Evil Eye Remedies: దిష్టి తగలడం అంటే ఏమిటి? సులభమైన పరిహారాలు, శక్తివంతమైన మంత్రాలివే!

చిన్న పిల్లలు అకారణంగా ఏడవడం, ఇంట్లో పనులు వరుసగా ఆగిపోవడం, ఆకస్మిక అనారోగ్యం వంటి సందర్భాల్లో పెద్దలు దిష్టి తగిలిందని నమ్ముతారు. దీనిని తొలగించేందుకు ఉప్పు, ఆవాలు, ఎండుమిర్చితో పాటు భక్తితో మంత్రాలు జపించే సంప్రదాయం ఉంది.

చిన్న పిల్లలు అకారణంగా ఏడుస్తున్నా, ఇంట్లో పనులు వరుసగా ఆగిపోతున్నా, లేదా ఎవరైనా ఆకస్మికంగా అనారోగ్యానికి గురైనా.. పెద్దలు వెంటనే "దిష్టి తగిలింది" అంటుంటారు. ఇది తరతరాలుగా వస్తున్న నమ్మకం. దిష్టిని తొలగించడానికి ఉప్పు, ఆవాలు, ఎండుమిర్చి వాడటం మన సంప్రదాయం. అయితే, దిష్టి తీసేటప్పుడు ఏ మంత్రాలు చదవాలి? సరైన పద్ధతి ఏమిటి? అనే విషయాలపై చాలామందికి స్పష్టత ఉండదు.

దిష్టి తీసేటప్పుడు చదవాల్సిన శక్తివంతమైన మంత్రాలు

Evil Eye Remedies: దిష్టి తగలడం అంటే ఏమిటి? సులభమైన పరిహారాలు, శక్తివంతమైన మంత్రాలివే! (pinterest)

దిష్టి తీసేటప్పుడు మనసులో భక్తి, నమ్మకం ఉంటే ఫలితం త్వరగా ఉంటుందని పెద్దల మాట. ఆ సమయంలో ఈ కింది మంత్రాలను చదవడం వల్ల ప్రతికూల శక్తులు తొలగిపోతాయి:

హనుమంతుని మంత్రం: అంజనీ పుత్రుడైన హనుమంతుడిని స్మరిస్తే భయం, దిష్టి దోషాలు పటాపంచలవుతాయి. "ఓం హం హనుమతే రుద్రాత్మకాయ హుం ఫట్" అనే మంత్రాన్ని జపించండి. ఒకవేళ ఇది కష్టమనిపిస్తే, "సంకట కటె మిటె సబ పీరా, జో సుమిరై హనుమత బలబీరా" అనే హనుమాన్ చాలీసాలోని చౌపాయిని పఠించండి. ఇది మనశ్శాంతిని, రక్షణను ఇస్తుంది.

శివ పంచాక్షరి: సర్వశక్తిమంతుడైన పరమశివుడిని తలచుకోవడం అత్యంత శుభప్రదం. దిష్టి తీసేటప్పుడు నిశ్శబ్దంగా "ఓం నమః శివాయ" అని జపిస్తే చాలు, ఇంట్లో ఉన్న నెగటివ్ ఎనర్జీ మాయమై పాజిటివ్ తరంగాలు వ్యాపిస్తాయి.

దిష్టి తీసే విధానం: పాటించాల్సిన పద్ధతులు

ఒక గుప్పెడు ఆవాలు, కొద్దిగా కల్లుప్పు, రెండు మూడు ఎండుమిర్చిని చేతిలోకి తీసుకోండి. దిష్టి తగిలిన వ్యక్తిని కుర్చీలో కూర్చోబెట్టి, పై మంత్రాలను చదువుతూ తల నుండి పాదాల వరకు ఏడుసార్లు 'క్లాక్ వైజ్' (సవ్యదిశలో) దిష్టి తీయాలి. ఇలా తీసిన తర్వాత ఆ మిశ్రమాన్ని కర్పూరం పెట్టి కాల్చాలి. ఆ వచ్చిన బూడిదను ఇంటి బయట ఎవరూ తొక్కని చోట లేదా చెట్టు మొదట్లో పారేయాలి. వీలైతే పారే నీటిలో కూడా కలపవచ్చు.

ముఖ్యమైన జాగ్రత్తలు

దిష్టి తీసే సమయంలో అనవసరమైన మాటలు మాట్లాడకండి. మనసును ప్రశాంతంగా ఉంచుకోండి.

"అంతా మంచే జరుగుతుంది" అనే బలమైన సంకల్పంతో ఈ పని చేయండి.

అతిగా నమ్మకం పెట్టుకున్నా, ఏదైనా తీవ్రమైన సమస్య ఎదురైనప్పుడు వైద్యులను సంప్రదించడం లేదా తగిన ప్రాక్టికల్ పరిష్కారాలను వెతకడం కూడా అంతే ముఖ్యం.

నిరాకరణ- ఈ వ్యాసంలో అందించిన సమాచారం పూర్తిగా నిజం మరియు ఖచ్చితమైనదని మేము చెప్పము. వివరణాత్మక మరియు మరింత సమాచారం కోసం, సంబంధిత నిపుణుడిని సంప్రదించండి.