డిజిటల్ యుగంలో వాట్సాప్ వాడకం ఎంత పెరిగిందో.. అదే స్థాయిలో సైబర్ నేరాలు, ఖాతాల హ్యాకింగ్ ఘటనలు తీవ్రమవుతున్నాయి. ఈ తరహా మోసాలకు అడ్డుకట్ట వేస్తూ వినియోగదారుల ఖాతాలకు మరింత రక్షణ కల్పించేందుకు మెటా యాజమాన్యం కీలక నిర్ణయం తీసుకుంది. పిన్ నంబర్ల స్థానంలో ఆల్ఫాన్యూమరిక్ పాస్వర్డ్, ఒకే ఖాతాకు బహుళ పాస్కీలు, అపరిచిత కాల్స్ వివరాలు ముందే తెలిపే కాలర్ కాంటెక్స్ట్ వంటి అధునాతన సెక్యూరిటీ ఫీచర్లను వాట్సాప్ ఆవిష్కరించింది.
పిన్ స్థానంలో బలమైన పాస్వర్డ్
ఇప్పటివరకు వాట్సాప్లో టూ-స్టెప్ వెరిఫికేషన్ కోసం ఆరు అంకెల పిన్ (PIN) నంబర్ను మాత్రమే ఉపయోగించే వెసులుబాటు ఉండేది. అయితే చాలామంది '123456' లేదా పుట్టిన తేదీల వంటి సులువైన సంఖ్యలను ఎంచుకోవడం వల్ల సైబర్ నేరగాళ్లు సులభంగా ఖాతాలను హ్యాక్ చేసేవారని భద్రతా నిపుణులు హెచ్చరించేవారు. దీనిని దృష్టిలో ఉంచుకుని, పిన్ స్థానంలో బలమైన ఆల్ఫాన్యూమరిక్ పాస్వర్డ్ను సెట్ చేసుకునే అవకాశాన్ని వాట్సాప్ కల్పించింది.
ఈ కొత్త విధానంలో కనీసం ఎనిమిది క్యారెక్టర్లతో ఆంగ్ల అక్షరాలు, సంఖ్యలు, ప్రత్యేక సంకేతాలు (@, #, $ మొదలైనవి) కలిపి పాస్వర్డ్ను క్రియేట్ చేసుకోవచ్చు. దీనివల్ల ఓటీపీ (OTP) చోరీకి గురైనా, ఖాతాను మరొకరు లాగిన్ చేయడం దాదాపు అసాధ్యమవుతుంది. యూజర్లు 'Settings > Account > Password' విభాగానికి వెళ్లి ఈ పాస్వర్డ్ను సెట్ చేసుకోవచ్చు.
ఒకే ఖాతాకు బహుళ పాస్కీలు (Multiple Passkeys)
వాట్సాప్ మరో కీలక ఫీచర్గా మల్టిపుల్ పాస్కీల సదుపాయాన్ని తీసుకొచ్చింది. ఇప్పటికే ప్రపంచవ్యాప్తంగా 100 కోట్ల (1 Billion) మందికి పైగా వినియోగదారులు పాస్కీలను వాడుతున్నారని సంస్థ తెలిపింది. ఫేస్ ఐడీ, ఫింగర్ప్రింట్ లేదా స్క్రీన్ లాక్ ద్వారా యాప్లోకి సులభంగా లాగిన్ అయ్యేందుకు ఇది తోడ్పడుతుంది.
ఇప్పటివరకు ఒక పరికరానికే పరిమితమైన పాస్కీ సేవలను, ఇప్పుడు ఐఓఎస్ (iOS), ఆండ్రాయిడ్ (Android) రెండు వేర్వేరు డివైజ్లు వాడేవారు ఒకే ఖాతా కోసం వేర్వేరు పాస్కీలను క్రియేట్ చేసుకునేలా అప్డేట్ చేశారు. దీనివల్ల ఎస్ఎంఎస్ ద్వారా వచ్చే ఓటీపీల కోసం వేచి చూడాల్సిన అవసరం ఉండదు. హ్యాకర్లు ఫిషింగ్ దాడికి పాల్పడినా ఈ బయోమెట్రిక్ పాస్కీలను దొంగిలించడం కుదరదు. యూజర్లు 'Settings > Account > Passkeys' ద్వారా వీటిని నిర్వహించుకోవచ్చు.
అపరిచిత కాల్స్ వివరాలు ముందే ప్రత్యక్షం
{{/usCountry}}ఇప్పటివరకు ఒక పరికరానికే పరిమితమైన పాస్కీ సేవలను, ఇప్పుడు ఐఓఎస్ (iOS), ఆండ్రాయిడ్ (Android) రెండు వేర్వేరు డివైజ్లు వాడేవారు ఒకే ఖాతా కోసం వేర్వేరు పాస్కీలను క్రియేట్ చేసుకునేలా అప్డేట్ చేశారు. దీనివల్ల ఎస్ఎంఎస్ ద్వారా వచ్చే ఓటీపీల కోసం వేచి చూడాల్సిన అవసరం ఉండదు. హ్యాకర్లు ఫిషింగ్ దాడికి పాల్పడినా ఈ బయోమెట్రిక్ పాస్కీలను దొంగిలించడం కుదరదు. యూజర్లు 'Settings > Account > Passkeys' ద్వారా వీటిని నిర్వహించుకోవచ్చు.
అపరిచిత కాల్స్ వివరాలు ముందే ప్రత్యక్షం
{{/usCountry}}ఆండ్రాయిడ్ వినియోగదారుల కోసం వాట్సాప్ మరో ఉపయోగకరమైన ఫీచర్ను అందుబాటులోకి తెచ్చింది. కాంటాక్ట్ లిస్ట్లో లేని అపరిచిత వ్యక్తుల నుంచి కాల్ వచ్చినప్పుడు, ఆ ఫోన్ నంబర్ ఏ దేశానికి చెందింది, సదరు వ్యక్తి మీతో ఏవైనా కామన్ వాట్సాప్ గ్రూపుల్లో ఉన్నారా అనే వివరాలను స్క్రీన్పై ముందే చూపిస్తుంది.
"సైబర్ నేరగాళ్లు హడావుడి వాతావరణాన్ని లేదా అత్యవసర పరిస్థితిని సృష్టించి మోసాలకు పాల్పడుతుంటారు. కాల్ ఎత్తడానికి ముందే ఈ ప్రాథమిక వివరాలు తెలియడం వల్ల యూజర్లు ఒక క్షణం ఆలోచించి అప్రమత్తమయ్యే అవకాశం లభిస్తుంది" అని సైబర్ సెక్యూరిటీ నిపుణుడు జోసెఫ్ స్టెయిన్బెర్గ్ వివరించారు. ఉమ్మడి గ్రూపుల్లో సభ్యులమని చెప్పి మోసం చేసే కేటుగాళ్లను కనిపెట్టడంలో ఈ వివరాలు సహాయపడతాయి.
వాట్సాప్ తీసుకొచ్చిన ఈ కొత్త భద్రతా కొలమానాలు ఖాతాల చోరీని అడ్డుకోవడంలో ఎంతగానో తోడ్పడతాయి. ముఖ్యంగా టూ-స్టెప్ వెరిఫికేషన్ పాస్వర్డ్, పాస్కీలను ఎనేబుల్ చేసుకోవడం ద్వారా వినియోగదారులు తమ వ్యక్తిగత సమాచారానికి, డిజిటల్ భద్రతకు తిరుగులేని రక్షణ కల్పించుకోవచ్చని సైబర్ నిపుణులు సూచిస్తున్నారు.