Yamaha EC 06 వర్సెస్​ River Indie- ఏ ఎలక్ట్రిక్​ స్కూటర్​ రేంజ్​ ఎక్కువ? ధర తక్కువ?

ఇండియలో యమహా తొలి ఎలక్ట్రిక్​ స్కూటర్​ ఈసీ-06 వర్సెస్​ రివర్​ ఇండీ.. ఈ రెండు ఈ-స్కూటర్లలో దేని ధర తక్కువ? దేని రేంజ్​ ఎక్కువ? వ్యత్యాసాలను ఇక్కడ డీటైల్డ్​గా తెలుసుకోండి..

ప్రముఖ టూ-వీలర్ దిగ్గజం యమహా ఇండియా ఎలక్ట్రిక్ వాహన రంగంలోకి అడుగుపెట్టింది. తన మొట్టమొదటి ఎలక్ట్రిక్ స్కూటర్ యమహా ఈసీ-06ను భారత మార్కెట్​లో విడుదల చేసింది. రూ. 1,67,600 (ఎక్స్-షోరూమ్) ధరతో వచ్చిన ఈ ఈ- స్కూటర్, ముఖ్యంగా సిటీ ప్రయాణాలకు అనువుగా తయారైంది. ఆసక్తికరమైన విషయం ఏంటంటే, ఈ స్కూటర్‌ను బెంగళూరుకు చెందిన స్టార్టప్ ‘రివర్’ భాగస్వామ్యంతో తయారు చేశారు. ఇది చూడటానికి రివర్ ఇండీ మోడల్‌ను పోలి ఉన్నప్పటికీ, యమహా తన మార్కు స్టైల్‌ను జోడించింది. ఈ నేపథ్యంలో యమహా ఈసీ-06, రివర్​ ఇండీ ఎలక్ట్రిక్​ స్కూటర్లను పోల్చి, వీటి మధ్య వ్యత్యాసాలను తెలుసుకుందాము..

యమహా ఈసీ-06 వర్సెస్​ రివర్​ ఇండీ

యమహా ఈసీ-06 వర్సెస్​ రివర్​ ఇండీ- ధరల మధ్య వ్యత్యాసం..

ధర విషయంలో యమహా ఈసీ-06 ఎలక్ట్రిక్​ స్కూటర్​ కంటే రివర్ ఇండీ కొంత తక్కువగా ఉంది.

యమహా ఈసీ-06 వర్సెస్​ రివర్​ ఇండీ- ధరలు
	యమహ ఈసీ-06	రివర్​ ఇండీ
ఎక్స్​షోరూం ధర	రూ. 167,600	రూ. 145,999

యమహా ఈసీ-06: రూ. 1,67,600 (ఎక్స్-షోరూమ్)

రివర్ ఇండీ: రూ. 1,45,999 (ఎక్స్-షోరూమ్)

యమహా బ్రాండ్ వాల్యూ, సర్వీస్ నెట్‌వర్క్ కారణంగా ఈ స్కూటర్ రివర్ ఇండీ కంటే రూ. 21,601 అదనపు ప్రీమియం ధరను కలిగి ఉంది.

యమహా ఈసీ-06 వర్సెస్​ రివర్​ ఇండీ- పర్ఫార్మెన్స్​..

ఈ రెండు ఎలక్ట్రిక్​ స్కూటర్లలోనూ ఒకే రకమైన పవర్‌ట్రెయిన్‌ను ఉపయోగించారు. కానీ రేంజ్, టాప్ స్పీడ్ విషయంలో చిన్నపాటి మార్పులు ఉన్నాయి:

యమహా ఈసీ-06 వర్సెస్​ రివర్​ ఇండీ - పర్ఫార్మెన్స్​
	యమహా ఈసీ-06	రివర్​ ఇండీ
బ్యాటరీ	4 కేడబ్ల్యూ	4 కేడబ్ల్యూ
రేంజ్​	169 కి.మీ	163 కి.మీ
పవర్​	8.98 బీహెచ్​పీ	8.98 బీహెచ్​పీ
టార్క్​	26 ఎన్​ఎం	26 ఎన్​ఎం
టాప్​ స్పీడ్​	79 కేఎంపీహెచ్​	90 కేఎంపీహెచ్​

యమహా ఈసీ-06లో 4 కేడబ్ల్యూ బ్యాటరీని ఇచ్చింది సంస్థ. దీని టాప్​ స్పీడ్​ 79 కేఎంపీహెచ్​. రేంజ్​ 169 కి.మీ. టార్క్​ 26 ఎన్​ఎం. ఇక రివర్​ ఇండీ ఎలక్ట్రిక్​ స్కూటర్​లో కూడా 4 కేడబ్ల్యూ బ్యాటరీ ప్యాక్​ ఉంటుంది. కానీ ఇది 163 కి.మీ రేంజ్​ని ఇస్తుంది. దీని టాప్​ స్పీడ్​ 90 కేఎంపీహెచ్​.