హైదరాబాద్‌ పరిధిలోని అత్యంత ఖరీదైన మియాపూర్ భూముల యాజమాన్య హక్కుల వివాదంలో తెలంగాణ ప్రభుత్వానికి అత్యున్నత నాయస్థానంలో బిగ్ రిలీఫ్ లభించింది. రంగారెడ్డి జిల్లా శేరిలింగంపల్లి మండలం మియాపూర్ పరిధిలోని సర్వే నంబర్లు 100, 101 పరిధిలో ఉన్న సుమారు 550 ఎకరాల ప్రభుత్వ భూమిపై హక్కుల కోసం దాఖలైన పిటిషన్లను సుప్రీంకోర్టు తిరస్కరించింది. దశాబ్దాలుగా నడుస్తున్న ఈ కీలక భూ పోరాటంలో ప్రైవేట్ వ్యక్తులు వేసిన అప్పీళ్లను కొట్టివేస్తూ, ప్రభుత్వానికి అనుకూలంగా సంచలన తీర్పును వెలువరించింది.
మియాపూర్‌లోని సర్వే నంబర్లు 100, 101లో విస్తరించి ఉన్న 550 ఎకరాలకు పైగా స్థలం తమదేనంటూ గతంలో కొందరు ప్రైవేట్ వ్యక్తులు ఆక్రమణలకు యత్నించడంతో ఈ వివాదం మొదలైంది. పూర్వపు జాగీర్దార్ కైసరుద్దీన్ చట్టబద్ధ వారసులమని చెప్పుకుంటున్న అమీరున్నిషా, ఇతరుల నుంచి తాము ఈ భూములను చట్టబద్ధంగా పొందినట్లు పార్థసారధి, సువిశాల్ జైన్ అనే వ్యక్తులు దావా వేశారు.
తమ వద్ద ఇర్రెవొకేబుల్ జనరల్ పవర్ ఆఫ్ అటార్నీ (Irrevocable GPA)తో పాటు సనద్ హక్కులు ఉన్నాయని, వాటికి ఎలాంటి ఆటంకం కలిగించకూడదని వారు కోర్టును ఆశ్రయించారు. అంతేకాకుండా రిజిస్టర్ అయిన పత్రాలను రద్దు చేసే అధికారం శేరిలింగంపల్లి మండల తహసీల్దార్‌కు లేదంటూ ప్రైవేట్ వ్యక్తులు వాదనలు వినిపించారు. కాగా ఈ వ్యవహారంలో గతంలోనే జెనరల్ పవర్ ఆఫ్ అటార్నీ రిజిస్ట్రేషన్లను తహసీల్దార్ రద్దు చేయడం, ఆ నిర్ణయాన్ని 2003లోనే ఉమ్మడి ఆంధ్రప్రదేశ్ హైకోర్టు సమర్థించడం గమనార్హం.
ఉమ్మడి హైకోర్టు 2003లో ఇచ్చిన తీర్పును సవాలు చేస్తూ ప్రైవేట్ వ్యక్తులు సుప్రీంకోర్టును ఆశ్రయించగా, తెలంగాణ ప్రభుత్వ న్యాయవాదులు ధర్మాసనం ముందు బలమైన ఆధారాలను ఉంచారు. నిజాం కాలం నాటి జాగీర్దార్ కైసరుద్దీన్‌కు అప్పట్లోనే ప్రభుత్వం నుంచి తగిన పరిహారం చెల్లించడం పూర్తయిందని ప్రభుత్వం స్పష్టం చేసింది. పరిహారం చెల్లించిన తర్వాత ఆ భూములపై ఎలాంటి హక్కులు క్లెయిమ్ చేసే అవకాశం వారసులకు గానీ, వారి నుంచి భూములు కొన్నామని చెబుతున్న ప్రైవేట్ వ్యక్తులకు గానీ ఉండదని తేల్చిచెప్పారు.
ఇరుపక్షాల సుదీర్ఘ వాదనలను పరిశీలించిన అత్యున్నత న్యాయస్థానం ప్రైవేట్ వ్యక్తుల అప్పీళ్లను పూర్తిగా కొట్టివేసింది. ఈ సందర్భంగా కోర్టు కొన్ని కీలక వ్యాఖ్యలు చేసింది. అత్యంత విలువైన ప్రభుత్వ భూములు ప్రైవేటు వ్యక్తుల చేతుల్లోకి వెళ్తుంటే కోర్టులు మౌనంగా చూస్తూ ఊరుకోలేవని ధర్మాసనం స్పష్టం చేసింది. వందల ఎకరాల విలువైన భూమిని ఆక్రమణల బారిన పడకుండా కాపాడేందుకు, ప్రభుత్వ ఆస్తుల పరిరక్షణకు ప్రత్యేక చొరవ చూపిన తెలంగాణ ప్రభుత్వ యంత్రాంగాన్ని, న్యాయవాదుల బృందాన్ని సుప్రీంకోర్టు ప్రత్యేకంగా అభినందించింది.
{{/usCountry}}ఇరుపక్షాల సుదీర్ఘ వాదనలను పరిశీలించిన అత్యున్నత న్యాయస్థానం ప్రైవేట్ వ్యక్తుల అప్పీళ్లను పూర్తిగా కొట్టివేసింది. ఈ సందర్భంగా కోర్టు కొన్ని కీలక వ్యాఖ్యలు చేసింది. అత్యంత విలువైన ప్రభుత్వ భూములు ప్రైవేటు వ్యక్తుల చేతుల్లోకి వెళ్తుంటే కోర్టులు మౌనంగా చూస్తూ ఊరుకోలేవని ధర్మాసనం స్పష్టం చేసింది. వందల ఎకరాల విలువైన భూమిని ఆక్రమణల బారిన పడకుండా కాపాడేందుకు, ప్రభుత్వ ఆస్తుల పరిరక్షణకు ప్రత్యేక చొరవ చూపిన తెలంగాణ ప్రభుత్వ యంత్రాంగాన్ని, న్యాయవాదుల బృందాన్ని సుప్రీంకోర్టు ప్రత్యేకంగా అభినందించింది.
{{/usCountry}}ఐటి కారిడార్‌కు సమీపంలో ఉన్న ఈ 550 ఎకరాల స్థలం విలువ ప్రస్తుతం వేల కోట్ల రూపాయల్లో ఉంటుంది. సుప్రీంకోర్టు ఇచ్చిన ఈ చారిత్రాత్మక తీర్పుతో ఈ వివాదానికి శాశ్వతంగా తెరపడింది. ఈ విజయం మూలంగా ప్రభుత్వ భూములకు పూర్తి రక్షణ లభించడమే కాకుండా, భూ ఆక్రమణదారులకు గట్టి హెచ్చరిక పంపినట్లయింది.