E-Paper
కుజ సంచారం 2026 : ఆగస్టు 2 నుంచి మిథునంలోకి అంగారకుడు - ఈ 4 రాశుల వారికి కష్టాలు!
ఆగస్టు 2న అంగారక గ్రహం మిథున రాశిలోకి ప్రవేశించనుంది. శత్రు గ్రహమైన బుధుడి ఇంట కుజుడి సంచారం వల్ల సెప్టెంబర్ 18 వరకు ఏ ఏ రాశుల వారు హెచ్చరికతో ఉండాలో పండిట్ నరేంద్ర ఉపాధ్యాయ్ విశ్లేషణ ఇక్కడ చదవండి…
జ్యోతిష్య శాస్త్రంలో అత్యంత కీలకమైన గ్రహ మార్పుల్లో అంగారకుడి (కుజుడు) గోచారం ఒకటి. ఆగస్టు నెల ప్రారంభంలోనే అంగారక గ్రహం తన స్థానాన్ని మార్చుకోనుంది. ప్రస్తుతం వృషభ రాశిలో కొనసాగుతున్న కుజుడు, 2026 ఆగస్టు 2వ తేదీ ఆదివారం నాడు మిథున రాశిలోకి ప్రవేశించనున్నాడు. మిథున రాశికి అధిపతి బుధుడు. జ్యోతిష్య నమ్మకాల ప్రకారం అంగారకుడు (శక్తి, దూకుడుకు కారకుడు), బుధుడు (మేధస్సు, సంభాషణకు కారకుడు) పరస్పరం శత్రు గ్రహాలుగా పరిగణిస్తారు.
తన శత్రు గ్రహమైన బుధుడికి చెందిన మిథున రాశిలో అంగారకుడు ప్రవేశించడం వల్ల అనేక రాశుల వారిపై ప్రతికూల ప్రభావం పడనుంది. కుజుడు ఈ మిథున రాశిలో సుమారు 46 రోజుల పాటు, అంటే 2026 సెప్టెంబర్ 18 వరకు సంచరిస్తాడు. ప్రముఖ జ్యోతిష్య పండితులు నరేంద్ర ఉపాధ్యాయ్ తెలిపిన వివరాల ప్రకారం….. శక్తి స్వరూపుడైన అంగారకుడు బుధుడి ఇంట ప్రవేశించినప్పుడు మానసిక ఆందోళనలు, నిర్ణయాల్లో తొందరపాటు మరియు కోపం లేదా దూకుడు విపరీతంగా పెరుగుతాయి. ఈ గ్రహ సంచారం వల్ల కొన్ని రాశుల వారికి సానుకూల ఫలితాలు వచ్చినప్పటికీ, 4 రాశుల వారు మాత్రం తీవ్ర జాగ్రత్తలు వహించాల్సి ఉంటుంది. ఆ నాలుగు రాశుల వివరాలు… వారు ఎదుర్కొనే సవాళ్లను ఇక్కడ తెలుసుకోండి…
1. కర్కాటక రాశి :
కుజ గోచారం కారణంగా కర్కాటక రాశి వారు శారీరక, మానసిక సమస్యలను ఎదుర్కొనే అవకాశాలు ఎక్కువ. ముఖ్యంగా తీవ్రమైన తలనొప్పి, కారణం లేని భయం, ఆందోళన మిమ్మల్ని వెంటాడవచ్చు. మనస్సులో ప్రతికూల ఆలోచనలు పెరిగి ప్రశాంతత లోపిస్తుంది. అదుపు తప్పే అనవసర ఖర్చులు ఆందోళన కలిగిస్తాయి; చివరికి అప్పులు చేయాల్సిన పరిస్థితులు కూడా తలెత్తవచ్చు. అందుకే ముందస్తుగా ఆర్థిక బడ్జెట్ రూపకల్పన చేసుకుని, అనవసర వ్యయాలకు దూరంగా ఉండటం శ్రేయస్కరం. ఉద్యోగంలో లేదా ఆఫీసు వాతావరణంలో ఎవరితోనూ అనవసర వాదనలకు దిగకూడదు.
2. వృశ్చిక రాశి :
వృశ్చిక రాశి వారికి ఈ సమయం కాస్త ప్రతికూలంగా మారనుంది. శత్రువుల నుంచి నూతన సమస్యలు ఎదురయ్యే సూచనలు కనిపిస్తున్నాయి. ఆర్థికంగా ఇబ్బందులు చుట్టుముడతాయి. ఆలోచన లేని విచక్షణా రహిత ఖర్చుల వల్ల కుటుంబ బడ్జెట్ తలకిందులవుతుంది. ఈ 46 రోజుల కాలంలో ఎలాంటి పెట్టుబడులు పెట్టడం మంచిది కాదు, కాబట్టి ఆర్థికపరమైన కీలక నిర్ణయాలను వాయిదా వేయండి. కొత్త పనులు లేదా కొత్త వ్యాపారాలు ప్రారంభించాలని భావిస్తుంటే ప్రస్తుతానికి ఆ ఆలోచన పక్కన పెట్టడం మేలు. కుటుంబంలో సఖ్యత తగ్గి వివాదాలు రావచ్చు.
3. మీన రాశి :
మిథునంలో కుజుడి ప్రవేశం మీన రాశి వారికి కూడా అంత సానుకూలంగా లేదు. ఈ కాలంలో వ్యక్తిగత మరియు వృత్తిపరమైన సంబంధాలలో చిక్కులు ఎదురవుతాయి. మీ మాటతీరుపై ప్రత్యేక నియంత్రణ అవసరం, లేకుంటే మీ మాటలే ఇతరులను బాధపెట్టి మీపైకి తిరగబడవచ్చు. పనిచేసే చోట పైఅధికారులతో ఎట్టి పరిస్థితుల్లోనూ విభేదించవద్దు. ఆ సమయానికి ఉపయోగకరంగా అనిపించినప్పటికీ, భవిష్యత్తులో పనికిరాని వస్తువుల కోసం డబ్బు వృధా చేసే అవకాశం ఉంది. కుటుంబ బాధ్యతలను సక్రమంగా నెరవేర్చడంలో ఇబ్బందులు ఎదురవుతాయి. ఆర్థిక లావాదేవీల విషయంలో అత్యంత జాగ్రత్తగా ఉండాలి.
4. మిథున రాశి :
స్వయంగా మీ రాశిలోనే కుజ సంచారం జరుగుతోంది. మిథునం కుజుడికి శత్రు క్షేత్రం కావడం వల్ల మీలోని ధైర్యం, ఆత్మవిశ్వాసం తగ్గే ప్రమాదం ఉంది. సమయానికి సరైన నిర్ణయాలు తీసుకోలేక అయోమయానికి గురవుతారు. కోపం విపరీతంగా పెరగడం, మాటపై అదుపు తప్పడం వంటి పరిణామాలు ఉంటాయి. ఆరోగ్యపరంగా రక్తపోటు (బీపీ) పెరిగే అవకాశం ఉన్నందున జాగ్రత్త పడాలి. కుటుంబ సభ్యులు లేదా మిత్రులతో చిన్న విషయాలకే పెద్ద గొడవలు జరిగే సూచనలు ఉన్నాయి.
