ఎఫ్‌సీఐకి సన్న రకం బియ్యం సరఫరాలో జరిగిన అవకతవకలపై తెలంగాణ సీఐడీ కేసులు నమోదు చేసింది. 2026 అక్టోబర్ 24న సివిల్ సప్లైస్ కార్పొరేషన్ జనరల్ మేనేజర్(ప్రొక్యూర్‌మెంట్) ఇచ్చిన ఫిర్యాదు మేరకు ఖరీఫ్ 2025-26లో ఫుడ్ కార్పొరేషన్ ఆఫ్ ఇండియా(FCI)కి బియ్యం సరఫరాలో జరిగిన అవకతవకలపై సీఐడీ దర్యాప్తు చేపట్టింది.
తెలంగాణ ప్రభుత్వం ఎఫ్‌సీఐకి సరఫరా చేయాల్సిన 59.60 లక్షల మెట్రిక్ టన్నుల బియ్యానికి గాను, ఖరీఫ్ 2025-26లో 71.86 లక్షల మెట్రిక్ టన్నుల వరిని సేకరించింది. ప్రాథమిక సమాచారం ప్రకారం.. కొంతమంది రైస్ మిల్లర్లు తమకు కేటాయించిన సన్న రకం వరిని బహిరంగ మార్కెట్‌కు మళ్లించి, దాని స్థానంలో రాష్ట్రం వెలుపల నుండి తెప్పించినట్లు ఆరోపణలు ఉన్న చౌక రవ్వను సరఫరా చేసినట్లు తెలుస్తోంది.
అమలు మరియు టాస్క్ ఫోర్స్(ETF) బృందాలు జరిపిన తనిఖీలు, ఆ తర్వాత నిర్వహించిన ప్రయోగశాల విశ్లేషణలో కీలక విషయాలు తెలిశాయి. పరిశీలించిన కేసులలో సరఫరా చేసిన బియ్యం నమూనాలు కేటాయింపులలో నిర్దేశించిన సన్నా రకానికి అనుగుణంగా లేవని వెల్లడైనట్లు సమాచారం. ఈ మార్పిడితో ఆర్థిక నష్టంపై అనేక ఆందోళనలను రేకెత్తిస్తోంది.
నిజామాబాద్, కరీంనగర్, ములుగు జిల్లాల్లో 16 రైస్ మిల్లులు సన్న రకం కేటాయింపులకు బదులుగా 3,385.820 మెట్రిక్ టన్నుల దొడ్డు రకం బియ్యాన్ని సరఫరా చేసినట్లు తెలుస్తోంది. ఈ సరఫరాలలో బోనస్‌కు సంబంధించిన అంచనా నష్టం సుమారు రూ.1.69 కోట్లుగా తెలుస్తోంది.
మార్పిడి కోసం అదనంగా 45,414.833 మెట్రిక్ టన్నుల పరిమాణాన్ని కేటాయించినట్లు సమాచారం. దీనివల్ల బోనస్‌కు సంబంధించిన ఆర్థిక ప్రభావం సుమారుగా రూ.242 కోట్లుగా అంచనా వేశారు. ప్రస్తుతం అందుతున్న సమాచారం ప్రకారం.. పౌర సరఫరాల అధికారుల సకాలంలో జోక్యం, నిలుపుదల ఉత్తర్వులు మరింత నష్టాన్ని తగ్గించాయని చెప్పవచ్చు. ఈ కేసు కేఎంఎస్ 2025-2026 సీఎంఆర్ ఒప్పంద ఉల్లంఘనలు, నేరపూరిత విశ్వాస భంగం, అక్రమ లాభం, ప్రభుత్వ ఖజానాకు నష్టం కలిగించే కుట్ర విషయాలను బయటపెట్టింది.
{{/usCountry}}మార్పిడి కోసం అదనంగా 45,414.833 మెట్రిక్ టన్నుల పరిమాణాన్ని కేటాయించినట్లు సమాచారం. దీనివల్ల బోనస్‌కు సంబంధించిన ఆర్థిక ప్రభావం సుమారుగా రూ.242 కోట్లుగా అంచనా వేశారు. ప్రస్తుతం అందుతున్న సమాచారం ప్రకారం.. పౌర సరఫరాల అధికారుల సకాలంలో జోక్యం, నిలుపుదల ఉత్తర్వులు మరింత నష్టాన్ని తగ్గించాయని చెప్పవచ్చు. ఈ కేసు కేఎంఎస్ 2025-2026 సీఎంఆర్ ఒప్పంద ఉల్లంఘనలు, నేరపూరిత విశ్వాస భంగం, అక్రమ లాభం, ప్రభుత్వ ఖజానాకు నష్టం కలిగించే కుట్ర విషయాలను బయటపెట్టింది.
{{/usCountry}}ఇందులో మూడు క్రిమినల్ కేసులు నమోదు అయ్యాయి. 14 మంది మిల్లు యజమానులను అరెస్ట్ చేశారు. ఆరోపించిన వరి రకాల మళ్లింపు, మార్పిడిని నిర్ధారించడం, సంబంధిత మిల్లు యజమానుల పాత్రను అధికారులు గుర్తిస్తున్నారు. అంతేకాదు.. కేటాయింపులు, మార్పిడి అభ్యర్థనలను ప్రాసెస్ చేసిన విధానంపై దృష్టి పెట్టారు. అన్ని డాక్యుమెంటరీ, సాంకేతిక, ఇతర బలపరిచే సాక్ష్యాలను సేకరిస్తున్నారు. వాస్తవ నష్టాన్ని లెక్కించడం, అధికారులు, ఇతర వ్యక్తుల ప్రమేయం, నేరపూరిత కుట్ర అవకాశం, సేకరించిన సాక్ష్యాల ఆధారంగా దర్యాప్తు కొనసాగుతోంది.