E-Paper
Dhanteras Wishes 2025: మీ స్నేహితులకు, బంధువులకు ఈ శ్లోకాలతో ధన త్రయోదశి విషెస్ చెప్పండి!
ధన త్రయోదశి నాడు బంగారం, వెండి కొనుగోలు చేస్తే సకల శుభాలు కలుగుతాయని, లక్ష్మీదేవి అనుగ్రహాన్ని పొందవచ్చని నమ్ముతారు. ధన త్రయోదశి నాడు ఆయుర్వేదం కూడా పుట్టిందని అంటారు. ధన త్రయోదశి నాడు మీ స్నేహితులు, బంధువులు బాగుండాలని, వారికి కూడా లక్ష్మీ అనుగ్రహం కలగడానికి ఈ శుభాకాంక్షలు తెలపండి.
రేపే ధన త్రయోదశి. ధన త్రయోదశి అంటే మనకి మొదట గుర్తొచ్చేది బంగారం, వెండి. ధన త్రయోదశి నాడు బంగారం, వెండి కొనుగోలు చేస్తే సకల శుభాలు కలుగుతాయని, లక్ష్మీదేవి అనుగ్రహాన్ని పొందవచ్చని నమ్ముతారు. ధన త్రయోదశి నాడు ఆయుర్వేదం కూడా పుట్టిందని అంటారు. ఎంతో విశిష్టంగా ధనవంతుని పూజను ఆ రోజు నిర్వహిస్తారు. ఈ ఏడాది ధన త్రయోదశి అక్టోబర్ 18, శనివారం నాడు వచ్చింది. ఆ రోజు ధనవంతునికి జయంతిగా, లక్ష్మీదేవి ఆవిర్భవించిన రోజుగా భావించి లక్ష్మీదేవిని ఆరాధిస్తారు.
లక్ష్మీదేవి
లక్ష్మీదేవి అనుగ్రహం కలగడానికి బంగారం, వెండి కొనుగోలు చేస్తారు. అదే విధంగా ఆ రోజు లక్ష్మీదేవికి ప్రత్యేక పూజలు కూడా చేస్తారు. వినాయకుడిని, లక్ష్మీదేవిని, కుబేరుని పూజిస్తే సిరిసంపదలు కలుగుతాయని నమ్మకం. సాయంత్రం యమ దీపాన్ని వెలిగిస్తారు. అలా చేయడం వలన అపవిత్ర దోషం తొలగిపోతుందని విశ్వాసం.
అలాగే ధన త్రయోదశి నాడు కొన్ని పొరపాట్లు కూడా చేయకుండా చూసుకుంటారు. ధన త్రయోదశి నాడు మర్చిపోకుండా యమదీపాన్ని వెలిగించడం, లక్ష్మీదేవిని పూజించడం వంటివి చేస్తారు. అలాగే తులసి కోట ముందు నేతితో దీపారాధన చేస్తారు. తులసి కోట చుట్టూ ప్రదక్షిణలు చేసి తులసమ్మను పూజిస్తారు. అలా చేయడం వలన లక్ష్మీ కటాక్షం కలుగుతుందని నమ్ముతారు.
లక్ష్మీ అనుగ్రహం కలగడానికి ఈ శుభాకాంక్షలు తెలపండి
లక్ష్మీదేవిని ప్రసన్నం చేయడానికి ధన త్రయోదశి నాడు తామర పూలమాలను సమర్పిస్తారు. గడపలకు పసుపు, కుంకుమలు రాసి, వరి పిండితో గడపపై ముగ్గులు వేస్తారు. ఈ విధంగా చేస్తే లక్ష్మీదేవి ఇంట్లోకి వస్తుందని భావిస్తారు. ఇక ధన త్రయోదశి నాడు అందరికీ సకల శుభాలు కలగాలని అనుకుంటున్నారా? మరి ధన త్రయోదశి నాడు మీ స్నేహితులు, బంధువులు బాగుండాలని, వారికి కూడా లక్ష్మీ అనుగ్రహం కలగడానికి ఈ శుభాకాంక్షలు తెలపండి. మామూలుగా కాకుండా శ్లోకాలతో ఈ విషెస్ ని మీ స్నేహితులకి, బంధువులకు చెప్పండి.
