దేవశయని ఏకాదశి 2026: తేదీ, పూజా ముహూర్తం, ఉపవాస నియమాలు, చాతుర్మాస్య విశిష్టత!

ఆషాఢ శుక్ల ఏకాదశిగా ప్రసిద్ధి చెందిన దేవశయని (హరిశయని) ఏకాదశి 2026 జూలై 25, శనివారం వచ్చింది. ఈ రోజున విష్ణుమూర్తిని భక్తిశ్రద్ధలతో ఆరాధించి ఉపవాసం ఆచరిస్తే పాపాలు తొలగి సుఖశాంతులు కలుగుతాయని విశ్వాసం. ఇదే రోజు చాతుర్మాస్యం ప్రారంభమవుతుంది.

ఏకాదశి నాడు విష్ణుమూర్తిని ప్రత్యేకించి ఆరాధిస్తాము. ఏకాదశి నాడు ఉపవాసం ఉంటే కూడా ఎంతో పుణ్యం కలుగుతుంది.

జూలై 25న దేవశయని ఏకాదశి

దేవశయని ఏకాదశి 2026: తేదీ, పూజా ముహూర్తం, ఉపవాస నియమాలు, చాతుర్మాస్య విశిష్టత! (pinterest)

దేవశయని ఏకాదశి నాడు విష్ణుమూర్తిని ప్రత్యేకించి ఆరాధిస్తారు. అలాగే, ఏకాదశి వ్రతాన్ని ఆచరించడం వలన సకల శుభాలు కలుగుతాయి. దేవశయని ఏకాదశిని హరిశయని ఏకాదశి అని కూడా అంటారు.

ధర్మశాస్త్రాల ప్రకారం, ఆషాఢ శుక్ల ఏకాదశి నాడు విష్ణువు క్షీరసాగరంలో నాలుగు నెలల పాటు యోగనిద్రను ఉపక్రమిస్తారు. ఆ రోజు నుంచి కార్తీక శుక్ల ఏకాదశి వరకు ఉండే కాలాన్ని చాతుర్మాస్య వ్రత కాలం అంటారు.

ఈ దేవశయని ఏకాదశి నాడు విష్ణువును ఆరాధించి ఉపవాసం ఉండడం వలన తెలిసీ తెలియక చేసిన పాపాలన్నీ కూడా తొలగిపోతాయి. సుఖసంతోషాలు వెల్లివిరుస్తాయి.

దేవశయని ఏకాదశి 2026 తేదీ, ముహూర్తం

వైదిక పంచాంగం ప్రకారం చూసినట్లయితే, ఈ ఏడాది ఆషాఢ శుక్ల ఏకాదశి జూలై 25, శనివారం నాడు వచ్చింది. అందువల్ల ఆ రోజు ఏకాదశి వ్రతాన్ని ఆచరించాలి.

ఏకాదశి తిథి ప్రారంభం: జూలై 24, ఉదయం 9:12 గంటలకు.

ఏకాదశి తిథి ముగింపు: జూలై 25, ఉదయం 11:30 గంటలకు.

వ్రత ఆచరణ: జూలై 25, శనివారం.

పారణ సమయం: ఉపవాసాన్ని జూలై 26, ఉదయం 5:39 నుంచి 8:02 గంటల వరకు విరమించడానికి అనుకూలంగా ఉంది.

చాతుర్మాసంలో శుభకార్యాలు చేయకూడదు

ఆషాఢ శుక్ల ఏకాదశి నుంచి నాలుగు నెలల పాటు శుభకార్యాలు చేయరు. ఈ నాలుగు నెలల పాటు వివాహాలు, గృహప్రవేశాలు, అక్షరాభ్యాసాలు, ఉపనయనాలు వంటివి జరపరు. ఈ కాలాన్ని ఆధ్యాత్మిక సాధనకు, దానధర్మాలకు, విష్ణు నామస్మరణకు కేటాయించడం మంచిది. ఈ నెలల్లో చేసే జపాలు, తపాలు, వ్రతాలు ఎన్నో రెట్లు ఫలితాన్ని ఇస్తాయి.

పరమేశ్వరుడికి బాధ్యత

నిరాకరణ: ఈ వ్యాసంలో ఉన్న సమాచారం పూర్తిగా నిజం మరియు ఖచ్చితమైనదని మేము చెప్పము. మరిన్ని వివరాలు మరియు మరింత సమాచారం కోసం, సంబంధిత రంగంలో నిపుణుడిని సంప్రదించాలని నిర్ధారించుకోండి.