BRAOU Updates : అంబేద్కర్ ఓపెన్ యూనివర్శిటీ విద్యార్థులకు అలర్ట్ - ఫీజు గడువు పొడిగింపు

డాక్టర్ బీఆర్ అంబేడ్కర్ ఓపెన్ యూనివర్సిటీ UG, PG, డిప్లొమా కోర్సుల ట్యూషన్ ఫీజు చెల్లింపు గడువును నవంబర్ 7 వరకు పొడిగించింది. ఆన్‌లైన్‌లో ఉమ్మడి తెలుగు రాష్ట్రాల విద్యార్థులు ఈ రుసుము చెల్లించవచ్చు.

డాక్టర్ బి.ఆర్. అంబేద్కర్ సార్వత్రిక విశ్వవిద్యాలయం విద్యార్థులకు ముఖ్యమైన అప్డేట్ ఇచ్చింది. వివిధ డిగ్రీ, పోస్ట్ గ్రాడ్యుయేషన్ కోర్సులు అభ్యసిస్తున్న విద్యార్థుల ట్యూషన్ ఫీజు చెల్లింపు చివరి తేదీని పొడిగిస్తూ వర్సిటీ అధికారులు నిర్ణయం తీసుకున్నారు. ప్రత్యేక వెసులుబాటు కింద ఈ గడువును 2026 నవంబర్ 7 వరకు పెంచినట్లు ఒక ప్రకటనలో తెలిపారు.

ఫీజు గడువు నవంబర్ 7 వరకు పెంపు

గడువు వివరాలు

అండర్ గ్రాడ్యుయేట్ కోర్సులైన బీఏ, బీ.కామ్ (B.Com), బీ.ఎస్సీ ద్వితీయ, తృతీయ సంవత్సరం చదువుతున్న 2021-2025 బ్యాచ్ విద్యార్థులు ఈ అవకాశం ఉపయోగించుకోవచ్చు. అలాగే పోస్ట్ గ్రాడ్యుయేట్ (కోర్సులైన ఎం.ఏ , ఎం.కామ్ (M.Com), ఎం.ఎస్సీ (M.Sc), ఎం.బి.ఏ కోర్సులలో ద్వితీయ సంవత్సరం చదువుతున్న 2023-2025 బ్యాచ్ విద్యార్థులు కూడా తమ ట్యూషన్ ఫీజును సకాలంలో చెల్లించవచ్చు.

వివిధ డిప్లొమా, సర్టిఫికెట్ కోర్సుల్లో ప్రవేశం పొందిన విద్యార్థులు కూడా పెంచిన గడువు లోగా ఫీజు చెల్లించాల్సి ఉంటుంది. తెలంగాణ, ఆంధ్రప్రదేశ్ రాష్ట్రాల్లోని 'TS/AP ఆన్‌లైన్ కేంద్రాల' ద్వారా కానీ, డెబిట్ కార్డ్ లేదా క్రెడిట్ కార్డ్ ఉపయోగించి ఆన్‌లైన్ పద్ధతిలో కానీ ఫీజు చెల్లింపులు పూర్తి చేయవచ్చని అధికారులు సూచించారు.

మరిన్ని వివరాలు, సందేహాల నివృత్తి కోసం విద్యార్థులు తమకు సమీపంలోని యూనివర్సిటీ అధ్యయన కేంద్రాలను సంప్రదించవచ్చు. లేదా 040-23680333 / 444 / 555 హెల్ప్‌లైన్ నంబర్లకు ఫోన్ చేసి సమాచారం తెలుసుకోవచ్చు. అలాగే వర్సిటీ అధికారిక వెబ్‌సైట్ http://www.braouonline.in/ ద్వారా పూర్తి వివరాలను తనిఖీ చేసుకోవచ్చు.