అధికమాసం లేదా పురుషోత్తమ మాసానికి మన హిందూ సంప్రదాయంలో ఎంతో ప్రత్యేకమైన స్థానం ఉంది. కాలగణనలో వచ్చే మార్పుల కారణంగా ప్రతి మూడేళ్లకు ఒకసారి అధిక మాసం వస్తుంది. ఈ నెలలో చేసే ఏ చిన్న పుణ్యకార్యమైనా కూడా అనంతమైన ఫలితాలను ఇస్తుంది. అయితే అధిక మాసం అంటే మనకు ముఖ్యంగా వినిపించే సంఖ్య 33. పూజల్లో, దానధర్మాల్లో ఈ సంఖ్యకు ఎక్కువ ప్రాధాన్యత ఎందుకు ఇస్తారు? 33 అప్పాలను ఎందుకు దానం చేయాలి? ఇలాంటి విషయాలను ఇప్పుడు తెలుసుకుందాం.
33 అప్పాల దానం
అధిక మాసంలో దీనికి చాలా విశిష్టత ఉంది. ఈ నెలలో అప్పాలను దానం చేస్తారు. ఏ దానమైనా కూడా శక్తికొద్దీ ఇస్తాం, కానీ ఖచ్చితంగా 33 అప్పాలను అధిక మాసంలో దానం ఇస్తారు. 33 కోట్ల దేవతలకు ప్రతినిధులుగా 33 రకాల దేవతా శక్తులు ఈ సృష్టిని నడిపిస్తాయి. మనం సమర్పించే ఒక్కో అప్పం ఒక్కో దేవతకు తృప్తిని ఇస్తుందని పెద్దలు అంటారు. ఈ అప్పాలను ప్లేట్లో పెట్టి కాదు, కంచు పాత్రలో ఉంచి దానం చేయాలి.
కంచు అనేది పవిత్రమైన లోహం. ఇది దానం చేయడం వలన దానగ్రహీతకు సానుకూల శక్తి కలుగుతుంది. అప్పాల పైన కొంచెం నెయ్యి వేసి, తాంబూలంతో కలిసి బ్రాహ్మణుడికి సమర్పిస్తే ఆర్థిక ఇబ్బందుల నుంచి బయటపడొచ్చు. చాలా కాలంగా నిలిచిపోయిన ఇబ్బందులు కూడా తొలగిపోతాయి. కోర్టు సమస్యలు కూడా తీరిపోతాయని నమ్మకం.
33 దీపాలు
అధిక మాసంలో దీపారాధన చేస్తే జ్ఞానోదయం కలుగుతుంది. ఈ నెలలో 33 దీపాలను వెలిగిస్తే వంశంలో ఉన్న పితృదేవతల అనుగ్రహం లభించి, పితృదోషాలు తొలగిపోతాయని చెబుతారు. సూర్య, చంద్ర గ్రహాల స్థితి కూడా బలపడుతుంది. పితృదేవతల అనుగ్రహం కలగాలంటే ఆవు నెయ్యి లేదా నువ్వుల నూనెతో 33 దీపాలను వెలిగించి, నది తీరంలో లేదా ఆలయంలో సమర్పిస్తే వంశాభివృద్ధి కలుగుతుంది. సంతానం కోసం ఎదురుచూసే వారికి కూడా ఇది బాగా పనిచేస్తుందని విశ్వసిస్తారు.
33 దేవతలు ఎవరు?
33 కోట్లు అంటే పెద్ద సంఖ్య అనుకుంటారు. కానీ వేదాల ప్రకారం 33 రకాల శక్తులు ఉన్నాయని చెబుతారు. అధిక మాసంలో ఈ శక్తులన్నింటినీ ఏకం చేసి విష్ణువుకి అంకితం చేసే కాలంగా భావిస్తారు.
{{/usCountry}}33 కోట్లు అంటే పెద్ద సంఖ్య అనుకుంటారు. కానీ వేదాల ప్రకారం 33 రకాల శక్తులు ఉన్నాయని చెబుతారు. అధిక మాసంలో ఈ శక్తులన్నింటినీ ఏకం చేసి విష్ణువుకి అంకితం చేసే కాలంగా భావిస్తారు.
{{/usCountry}}8 వసువులు
భూమి, అగ్ని, నీరు, వాయు, ఆకాశం, సూర్యుడు, చంద్రుడు, నక్షత్రాలు. ఇవి ప్రకృతి శక్తులు.
11 రుద్రులు
శరీరంలోని ఐదు ప్రాణాలు, ఐదు కర్మేంద్రియాలు, ఆత్మ.
12 ఆదిత్యులు
ఏడాదిలో 12 నెలలకు ప్రతినిధులుగా ఉండే సూర్యుని రూపాలు.
2 అశ్విని దేవతలు. వీరు దైవ వైద్యులు.
శరీరం, కాలం, ప్రకృతి, ఆరోగ్యం.. ఈ నాలుగును శాసించే శక్తులే ఈ 33 దేవతలు.