E-Paper
Hyderabad : నాంపల్లి ఫోరెన్సిక్ ల్యాబ్లో భారీ అగ్నిప్రమాదం - దట్టంగా కమ్మేసిన పొగ
నాంపల్లిలోని తెలంగాణ స్టేట్ ఫోరెన్సిక్ ల్యాబొరేటరీలో అగ్నిప్రమాదం జరిగింది. సమాచారం అందుకున్న అగ్నిమాపక సిబ్బంది…. ఘటనా స్థలానికి చేరుకుని మంటలను అదుపు చేసే ప్రయత్నం చేస్తున్నారు.
నాంపల్లిలోని తెలంగాణ స్టేట్ ఫోరెన్సిక్ ల్యాబొరేటరీలో అగ్నిప్రమాదం చోటు చేసుకుంది. సమాచారం అందుకున్న అగ్నిమాపక సిబ్బంది…. ఘటనా స్థలానికి చేరుకున్నారు. అగ్నిమాపక యంత్రాలతో మంటలను అదుపు చేసే ప్రయత్నం చేస్తున్నారు.
భవనం మొదటి అంతస్తులో మంటలు చెలరేగగా… దట్టమైన పొగ బయటకు వ్యాపించింది. సమాచారం అందుకున్న వెంటనే అగ్నిమాపక సిబ్బంది సంఘటన స్థలానికి చేరుకున్నారు. మంటలను అదుపులోకి తెచ్చే ప్రయత్నాలు కొనసాగుతున్నాయి. అగ్నిప్రమాదానికి కారణాలు, నష్ట వివరాలు ఇంకా తెలియాల్సి ఉంది.అకస్మాత్తుగా చెలరేగిన మంటలతో పరిసర ప్రాంతాల్లో ఆందోళన నెలకొంది.
కీలక ఆధారాలు ఇక్కడే…!
FSL ల్యాబ్లోనే పలు కీలక కేసుల్లోని ఆధారాలున్నట్లు తెలుస్తోంది. సంబంధిత కంప్యూటర్లలో కీలకమైన కేసుల డేటా ఉన్నట్లు సమాచారం. గతంలో సంచలనం సృష్టించిన ఓటుకు నోటు ఆడియో, వీడియో ఫైల్స్ తో పాటు MLAల కొనుగోలు కేసుకు సంబంధించిన కీలక ఫైల్స్ కూడా ఉన్నట్లు తెలుస్తోంది. ప్రస్తుతం దర్యాప్తు జరుగుతున్న ఫోన్ ట్యాపింగ్ కేసు సంబంధించిన ఆధారాలు కూడా ఉన్నట్లు సమాచారం.
