ఆషాఢ అమావాస్య ఎప్పుడు? తేదీ, సమయంతో పాటు పూర్తి వివరాలు.. ఈ ఒక్క దీప పరిహారంతో కోరికలు నెరవేరుతాయట!

ఆషాఢ మాసాన్ని చాలామంది శూన్య మాసంగా భావించి శుభకార్యాలను నిర్వహించరు. అయితే ఈ మాసంలో పూజలు, వ్రతాలు, దానధర్మాలకు విశేష ప్రాధాన్యం ఉందని ఆధ్యాత్మిక విశ్వాసాలు చెబుతున్నాయి. ఈ నెలలో బోనాలు, పూరీ జగన్నాథుడి రథయాత్ర, వారాహి గుప్త నవరాత్రులు, తొలి ఏకాదశి, గురు పౌర్ణమి వంటి విశేష పర్వదినాలు వస్తాయి.

ఆషాఢ మాసం అంటే చాలా మంది శూన్య మాసం అని, ఇది మంచిది కాదని అనుకుంటారు. కానీ ఆషాఢ మాసంలో చేసే పూజలకు కూడా మంచి ఫలితం ఉంటుంది. ఆషాఢ మాసం తెలుగు సంవత్సరంలోని నాలుగో నెల. ఈ మాసంలో పౌర్ణమి రోజు చంద్రుడు పూర్వాషాఢ లేదా ఉత్తరాషాఢ నక్షత్రంలో ఉంటాడు.

ఆషాఢ అమావాస్య ఎప్పుడు? తేదీ, సమయంతో పాటు పూర్తి వివరాలు.. ఈ ఒక్క దీప పరిహారంతో కోరికలు నెరవేరుతాయట! (pinterest)

ఉత్తరాయణం పూర్తై, ఈ మాసం నుంచి దక్షిణాయనం ప్రారంభమవుతుంది. సూర్యుడు మిథున రాశి నుంచి కర్కాటక రాశిలోకి ప్రవేశించినప్పుడు దక్షిణాయనం మొదలవయ్యింది. అలాగే ఆషాఢ మాసం నుంచి వర్షాలు కురవిస్తాయి.

ఆషాఢ మాసంలో శుభకార్యాలు చేయకూడదని, దీనిని శూన్య మాసంగా భావిస్తారు. అందుకే వివాహాలు, గృహప్రవేశాలు, ఉపనయనాలు వంటి శుభకార్యాలను ఈ నెలలో నిర్వహించరు. అయితే ఆషాఢ మాసంలో ఇంటి నిర్మాణాన్ని ప్రారంభిస్తే మంచిదేనని చెబుతారు. గృహ నిర్మాణాన్ని మొదలుపెడితే పశుసంపద, రత్నాలు, మాణిక్యాలు, ధనధాన్యాలు లభిస్తాయని మత్స్య పురాణంలో పేర్కొన్నారు.

ఆషాఢ మాసంలో విశేష దినాలు

ఆషాఢ మాసంలో బోనాలు ప్రారంభమవుతాయి. అలాగే పూరీ జగన్నాథుడి రథయాత్ర కూడా ఈ మాసంలోనే జరుగుతుంది. వారాహి గుప్త నవరాత్రులు కూడా ఆషాఢ మాసంలోనే నిర్వహిస్తారు. తొలి ఏకాదశి కూడా ఈ మాసంలోనే వస్తుంది. గురు పౌర్ణమి కూడా ఆషాఢ మాసంలోని అత్యంత విశేషమైన పర్వదినాల్లో ఒకటి. అలాగే ఆషాఢ అమావాస్య కూడా ఎంతో విశిష్టమైనది. ఈ రోజున కొన్ని శక్తివంతమైన పరిహారాలను పాటించడం వల్ల అద్భుతమైన లాభాలు కలుగుతాయని విశ్వసిస్తారు.

ఆషాఢ అమావాస్య 2026 తేదీ, సమయం

అమావాస్య తిథి ముగింపు: జూలై 14, 2026 (మంగళవారం) మధ్యాహ్నం 3:12 గంటలకు

ఉదయ తిథి ప్రకారం జూలై 14, 2026 (మంగళవారం) ఆషాఢ అమావాస్యను ఆచరించాలి. ఆ రోజు పుణ్యస్నానాలు, దానధర్మాలు, అమావాస్య వ్రతం వంటి ఆధ్యాత్మిక కార్యక్రమాలు నిర్వహించడానికి అనుకూలంగా ఉంటుంది. మంగళవారం రావడం వల్ల దీనిని భౌమవతి అమావాస్య అని కూడా అంటారు. ఆషాఢ అమావాస్యను దీప అమావాస్య అని కూడా అంటారు.

దీప అమావాస్యనాడు కచ్చితంగా ఇలా దీపం వెలిగించండి

దీప అమావాస్య నాడు తప్పకుండా ఈ ఒక్క పరిహారాన్ని పాటించండి. అమావాస్య నాడు సాయంత్రం ఒక మట్టి ప్రమిదలో రెండు వత్తులు వేసి, ఈశాన్య మూలలో పెట్టి దీపం వెలిగించండి. అమావాస్య పూర్తయిన తర్వాత ఆ దీపాన్ని ఎవరూ తొక్కని ప్రదేశంలో వదిలేయండి.

అలాగే అమ్మవారిని భక్తిశ్రద్ధలతో పూజించండి. ఇలా చేయడం వల్ల కోరికలు నెరవేరుతాయని, అనుకున్న పనులు పూర్తవుతాయని, జీవితంలోని సమస్యలు తొలగిపోతాయని విశ్వసిస్తారు.

నిరాకరణ: ఈ వ్యాసంలో ఉన్న సమాచారం పూర్తిగా నిజం మరియు ఖచ్చితమైనదని మేము చెప్పము. మరిన్ని వివరాలు మరియు మరింత సమాచారం కోసం, సంబంధిత రంగంలో నిపుణుడిని సంప్రదించాలని నిర్ధారించుకోండి.