రైతుల పంట రుణాల రీషెడ్యూలింగ్ చేయాలి.. కొత్త రుణాలు సకాలంలో ఇవ్వాలి : భట్టి

రైతులకు బ్యాంకులు అండగా నిలవాలని డిప్యూటీ సీఎం భట్టి విక్రమార్క పేర్కొన్నారు. ఎల్‌నినో ప్రభావంతో రాష్ట్రంలో కరవు పరిస్థితులు నెలకొన్నాయన్నారు. రైతులకు ఆర్థిక ఇబ్బందులు ఎదుర్కొంటున్నారన్నారు.

హైదరాబాద్ ప్రజాభవన్‌లో రాష్ట్రస్థాయి బ్యాంకర్ల కమిటీ(SLBC)తో సమావేశం జరిగింది. ఈ సమావేశంలో మంత్రులు భట్టి విక్రమార్క, తుమ్మల నాగేశ్వరరావు పాల్గొన్నారు. ఎల్‌నినో ప్రభావంతో నెలకొన్న వర్షాభావం, కరవు పరిస్థితుల నేపథ్యంలో రైతులకు బ్యాంకులు పూర్తి అండగా ఉండాలని భట్టి విక్రమార్క కోరారు. ఆర్బీఐ మార్గదర్శకాల ప్రకారం పంట రుణాల రీషెడ్యూలింగ్, పునర్వ్యవస్థీకరణను తక్షణమే చేపట్టాలన్నారు. రాబోయే రబీ సీజన్‌కు కొత్త రుణాలను సకాలంలో మంజూరు చేయాలని చెప్పారు. ముఖ్యంగా చిన్న, సన్నకారు, కౌలు రైతులకు ప్రాధాన్యం ఇవ్వాలన్నారు.

భట్టి విక్రమార్క

అర్హులైన విద్యార్థులకు విద్యా రుణాలు, సామాన్యులకు గృహ రుణాలతో పాటు ఎంఎస్ఎంఈ రంగానికి రుణ సదుపాయాలను విస్తరించాలని బ్యాంకులను భట్టి విక్రమార్క కోరారు. నిరుద్యోగ యువత స్వయం ఉపాధికి, మహిళా సంఘాల ఆర్థిక బలోపేతానికి బ్యాంకులు సహకరించాలన్నారు. ఈ సమావేశంలో ఉన్నతాధికారులు, బ్యాంకుల ప్రతినిధులు పాల్గొన్నారు.

'రబీ సీజన్‌కు కొత్త పంట రుణాలు సకాలంలో అందించాలి. బ్యాంకుల చుట్టూ రైతులు తిరిగే పరిస్థితి ఉండకూడదు. విద్య, గృహ రుణాల మంజూరులో బ్యాంకులు సానుకూలంగా ఉండాలి. ఎంఎస్ఎంఈ, మౌలిక సదుపాయాల రంగాలకు రుణాలు పెంచాలి. ఏపీలోని 365 మండలాలను కరవు ప్రాంతాలుగా ప్రకటించాం. 111 మండలాల్లో తీవ్ర కరవు పరిస్థితులు ఉన్నాయి. తక్కువ నీటితో సాగు అయ్యే పంటలకు రుణాలు అందించాలి. పంటల మార్పిడి, సూక్ష్మ సేద్యానికి ఆర్థిక సహకారం అందించాలి.' అని భట్టి విక్రమార్క అన్నారు.

రైతులకు ప్రత్యామ్నాయ ఆదాయ మార్కులు కల్పించాలని డిప్యూటీ సీఎం చెప్పారు. 10 నుంచి 15 శాతం రైతు కుటుంబాలకు అదనపు ఉపాధి కల్పించేందుకు చర్యలు తీసుకోవాలన్నారు. స్వయం సహాయక సంఘాలకు అదనంగా రూ.2లక్షల వరకు రుణాల మీద పరిశీలన చేయాలన్నారు. నిరుద్యోగ యువతకు స్వయం ఉపాధి రుణాలు ఇవ్వాలన్నారు. రాజీవ్ యువ వికాసం అమలుకు బ్యాంకర్లు సహకరించాలని చెప్పారు. రైతులకు అండగా ఉండాలని మరోసారి భట్టి స్పష్టం చేశారు.