ఈరోజు ఎంతో విశేషమైన సంకటహర చతుర్థి. పైగా శుక్రవారం, విష్ణువుకు ప్రీతికరమైన శ్రవణ నక్షత్రం కలిసి రావడం మరింత విశేషం. ఈరోజు వినాయకుడిని భక్తిశ్రద్ధలతో ఆరాధించడం వలన శుభ ఫలితాలు కలుగుతాయి. దాంతో పాటుగా వినాయకుడి శ్లోకాలు, సంకటనాశన గణేశ స్తోత్రం చదువుకోవడం వలన మరింత ఫలితం ఉంటుంది.
వినాయక అనుగ్రహం ఉంటే విఘ్నాలు తొలగిపోతాయి
వినాయకుడి ఆశీస్సులతో ఎల్లప్పుడూ సంతోషంగా ఉండాలన్నా, ఎలాంటి విఘ్నాలు లేకుండా అన్ని పనులు విజయవంతంగా పూర్తి అవ్వాలన్నా సంకటనాశన గణేశ స్తోత్రం ఈరోజు చదువుకోండి. ఇది చాలా శక్తివంతమైన స్తోత్రం.
ఈ స్తోత్రాన్ని ఈరోజు 9 లేదా 11 సార్లు చదివితే అద్భుతమైన ఫలితాలు ఉంటాయి. ఒకవేళ అన్ని సార్లు చదవడానికి సమయం లేకపోతే, ఒక్కసారైనా చదువుకోండి లేదా వినండి. గణేశుని అనుగ్రహం పొందడానికి ఇది అద్భుతమైన మార్గం.
సంకటనాశన గణేశ స్తోత్రం
శ్రీ గణేశాయ నమః
నారద ఉవాచ
ప్రణమ్య శిరసా దేవం
గౌరీపుత్రం వినాయకమ్।
భక్తావాసం స్మరేన్నిత్యం
ఆయుః కామార్థ సిద్ధయే॥
ప్రథమం వక్రతుండం చ
ఏకదంతం ద్వితీయకం।
తృతీయం కృష్ణపింగాక్షం
గజవక్త్రం చతుర్థకం॥
లంబోదరం పంచమం చ
షష్ఠం వికటమేవ చ।
సప్తమం విఘ్నరాజం చ
ధూమ్రవర్ణం తథాష్టమమ్॥
నవమం భాలచంద్రం చ
దశమం తు వినాయకమ్।
ఏకాదశం గణపతిం
ద్వాదశం తు గజాననం॥
ద్వాదశైతాని నామాని
త్రిసంధ్యం యః పఠేన్నరః।
న చ విఘ్నభయం తస్య
సర్వసిద్ధికరం పరమ్॥
విద్యార్థీ లభతే విద్యాం
ధనార్థీ లభతే ధనం।
పుత్రార్థీ లభతే పుత్రాన్
మోక్షార్థీ లభతే గతిమ్॥
{{/usCountry}}మోక్షార్థీ లభతే గతిమ్॥
{{/usCountry}}జపేత్ గణపతి స్తోత్రం
షడ్భిర్మాసైః ఫలం లభేత్।
సంవత్సరేణ సిద్ధిం చ
లభతే నాత్ర సంశయః॥
అష్టభ్యో బ్రాహ్మణేభ్యశ్చ
లిఖిత్వా యః సమర్పయేత్।
తస్య విద్యా భవేత్ సర్వా
గణేశస్య ప్రసాదతః॥
ఇతి శ్రీ నారద పురాణే సంకటనాశన గణేశ స్తోత్రం సంపూర్ణమ్..
ఎప్పుడు చదువుకోవచ్చు?
సంకటనాశన గణేశ స్తోత్రం ఈరోజే కాదు, ప్రతిరోజూ కూడా చదువుకోవచ్చు. ఉదయం, మధ్యాహ్నం, సాయంత్రం త్రిసంధ్యా కాలంలో కూడా చదువుకోవచ్చు. భక్తి శ్రద్ధలతో ఈ స్తోత్రాన్ని చదువుకుంటే విఘ్నాలు తొలగి, ధనం, సంతానం, విద్య, శుభకార్య సిద్ధి, ఐశ్వర్యంతో పాటు మోక్షప్రాప్తి కూడా కలుగుతుంది. ఈ స్తోత్రాన్ని చదవడం వల్ల ఇంకా ఎక్కువ లాభాలను పొందవచ్చు. ''ఓం గం గణపతయే నమః" మంత్రాన్ని 21 లేదా 108 సార్లు జపిస్తే కూడా విశేష ఫలితాలను పొందవచ్చు.