టీమిండియాలోకి విరాట్ కోహ్లీ రాకతో మరోసారి అతనిపైనే అందరి దృష్టి ఉంటుందని ఆస్ట్రేలియా దిగ్గజ బ్యాటర్ మాథ్యూ హేడెన్ కొనియాడాడు. టెస్టు మ్యాచ్లు, టీ20లకు ఇప్పటికే వీడ్కోలు పలికిన కోహ్లీ.. ఛాంపియన్స్ ట్రోఫీ 2025లో భారత్ విజయం సాధించడంలో కీలక పాత్ర పోషించిన తర్వాత ఇన్నాళ్లకు మళ్లీ జట్టులోకి వచ్చాడు. ఆస్ట్రేలియాతో జరగబోయే వన్డే సిరీస్ కోసం టీమిండియా తరఫున ఆడుతున్నాడు. ఆదివారం (అక్టోబర్ 19) తొలి వన్డే జరగనున్న నేపథ్యంలో కోహ్లి గురించి మాథ్యూ హేడెన్ మాట్లాడాడు.
కోహ్లీ ఒక ఫెరారీ: హేడెన్
మైదానంలో విరాట్ కోహ్లీ పట్టుదలగా ఉండే విధానాన్ని హేడెన్ మెచ్చుకుంటూ అతని తిరుగులేని శక్తి, ఆకర్షణకు అతన్ని "ఫెరారీ"తో పోల్చాడు. ఈ మాజీ ఆస్ట్రేలియా దిగ్గజ క్రికెటర్.. కోహ్లీ వ్యక్తిత్వంపై భిన్నాభిప్రాయాలు ఉండటం సహజమని, దానికి కారణం "అతను అసాధారణంగా గొప్ప ఆటగాడు" కావడమే అన్నాడు.
"విరాట్ ఎప్పుడు ఉత్సాహంగా, చురుకుగా ఉంటాడు. అతను ఒక ఫెరారీ. అతడు ఫుల్ సౌండ్ చేస్తుంటాడు. ప్రేక్షకులను ఉద్దేశించి సైగలు చేస్తాడు. అతను క్రికెట్ మైదానంలో చేసే ప్రతి పనిపై జియోస్టార్ ప్రత్యేక దృష్టి పెడుతుంది. అతని ప్రతి కదలిక చాలా ప్రముఖంగా ఉంటుంది కాబట్టి దాని గురించి భిన్నమైన అభిప్రాయాలు ఏర్పడకుండా ఉండటం కష్టం. ఎందుకంటే అతను అంత గొప్పగా ఆడతాడు" అని హేడెన్ ఆల్ ఓవర్ ద బార్ క్రికెట్ యూట్యూబ్ ఛానెల్లో చెప్పాడు.
ఆ విషయంలో కోహ్లి గోల్డ్ స్టార్
మరోవైపు విరాట్ కోహ్లి తనకెంతో ఇష్టమైన ఆస్ట్రేలియా టూర్ కు తిరిగి వస్తున్నాడు. ఇక్కడ అతనికి తిరుగులేని రికార్డు ఉంది. ఆస్ట్రేలియాలో 29 వన్డే మ్యాచ్లు ఆడి దాదాపు 51.90 సగటుతో 1,327 పరుగులు చేశాడు. అందులో ఐదు సెంచరీలు, ఆరు హాఫ్ సెంచరీలు ఉన్నాయి. ఇది ప్రపంచ క్రికెట్లోనే అత్యంత బలమైన బౌలింగ్ లైనప్ ఉన్న ఆస్ట్రేలియాపై అతడు సాధించిన ఆధిపత్యాన్ని సూచిస్తుంది.
ఇక హేడెన్ ఈ రికార్డుతోపాటు కోహ్లి తన ఫిట్నెస్ ను మెయింటేన్ చేసే తీరును కూడా ప్రశంసించాడు. అతన్ని ఓ గోల్డెన్ స్టార్ గా చెప్పాడు. ఇప్పటికే అతడు 2027 వన్డే వరల్డ్ కప్ ఆడటంపైనే దృష్టి సారించాడని హేడెన్ అభిప్రాయపడ్డాడు.
{{/usCountry}}ఇక హేడెన్ ఈ రికార్డుతోపాటు కోహ్లి తన ఫిట్నెస్ ను మెయింటేన్ చేసే తీరును కూడా ప్రశంసించాడు. అతన్ని ఓ గోల్డెన్ స్టార్ గా చెప్పాడు. ఇప్పటికే అతడు 2027 వన్డే వరల్డ్ కప్ ఆడటంపైనే దృష్టి సారించాడని హేడెన్ అభిప్రాయపడ్డాడు.
{{/usCountry}}"అతను 302 మ్యాచ్ లు ఆడి 14,000 పరుగులు చేశాడు. ఇక వన్డే క్రికెట్లో అతని సగటు గురించి ఏం చెప్పగలం.. అది అద్భుతం. అతని విజయానికి కీలకం ఏంటంటే అతను తన ఫిట్నెస్ మెయింటేన్ చేయడంలో ఒక గోల్డెన్ స్టార్. నా ఆలోచనలో అతను 2027 ప్రపంచ కప్పై దృష్టి పెడుతున్నాడు. అతను దానిలో భాగం కావాలని కోరుకుంటున్నాడు" అని హేడెన్ తెలిపాడు.