నాగుల చవితి ఎప్పుడు? నాగేంద్రుడి పూజకు శుభ ముహూర్తం ఇదే.. ఈ నియమాలు తప్పక పాటించండి!

హిందూ సంప్రదాయంలో నాగుల చవితికి ఎంతో ప్రాముఖ్యత ఉంది. 2026లో నవంబర్ 13, శుక్రవారం నాగుల చవితి పండుగను జరుపుకుంటారు. నవంబర్ 12 సాయంత్రం 6:09 గంటలకు ప్రారంభమయ్యే చవితి తిథి నవంబర్ 13 రాత్రి 8:42 గంటలకు ముగుస్తుంది.

ప్రతి ఏటా దీపావళి అమావాస్య తర్వాత వచ్చే చవితి రోజున నాగుల చవితిని జరుపుకుంటాము. నాగుల చవితి హిందువులు అత్యంత భక్తి శ్రద్ధలతో జరుపుకునే పవిత్రమైన పండుగ. తెలుగు రాష్ట్రాల్లో నాగుల చవితికి ఎంతో ప్రాధాన్యత ఉంది. ఆ రోజు నాగదేవతలను పూజించడం వలన కుటుంబంలో సుఖ సంతోషాలు ఉంటాయని, సంతాన సౌభాగ్యం, ఐశ్వర్యం, ఆరోగ్యం సిద్ధిస్తాయని నమ్మకం.

నాగుల చవితి ఎప్పుడు? నాగేంద్రుడి పూజకు శుభ ముహూర్తం ఇదే.. ఈ నియమాలు తప్పక పాటించండి! (AI)

2026లో నాగుల చవితి ఎప్పుడు వచ్చింది? తేదీ, సమయంతో పాటుగా ఏ సమయంలో పూజ చేసుకోవాలి? ఆధ్యాత్మిక విశిష్టత వివరాలు మొదలైన విషయాలను తెలుసుకుందాం.

2026లో నాగుల చవితి ఎప్పుడు వచ్చింది?

పంచాంగం ఆధారంగా చూసినట్లయితే నాగుల చవితి నవంబర్ 13, శుక్రవారం నాడు వచ్చింది. చవితి ప్రారంభం నవంబర్ 12 సాయంత్రం 6:09 గంటలకు. చవితి తిథి ముగింపు నవంబర్ 13 రాత్రి 8:42 గంటలకు. అభిజిత్ ముహూర్తం ఉదయం 11:36 నుంచి మధ్యాహ్నం 12:24 వరకు. పంచాంగం ప్రకారం నవంబర్ 13, శుక్రవారం నాడు నాగుల చవితిని జరుపుకోవాలి. ఆ రోజే నాగులను పూజించాలి.

నాగుల చవితి విశిష్టత

నాగదేవతలను పూజించడం వలన కుటుంబంలో సుఖ సంతోషాలు, సంతాన సౌభాగ్యం, ఆయురారోగ్యాలు సిద్ధిస్తాయి. పిల్లలు ఆరోగ్యంగా ఉండడానికి, ఆయుష్షు పెరగడానికి, కుటుంబం క్షేమంగా ఉండడానికి ఆ రోజు మహిళలు ఉపవాసం ఉండి నాగేంద్రుని ప్రత్యేకంగా పూజిస్తారు.

శివుడి మెడలో నాగాభరణంగా, విష్ణువుకు ఆదిశేషుడిగా నాగులకు ప్రత్యేక స్థానం ఉంది. ఆ విశేషమైన నాగులను నాగుల చవితి నాడు ప్రత్యేకంగా పూజించడం వలన అనేక విధాలుగా ప్రయోజనాలు కలుగుతాయి.

నాగుల చవితి నాడు ఎలా పూజ చేయాలి?

ఆ రోజు ఉదయాన్నే నిద్రలేచి తలస్నానం చేయాలి. షాంపూతో తల రుద్దుకోకూడదు. ముందు రోజే తల రుద్దుకుని, ఆ రోజు కేవలం స్నానం చేయాలి. తర్వాత సమీపంలోని నాగదేవత విగ్రహం లేదా పుట్ట దగ్గరకు వెళ్లాలి.

పసుపు, కుంకుమలు, పువ్వులతో అలంకరించి పూజించాలి. కచ్చితంగా చలిమిడి, చిమిలి, వడపప్పు, అరటిపండ్లు, కొబ్బరికాయను నైవేద్యంగా సమర్పించాలి.

నాగ దేవతలకు భక్తిశ్రద్ధలతో హారతి ఇవ్వాలి. కుటుంబ సభ్యుల క్షేమం కోసం నాగ దేవతలను పూజించాలి.

నాగుల చవితి నాడు పాటించాల్సిన నియమాలు

పాములకు హాని చేయకూడదు. పుట్టలో పాలు పోయడం కంటే విగ్రహాలను పూజించడం మంచిది.

పేదలకు అన్నదానం, వస్త్రదానం వంటివి చేయడం వలన అద్భుతమైన ఫలితాలను చూడొచ్చు.

నాగదేవతను పూజించేటప్పుడు భక్తిశ్రద్ధలతో పూజించండి. కుటుంబ ఆచారాలను అనుసరించి ఉపవాసాన్ని పాటించండి.