మెట్​ లేని వాహనదారులను రోడ్డు మీదే ఆపేసి, పోలీసులు చలాన్లు కట్టించుకోవడం మనం చూస్తూనే ఉంటాము. సాధారణంగా ట్రాఫిక్​ పోలీసులు ఆపితే.. పొరపాటు అయ్యిందనో, హెల్మెట్​ని ఇంట్లో మర్చిపోయామనో చెబుతుంటారు. అయితే ఇది ఒకప్పటి మాట! ఇప్పుడు ట్రెండ్​ మారింది! ఎదురుగా పోలీసులు పట్టుకుంటున్నారని తెలిసి, 'క్లిక్​ కామర్స్'లో అప్పటికప్పుడు హెల్మెట్​లు ఆర్డర్లు ఇచ్చుకుంటున్నారు. ఇలాంటి ఘటనే మధ్యప్రదేశ్​లో ఒకటి ఇటీవలే జరిగింది. ఓ వ్యక్తి, బ్లింకిట్​ ద్వారా హెల్మెట్​ ఆర్డర్​ పెట్టుకుని, చలాన్ల నుంచి తప్పించుకున్నాడు. ఇందుకు సంబంధించిన వీడియో ఇప్పుడు సోషల్​ మీడియాలో వైరల్​గా మారింది.

అసలేం జరిగిందంటే?

బ్లింకిట్​లో హెల్మెట్​ ఆర్డర్​ ఇచ్చాడు- పోలీసుల నుంచి తప్పించుకున్నాడు!

ఇందోర్‌లోని ఒక బిజీ రోడ్డుపై పోలీసులు హెల్మెట్ తనిఖీలు చేపట్టారు. ఆ సమయంలో హెల్మెట్ లేకుండా వస్తున్న ఒక యువకుడిని పోలీసులు ఆపారు. అయితే ఆ యువకుడు పోలీసులతో వాదించకుండా, తన ఫోన్ తీసి వెంటనే 'బ్లింకిట్' యాప్‌లో ఒక హెల్మెట్ ఆర్డర్ చేశాడు.

ఆశ్చర్యకరంగా, కేవలం కొద్ది నిమిషాల్లోనే డెలివరీ బాయ్ నేరుగా తనిఖీలు జరుగుతున్న చోటికే వచ్చి హెల్మెట్ బాక్స్‌ను ఆ యువకుడికి అందజేశాడు. పోలీసుల ముందే ఆ బాక్స్ విప్పి, హెల్మెట్ ధరించి అక్కడి నుంచి వెళ్లిపోవడంతో అక్కడున్న వారంతా అవాక్కయ్యారు.

సోషల్ మీడియాలో భిన్నాభిప్రాయాలు..

ఈ వీడియో వైరల్ కావడంతో నెటిజన్లు రకరకాలుగా స్పందిస్తున్నారు:

ప్రశంసలు: "ఇది కదా అసలైన ఇండియన్ మైండ్ అంటే!" అంటూ కొందరు చలోక్తులు విసురుతున్నారు. క్విక్ డెలివరీ సర్వీసులు ఎంత వేగంగా పని చేస్తున్నాయో చెప్పడానికి ఇదొక నిదర్శనమని మరికొందరు కొనియాడారు.

విమర్శలు: మరోవైపు, ట్రాఫిక్ నిబంధనలను పాటించాల్సింది జరిమానాల నుంచి తప్పించుకోవడానికి కాదు, ప్రాణ రక్షణ కోసమని పలువురు హితవు పలుకుతున్నారు. "ఇది తెలివితేటలు కాదు, బాధ్యతారాహిత్యం" అని కొందరు నెటిజన్లు సీరియస్ అవుతున్నారు.

సోషల్​ మీడియాలో వైరల్​గా మారిన వీడియోని ఇక్కడ చూడండి :

భద్రత ముఖ్యం, చలాన్ కాదు!