మిడిల్ క్లాస్ బడ్జెట్ ధరలోని లిటిల్ ఎలక్ట్రిక్ స్కూటర్.. లోకల్‌గా తిరిగేందుకు రేంజ్ కూడా ఓకే!

బడ్జెట్ ధరలోనే ఎలక్ట్రిక్ స్కూటర్ కొనాలని ఆలోచన ఉంటే మీ కోసం జెలియో ఈ ఉత్తమ ఈవీలను అందిస్తుంది. చాలా తక్కువ ధరలో ఈ కంపెనీ స్కూటీలను అందిస్తోంది.

ఎలక్ట్రిక్ స్కూటర్ తయారీదారు జెలియో ఈ మొబిలిటీ ఇటీవలే లిటిల్ గ్రేసీ ఎలక్ట్రిక్ స్కూటర్‌ను విడుదల చేసింది. లిటిల్ గ్రేసీ మూడు వేరియంట్లలో లభిస్తుంది. దీని ధర రూ. 49,500 (ఎక్స్-షోరూమ్) నుండి ప్రారంభమవుతుంది. అన్ని వయసులవారికి ఈ స్కూటర్లు సూట్ అవుతాయి.తక్కువ-వేగంతో నడిచే ఎలక్ట్రిక్ స్కూటర్ అని కంపెనీ చెబుతోంది.

జెలియో లిటిల్​ గ్రేసీ

ఈ కొత్త లిటిల్ గ్రేసీ ఎలక్ట్రిక్ స్కూటర్కు డ్రైవింగ్ లైసెన్స్ అవసరం లేదు. ఇందులో బ్యాటరీ కెపాసిటీ ఆధారంగా ధర, రేంజ్ ఉన్నాయి. వేరియంట్‌లు వాటి బ్యాటరీ ఆప్షన్స్ ద్వారా ఉంటాయి.

ధర, రేంజ్

60V/30AH లి-అయాన్ బ్యాటరీ కలిగిన స్కూటర్ ధర రూ. 58,000. 8 నుండి 9 గంటల ఛార్జింగ్ సమయంతో 70 నుండి 75 కి.మీ రేంజ్ అందిస్తుంది. అదేవిధంగా 60V/32AH లెడ్ యాసిడ్ బ్యాటరీ కలిగిన స్కూటర్ ధర రూ. 52,000. 7 నుండి 9 గంటల ఛార్జింగ్ సమయంతో 70 కి.మీ రేంజ్ ఇస్తుంది. 48V/32AH లెడ్ యాసిడ్ బ్యాటరీ కలిగిన స్కూటర్ ధర రూ. 49,500. 7 నుండి 8 గంటల్లో పూర్తి ఛార్జ్‌తో 55 నుండి 60 కి.మీ రేంజ్ వస్తుంది.

కలర్ ఆప్షన్స్

ప్రతి మోడల్‌లో 48/60V BLDC మోటార్ ఉంటుంది. బరువు 80 కిలోలు. దీని లోడింగ్ సామర్థ్యం 150 కిలోలు కూడా ఉంటుంది. నాలుగు ఆకర్షణీయమైన రంగుల కలయికలలో ఈ ఈవీ లభిస్తుంది. రోజ్, బ్రౌన్/క్రీమ్, వైట్/బ్లూ, ఎల్లో/గ్రీన్. ఇది హైడ్రాలిక్ సస్పెన్షన్, ముందు, వెనుక రెండింటిలోనూ డ్రమ్ బ్రేక్‌లను కూడా కలిగి ఉంది. లిటిల్ గ్రేసీ మోటార్, కంట్రోలర్, ఫ్రేమ్‌ను కవర్ చేసే రెండు సంవత్సరాల వారంటీతో వస్తుంది.

ఫీచర్లు

ఈ స్కూటర్లో డిజిటల్ మీటర్, యూఎస్‌బీ పోర్ట్, కీలెస్ డ్రైవ్, యాంటీ-థెఫ్ట్ అలారంతో సెంటర్ లాక్, రివర్స్ గేర్, పార్కింగ్ స్విచ్, ఆటో-రిపేర్ స్విచ్ వంటి ఆధునిక సౌకర్యాలు ఉన్నాయి. దీని గరిష్ట వేగం గంటకు 25 కిలో మీటర్లు. 2025 చివరి నాటికి 1,000 ప్లస్ డీలర్‌షిప్‌లను కలిగి ఉండాలని కంపెనీ లక్ష్యంగా పెట్టుకుంది.