టాప్ 10 హీరోయిన్ల జాబితా- ఓర్మాక్స్ మీడియా టాప్ 10 నటీమణుల జాబితా కోసం అందరూ ఆసక్తిగా ఎదురుచూస్తున్నారు. ఇలాంటి సమయంలో అభిమానుల నిరీక్షణకు ముగింపు పలికిన ఓర్మాక్స్ మీడియా.. టాప్ 10 మోస్ట్ పాపులర్ హీరోయిన్ల జాబితాను విడుదల చేసింది. ఈ జాబితా మార్చి 2026కి సంబంధించినది. ఎప్పుడైనా, ఈసారి కూడా దక్షిణాది నటీమణులు బాలీవుడ్ బ్యూటీస్ను వెనక్కి నెట్టేసారు. మరి ఏ నటి నంబర్ 1 కు చేరుకుంది, ఎవరు బాటమ్లో ఉన్నారో తెలుసుకుందాం.
సమంతా రూత్ ప్రభు- ఎప్పటిలాగే ఈసారి కూడా తెలుగు హీరోయిన్ సమంత రూత్ ప్రభు ఓర్మాక్స్ మీడియా రిపోర్ట్ లో నంబర్ 1 స్థానంలో నిలిచింది. దీంతో సమంత క్రేజ్ ఏమాత్రం తగ్గనట్లు తెలుస్తోంది.
ఈ జాబితాలో బాలీవుడ్ హీరోయిన్ అలియా భట్ రెండో స్థానంలో ఉంది.
రష్మిక మందన్న- సాయి పల్లవి, నయనతారను వెనక్కి నెట్టిన మూడో స్థానంలో నిలిచింది నేషనల్ క్రష్ రష్మిక మందన్నా. ఇటీవల పెళ్లి విషయాలతో రష్మిక ట్రెండింగ్లోకి వచ్చిన విషయం తెలిసిందే.
ఈ జాబితాలో బాలీవుడ్ హీరోయిన్ దీపికా పదుకొణె నాలుగో స్థానానికి చేరుకుంది. అల్లు అర్జున్ రాకా, షారుఖ్ కాన్ కింగ్ సినిమాలతో క్రేజ్ తెచ్చుకోవడంతో ఈ స్థానం వచ్చినట్లుగా అర్థం చేసుకోవచ్చు.
దక్షిణాది బ్యూటిఫుల్ హీరోయిన్ కాజల్ అగర్వాల్ ఈసారి ఐదో స్థానంలో ఉంది. సికందర్ తర్వాత కాజల్ నటించిన సినిమా ఏది లేదు. అయినా ఓర్మాక్స్ మీడియా టాప్ 10 హీరోయిన్ల జాబితాలో కాజల్ ఐదో స్థానం సంపాదించుకోవడం గొప్పగా చెప్పుకోవచ్చు.
సాయి పల్లవి- టాలీవుడ్ బ్యూటీ సాయి పల్లవి ఆరో స్థానంలో నిలిచారు. సినిమాల విషయానికొస్తే, సాయి త్వరలో రణబీర్ కపూర్ తో కలిసి 'రామాయణం' చిత్రంలో కనిపించనుంది. ఈ చిత్రంలో సాయి పల్లవి సీతగా అలరించనుంది.
ఓర్మాక్స్ జాబితాలో నయనతార ఏడో స్థానంలో ఉంది. రీసెంట్గా చిరంజీవి మనశంకర వరప్రసాద్ గారుతో మంచి హిట్ అందుకున్న లేడి సూపర్ స్టార్ ఏడో స్థానంలో నిలవడం తన అభిమానులకు కాస్తా నిరాశ అని చెప్పుకోవచ్చు.
త్రిష కృష్ణన్ - హీరోయిన్ త్రిష కృష్ణన్ ఈ జాబితాలో ఎనిమిదో స్థానంలో ఉంది. ఇటీవల దళపతి విజయ్తో లవ్ ఎఫైర్ రూమర్స్తో త్రిష తెగ ట్రెండ్ అయిన విషయం తెలిసిందే.
ఈ జాబితాలో బాలీవుడ్ హీరోయిన్, ఆదిపురుష్ బ్యూటీ కృతి సనన్ కూడా చేరారు. ఓర్మాక్స్ మీడియా టాప్ 10 నటీమణుల జాబితాలో కృతి సనన్ 9వ స్థానంలో ఉంది.
పుష్ప 2లో 'కిస్సిక్' పాటతో అందరి హృదయాలను గెలుచుకున్న డ్యాన్సింగ్ క్వీన్ శ్రీలీల ఈ ఓర్మాక్స్ టాప్ 10 హీరోయిన్ల జాబితాలో చివరి స్థానాన్ని కైవసం చేసుకుంది. అంటే పదో ప్లేసులో శ్రీలీలకు స్థానం దక్కింది.