ఏకాదశి తిథికి ఉన్న విశిష్టత గురించి చెప్పక్కర్లేదు. ప్రతి నెలలో రెండు ఏకాదశులు వస్తాయి. ఏకాదశి నాడు ఏకాదశి వ్రతాన్ని ఆచరించడం వలన విష్ణు అనుగ్రహంతో సంతోషంగా ఉండవచ్చు. హిందూ పంచాంగం ప్రకారం ప్రతి నెలలో శుక్లపక్షంలో, కృష్ణపక్షంలో ఒక్కొక్క ఏకాదశి వస్తుంది. సంవత్సరంలో 24 ఏకాదశులు వస్తాయి. ప్రత్యేకమైన పేరు, ఆధ్యాత్మిక ప్రాధాన్యతను కలిగి ఉంటాయి.
అక్టోబర్ నెలలో వచ్చే రెండు ఏకాదశుల వివరాలు ఇప్పుడు తెలుసుకుందాం. అక్టోబర్ నెలలో ఇంద్ర ఏకాదశి, పాపాంకుశ ఏకాదశి.. ఈ రెండు ఏకాదశులు కూడా చాలా విశేషమైనవి. ఈ రెండు ఏకాదశుల రోజు విష్ణువుని భక్తితో పూజించడం వలన అద్భుతమైన ఫలితాలను చూడవచ్చు.
ఇంద్ర ఏకాదశి 2026
భాద్రపద మాసం కృష్ణపక్ష ఏకాదశిని ఇంద్ర ఏకాదశి అని అంటారు. ఈ ఏకాదశి పితృపక్షంలో వస్తుంది. ధార్మిక విశ్వాసాల ప్రకారం ఇంద్ర ఏకాదశి నాడు ఉపవాసం ఉండి విష్ణువును ఆరాధించడం వలన అద్భుతమైన ఫలితాలను చూడొచ్చు.
ఉపవాస తిథి తేదీ: అక్టోబర్ 6, మంగళవారం.
ఏకాదశి తిథి ప్రారంభం: అక్టోబర్ 6 ఉదయం 02:07 గంటలకు.
ఏకాదశి తిథి ముగింపు: అక్టోబర్ 7 అర్ధరాత్రి 12:34 గంటలకు.
వ్రత పారణ సమయం: అక్టోబర్ 7 ఉదయం 06:14 నుంచి 08:05 వరకు.
పాపాంకుశ ఏకాదశి 2026
ఆశ్వయుజ మాసం శుక్లపక్ష ఏకాదశిని పాపాంకుశ ఏకాదశి అని అంటారు. శారదీయ నవరాత్రులు, విజయదశమి తర్వాత ఈ ఏకాదశి వస్తుంది. ఆ రోజు ఉపవాసం ఉండి విష్ణువును భక్తిశ్రద్ధలతో పూజిస్తే పాపాలు తొలగిపోతాయి. సుఖసంతోషాలు, ఐశ్వర్యం కలుగుతాయి.
ఉపవాస తేదీ: అక్టోబర్ 22, గురువారం.
{{/usCountry}}ఉపవాస తేదీ: అక్టోబర్ 22, గురువారం.
{{/usCountry}}ఏకాదశి తిథి ప్రారంభం: అక్టోబర్ 21 మధ్యాహ్నం 02:11 గంటలకు.
ఏకాదశి తిథి ముగింపు: అక్టోబర్ 22 మధ్యాహ్నం 02:47 గంటలకు.
వ్రత పారణ సమయం: అక్టోబర్ 23 ఉదయం 05:51 నుంచి 09:39 వరకు.
ఏకాదశి పూజా విధానం
ఏకాదశి నాడు ఉదయాన్నే స్నానం చేసి శుభ్రమైన దుస్తులు ధరించి, విష్ణువుని ధ్యానించి ఉపవాస సంకల్పం చెప్పుకోవాలి. పూజా స్థలాన్ని శుభ్రం చేసి, విష్ణువు చిత్రపటం లేదా విగ్రహాన్ని పెట్టి పసుపు, కుంకుమలు, అక్షింతలు, పసుపు రంగులో ఉండే పూలు, తులసి దళాలు సమర్పించాలి. నైవేద్యం కూడా సమర్పించి, వ్రత కథను చదువుకోవాలి. విష్ణువుకి హారతి ఇచ్చి పూజను ముగించాలి.
నిరాకరణ: ఈ వ్యాసంలో ఇచ్చిన సమాచారంపై, అవి పూర్తిగా నిజం మరియు ఖచ్చితమైనవి అని మేము చెప్పము. వివరణాత్మక మరియు మరింత సమాచారం కోసం, సంబంధిత రంగంలోని నిపుణుడి సలహా తీసుకోండి.