హిందూ సనాతన ధర్మంలో ప్రతి నెలా వచ్చే పూర్ణిమ తిథికి ఎంతో విశిష్టత ఉంది. అందులోనూ భాద్రపద మాసంలో వచ్చే పూర్ణిమకు ఆధ్యాత్మికంగా ఎంతో ప్రాధాన్యత ఉంది. ఈ రోజున భక్తులు భక్తిశ్రద్ధలతో సత్యనారాయణ స్వామిని పూజించడంతో పాటు దానధర్మాలు చేస్తుంటారు. ఈ పర్వదినం వెనుక ఉన్న విశేషాలు, పూజా విధానం గురించి ఇప్పుడు వివరంగా తెలుసుకుందాం.
భాద్రపద పూర్ణిమ ఎప్పుడు? శుభ ముహూర్తం ఇదే
పంచాంగం ప్రకారం, భాద్రపద పూర్ణిమ తిథి సెప్టెంబర్ 25వ తేదీ రాత్రి 11:06 గంటలకు ప్రారంభమై, సెప్టెంబర్ 26వ తేదీ రాత్రి 11:18 గంటల వరకు కొనసాగుతుంది. ఉదయ తిథి ప్రామాణికంగా సెప్టెంబర్ 26, 2026 నాడే భాద్రపద పూర్ణిమను జరుపుకోనున్నారు. ఈ రోజున చంద్రదర్శనానికి అత్యంత ప్రాధాన్యత ఉంది. పంచాంగం ప్రకారం సెప్టెంబర్ 26న సాయంత్రం 6:09 గంటలకు చంద్రోదయం కానుంది.
సత్యనారాయణ స్వామి వ్రతం, పూజా విశిష్టత
ఈ పవిత్ర రోజున విష్ణుమూర్తి రూపమైన శ్రీసత్యనారాయణ స్వామిని పూజించడం మన సంప్రదాయం. చాలా మంది భక్తులు ఈ రోజున ఉపవాసం ఉండి సత్యనారాయణ స్వామి కథను శ్రవణం చేస్తారు. కుటుంబంలో సుఖశాంతులు వెల్లివిరియాలని కోరుకుంటూ స్వామివారిని ప్రార్థిస్తారు. పూజా సమయంలో భగవంతునికి పండ్లు, తాజా పూలు, ప్రసాదం సమర్పించి భక్తిని చాటుకుంటారు. దీనివల్ల ఇంటా బయటా సానుకూల వాతావరణం ఏర్పడి, సమస్తబాధలు తొలగిపోతాయని విశ్వసిస్తారు.
చంద్రునికి అర్ఘ్య ప్రదానం, దానధర్మాల ప్రాముఖ్యత
భాద్రపద పూర్ణిమ రాత్రి సమయంలో చంద్రదేవునికి అర్ఘ్యం సమర్పించడం శ్రేయస్కరం. చంద్రోదయం అయిన తర్వాత ఒక పాత్రలో శుభ్రమైన నీటిని తీసుకుని, అందులో కొద్దిగా పచ్చిపాలు కలిపి చంద్రునికి సమర్పిస్తారు. పూర్ణిమ రోజున చంద్రుడు తన పూర్తి కళలతో ప్రకాశిస్తాడు కాబట్టి, ఆ సమయంలో అర్ఘ్యం ఇవ్వడం వల్ల మనస్శాంతి లభిస్తుందని నమ్ముతారు.
అలాగే ఈ రోజున దానధర్మాలు చేయడం వల్ల అనేక రెట్లు పుణ్యఫలం దక్కుతుంది. పూజా కార్యక్రమాలు ముగిసిన తర్వాత మీ శక్తి కొద్దీ నిరుపేదలకు అన్నదానం చేయడం, వస్త్రాలు లేదా నిత్యవసర వస్తువులను దానం చేయడం మంచిది. పితృపక్షాలు ప్రారంభమయ్యే ముందు కావడంతో పూర్వీకులను స్మరించుకుంటూ ఈ దానాలు చేయడం వల్ల వారి ఆశీస్సులు పరిపూర్ణంగా లభిస్తాయని పండితులు చెబుతున్నారు.
{{/usCountry}}అలాగే ఈ రోజున దానధర్మాలు చేయడం వల్ల అనేక రెట్లు పుణ్యఫలం దక్కుతుంది. పూజా కార్యక్రమాలు ముగిసిన తర్వాత మీ శక్తి కొద్దీ నిరుపేదలకు అన్నదానం చేయడం, వస్త్రాలు లేదా నిత్యవసర వస్తువులను దానం చేయడం మంచిది. పితృపక్షాలు ప్రారంభమయ్యే ముందు కావడంతో పూర్వీకులను స్మరించుకుంటూ ఈ దానాలు చేయడం వల్ల వారి ఆశీస్సులు పరిపూర్ణంగా లభిస్తాయని పండితులు చెబుతున్నారు.
{{/usCountry}}నిరాకరణ: ఈ వ్యాసంలో ఇచ్చిన సమాచారం పూర్తిగా నిజం మరియు ఖచ్చితమైనది అని మేము చెప్పుము. వివరణాత్మక మరియు మరింత సమాచారం కోసం, ఖచ్చితంగా సంబంధిత రంగంలోని నిపుణుడిని సంప్రదించండి.