హైదరాబాద్ మెట్రో రైలు ప్రయాణికులకు త్వరలోనే మరిన్ని మెరుగైన సేవలు అందుబాటులోకి రానున్నాయి. నగరంలో రోజురోజుకూ పెరుగుతున్న ప్రయాణికుల రద్దీని తట్టుకునేందుకు, భవిష్యత్ అవసరాలను తీర్చేందుకు గాను మెట్రో నెట్‌వర్క్‌కు కొత్తగా 60 కోచ్‌లను జోడించేందుకు హైదరాబాద్ మెట్రో సిద్ధమైంది.
సుమారు రూ. 923.62 కోట్ల అంచనా వ్యయంతో చేపట్టనున్న ఈ భారీ ప్రాజెక్ట్ కోసం డిజైన్, తయారీ, సరఫరా, నిర్వహణకు సంబంధించి అంతర్జాతీయ స్థాయిలో బిడ్డర్ల నుంచి టెండర్లను ఆహ్వానించారు. హైదరాబాద్ మెట్రో రైల్ లిమిటెడ్(HMRL) తరఫున ఢిల్లీ మెట్రో రైల్ కార్పొరేషన్ లిమిటెడ్ కొనుగోలు ప్రక్రియను పర్యవేక్షిస్తోంది. ఈ ప్రాజెక్ట్‌కు తెలంగాణ ప్రభుత్వం నిధులు సమకూరుస్తుండగా, హెచ్‌ఎంఆర్‌ఎల్ ప్రాజెక్ట్ యజమానిగా ఉంటుంది.
జనవరి 13, 2027 వరకు బిడ్లు దాఖలు చేసేందుకు అవకాశం ఉంది. 15 సంవత్సరాల పాటు కోచ్‌లు, డిపో పరికరాలు, సంబంధిత యంత్రాల సమగ్ర నిర్వహణ కోసం బిడ్లను ఆహ్వానిస్తూ.. టెండర్ నోటిఫికేషన్ జారీ చేశారు. డిజైన్, తయారీ, టెస్టింగ్, కమిషనింగ్ పూర్తి చేయడానికి 125 వారాల సమయం కేటాయించారు.
కాంట్రాక్ట్ పొందిన సంస్థ కొత్త కోచ్‌ల డిజైన్, తయారీ, సరఫరా, టెస్టింగ్, కమీషనింగ్‌తో పాటు మెట్రో సిబ్బందికి అవసరమైన శిక్షణను ఇవ్వాల్సి ఉంటుంది. కొత్త కోచ్‌లకు మద్దతుగా డిపోలోని యంత్రాలు, టెస్టింగ్ పరికరాలు, ప్రత్యేక పరికరాల మెయింటెనెన్స్‌ను కూడా 15 ఏళ్ల పాటు నిర్వహించాల్సి ఉంటుంది.
ప్రస్తుతం రద్దీ సమయాల్లో మెట్రో రైళ్లలో విపరీతమైన తోపులాట ఎదుర్కొంటున్న ప్రయాణికులకు ఈ కొత్త కోచ్‌ల రాక పెద్ద ఊరటనివ్వనుంది. కొత్త కోచ్‌లు అందుబాటులోకి వస్తే రైళ్ల ఫ్రీక్వెన్సీ పెరగడమే కాకుండా ప్రయాణికుల సామర్థ్యం కూడా గణనీయంగా పెరుగుతుంది. అయితే ఈ కొత్త కోచ్‌లను ఏ రూట్లలో నడుపుతారు, ఏ తేదీ నుండి అందుబాటులోకి తెస్తారు అనేది ప్రాజెక్ట్ పురోగతి ఆధారంగా అధికారులు ప్రకటించనున్నారు. ఈ 60 కొత్త కోచ్‌లు వస్తే అదనంగా మరో 10 కొత్త రైళ్లను నడపవచ్చు. ఒక్కోటి 6 కోచ్లతో ఉంటుంది
ఒకవైపు కొత్త కోచ్‌ల కొనుగోలు ప్రక్రియ సాగుతుండగా, మరోవైపు నగరంలో మెట్రో నెట్వర్క్ విస్తరణకు హెచ్‌ఎంఆర్‌ఎల్ వేగంగా అడుగులు వేస్తోంది. పాతబస్తీ కారిడార్ దారుల్షిఫా - చంద్రాయణగుట్ట మధ్య 7.5 కి.మీ కారిడార్ రోడ్డు వెడల్పు పనులను అదనపు మేనేజింగ్ డైరెక్టర్ బి. అజిత్ రెడ్డి ఇటీవల సమీక్షించారు. 888 ఆస్తుల్లో ఇప్పటికే 833 ఆస్తుల భూసేకరణ పూర్తయింది.
{{/usCountry}}ఒకవైపు కొత్త కోచ్‌ల కొనుగోలు ప్రక్రియ సాగుతుండగా, మరోవైపు నగరంలో మెట్రో నెట్వర్క్ విస్తరణకు హెచ్‌ఎంఆర్‌ఎల్ వేగంగా అడుగులు వేస్తోంది. పాతబస్తీ కారిడార్ దారుల్షిఫా - చంద్రాయణగుట్ట మధ్య 7.5 కి.మీ కారిడార్ రోడ్డు వెడల్పు పనులను అదనపు మేనేజింగ్ డైరెక్టర్ బి. అజిత్ రెడ్డి ఇటీవల సమీక్షించారు. 888 ఆస్తుల్లో ఇప్పటికే 833 ఆస్తుల భూసేకరణ పూర్తయింది.
{{/usCountry}}