జ్యోతిష్య శాస్త్రంలో గ్రహాల రాకుమారుడైన సూర్యుడు ప్రతి 14 నుంచి 15 రోజులకు ఒకసారి తన నక్షత్రాన్ని మారుస్తుంటాడు. ప్రస్తుతం స్వాతి నక్షత్రంలో సంచరిస్తున్న భాస్కరుడు, వచ్చే నెల నవంబర్ 6, శుక్రవారం నాడు విశాఖ నక్షత్రంలోకి అడుగుపెట్టనున్నారు. ప్రత్యేకత ఏమిటంటే.. అదే రోజు పవిత్రమైన ధన త్రయోదశి పండుగ కూడా ఉంది. విశాఖ నక్షత్రానికి దేవుగురు బృహస్పతి అధిపతి. ఆ రోజున గురు నక్షత్రంలోకి సూర్యుడు ప్రవేశించడం అత్యంత శక్తిమత్తమైన, అరుదైన ఖగోళ పరిణామంగా పండితులు వివరిస్తున్నారు.
ఆత్మకారకుడు, పరాక్రమ ప్రదాత అయిన సూర్యుడు.. ధన, వైభవాలకుకారకుడైన గురుని ప్రభావంలోకి రానుండటం వల్ల రాబోయే 14 రోజుల పాటు కొన్ని రాశుల వారికి అదృష్టం తలపు తట్టనుంది. నవంబర్ 19 వరకు సూర్యుడు ఇదే నక్షత్రంలో సంచరిస్తాడు. ఈ కాలంలో ఏయే రాశుల వారి జాతకం ఎలా ఉందో ఇక్కడ చూద్దాం.
మిథున రాశి:
ఈ సూర్య సంచార కాలం మిథున రాశి వారికి అన్ని విధాలా కలసివస్తుంది. ముఖ్యంగా విద్యారంగంతో సంబంధం ఉన్నవారికి అద్భుతమైన ఫలితాలు దక్కుతాయి. ప్రేమ జీవితంలో అన్యోన్యత పెరుగుతుంది. ఆర్థిక ఇబ్బందులు తొలగిపోయి డబ్బులను ఆదా చేస్తారు.
వ్యాపారులు కొత్త ఒప్పందాలపై సంతకాలు చేసే సూచనలున్నాయి. ఉద్యోగులకు ఆఫీసులో కొత్త అవకాశాలు తారసపడతాయి. అనవసర ఖర్చులు పూర్తిగా తగ్గిపోయి, పొదుపు చేసే మార్గాలు సులభతరమవుతాయి.
కర్కాటక రాశి:
కర్కాటక రాశి వారికి ఈ నక్షత్ర మార్పు సిరిసంపదలను తెచ్చిపెట్టనుంది. అదృష్టం పూర్తిగా మీ వెంటే ఉంటుంది. వ్యాపారాలు జోరుగా సాగి బలమైన ఆర్థిక స్థితిని అందుకుంటారు. సమాజంలోని ఉన్నత స్థాయి, ప్రభావశీల వ్యక్తులతో పరిచయాలు ఏర్పడతాయి.
ఇది భవిష్యత్లో మీ ఉద్యోగానికి లేదా వ్యాపారానికి ఎంతో ఉపకరిస్తుంది. గతంలో చేసిన పెట్టుబడుల నుంచి ఊహించని లాభాలు వస్తాయి. నిరుద్యోగులకు, ఉద్యోగంలో ఒత్తిడి ఎదుర్కొంటున్న వారికి ఆందోళనలు తొలగిపోతాయి.
సింహ రాశి:
{{/usCountry}}ఇది భవిష్యత్లో మీ ఉద్యోగానికి లేదా వ్యాపారానికి ఎంతో ఉపకరిస్తుంది. గతంలో చేసిన పెట్టుబడుల నుంచి ఊహించని లాభాలు వస్తాయి. నిరుద్యోగులకు, ఉద్యోగంలో ఒత్తిడి ఎదుర్కొంటున్న వారికి ఆందోళనలు తొలగిపోతాయి.
సింహ రాశి:
{{/usCountry}}సింహ రాశి అధిపతి స్వయంగా సూర్యుడే కావడంతో ఈ కాలం ఈ రాశి వారికి చాలా ప్రత్యేకం. మీ కష్టానికి తగిన ప్రతిఫలం కచ్చితంగా దక్కుతుంది. వృత్తి జీవితంలో మీ ధైర్యసాహసాలు అధికారులను ఆకట్టుకుంటాయి. ఆత్మవిశ్వాసం పెరుగుతుంది.
నూతన ప్రాజెక్టులు లేదా పనులు ప్రారంభించడానికి ఇదే మంచి తరుణం. వ్యాపారంలో కొత్త లాభసాటి మార్గాలు కంటబడతాయి. సమాజంలో మీ పేరు ప్రఖ్యాతులు మరింత ఇనుమడిస్తాయి.
ధనుస్సు రాశి:
దేవుగురు బృహస్పతి ఆధిపత్యం ఉన్న ధనుస్సు రాశి వారికి సూర్య సంచారం అపూర్వ ఫలితాలను ఇస్తుంది. ఉద్యోగస్తులకు ప్రమోషన్ లేదా హోదాలో మార్పు వచ్చే అవకాశం ఉంది. విద్యార్థులకు ఈ సమయం అత్యంత అనుకూలంగా ఉంటుంది.
ముఖ్యంగా పోటీ పరీక్షలకు సన్నద్ధమయ్యే అభ్యర్థులు శుభవార్తలు వింటారు. వృత్తిరీత్యా చేసే ప్రయాణాలు లాభసాటిగా మారుతాయి. కుటుంబ సభ్యుల సహకారంతో ఆస్తి వృద్ధి చెందే సూచనలున్నాయి.
మీన రాశి:
మీన రాశి వారికి ఈ కాలం ఆర్థికంగా ఊరటనిస్తుంది. ఎప్పటి నుంచో నిలిచిపోయిన లేదా ఎక్కడో ఇరుక్కుపోయిన డబ్బు తిరిగి మీ చేతికి అందుతుంది. పూర్వీకుల ఆస్తుల ద్వారా లాభాలు అందుకుంటారు. పెట్టుబడులు పెట్టేందుకు ఇది సరైన సమయం.
కీలకమైన నిర్ణయాలు తీసుకునేటప్పుడు కుటుంబం లేదా నిపుణుల సలహా కలసివస్తుంది. కార్యాలయంలో మీ పనితీరుకు ప్రశంసలు దక్కడంతో పాటు ఉన్నతాధికారుల అండదండలు లభిస్తాయి.