తెలుగు రాష్ట్రాల మీదుగా మరో అమృత్ భారత్ ఎక్స్‌ప్రెస్ - టైమింగ్స్, రూట్ వివరాలు ఇవే!

Dhanbad Coimbatore Amrit Bharat Express : ధన్‌బాద్ - కోయంబత్తూర్ మధ్య నూతన అమృత్ భారత్ వీక్లీ ఎక్స్‌ప్రెస్ రైలును రైల్వే మంత్రిత్వ శాఖ ప్రారంభించింది. వారానికి ఒకసారి నడిచే ఈ రైలు…. తెలంగాణ, ఆంధ్రప్రదేశ్ రాష్ట్రాల మీదుగా ప్రయాణిస్తుంది.

Dhanbad Coimbatore Amrit Bharat Express : తెలుగు రాష్ట్రాల గుండా ప్రయాణించే రైల్వే ప్రయాణికులకు దక్షిణ మధ్య రైల్వే మంచి శుభవార్త అందించింది. జార్ఖండ్‌లోని ధన్‌బాద్ నుంచి తమిళనాడులోని కోయంబత్తూర్ మధ్య నూతన 'అమృత్ భారత్ వారపు ఎక్స్‌ప్రెస్' (రైలు నంబర్లు 22363/22364) ప్రారంభానికి రైల్వే మంత్రిత్వ శాఖ ఆమోదం తెలిపింది. ఈ రైలు సేవలు ధన్‌బాద్ నుంచి ఆగస్టు 22, 2026న, కోయంబత్తూర్ నుంచి ఆగస్టు 25, 2026న ప్రారంభమయ్యాయి.

అమృత్ భారత్ ఎక్స్‌ప్రెస్

ఈ అమృత్ భారత్ ఎక్స్‌ప్రెస్ రైలు బల్హార్షా, సిర్పూర్ కాగజ్‌నగర్, మంచిర్యాల, పెద్దపల్లి, వరంగల్, మహబూబాబాద్, ఖమ్మం, విజయవాడ, తిరుప్పూర్ వంటి కీలక స్టేషన్ల మీదుగా సాగుతుంది. తెలంగాణ, ఏపీ మీదుగా సుదూర ప్రాంతాలకు వెళ్లే ప్రయాణికులకు ఈ సర్వీసు ఎంతో సౌకర్యవంతంగా మారనుంది.

ట్రైన్ నంబర్ 22363 (ధన్‌బాద్ - కోయంబత్తూర్ అమృత్ భారత్ వీక్లీ ఎక్స్‌ప్రెస్ ) : ఈ రైలు ప్రతి శనివారం సాయంత్రం 16:10 గంటలకు ధన్‌బాద్‌లో బయలుదేరి, సోమవారం సాయంత్రం 18:30 గంటలకు కోయంబత్తూర్ చేరుకుంటుంది.

• గోమో : శనివారం సాయంత్రం 16:40 / 16:42
• బల్హార్షా : ఆదివారం రాత్రి 21:10 / 21:15
• సిర్పూర్ కాగజ్‌నగర్ : రాత్రి 22:04 / 22:05
• మంచిర్యాల : రాత్రి 22:44 / 22:45
• పెద్దపల్లి : రాత్రి 23:09 / 23:10
• వరంగల్ : సోమవారం అర్ధరాత్రి 00:08 / 00:10
• మహబూబాబాద్ : రాత్రి 01:09 / 01:10
• ఖమ్మం : రాత్రి 01:49 / 01:50
• విజయవాడ : తెల్లవారుజామున 03:45 / 03:55
• తిరుప్పూర్ : సోమవారం సాయంత్రం 17:03 / 17:05
• కోయంబత్తూర్ : సోమవారం సాయంత్రం 18:30 గంటలకు గమ్యస్థానం చేరుకుంటుంది.

ట్రైన్ నంబర్ 22364 (కోయంబత్తూర్ - ధన్‌బాద్ అమృత్ భారత్ వీక్లీ ఎక్స్‌ప్రెస్) : తిరుగు ప్రయాణంలో ఈ రైలు ప్రతి మంగళవారం ఉదయం 07:50 గంటలకు కోయంబత్తూర్‌లో బయలుదేరుతుంది. గురువారం మధ్యాహ్నం 13:00 గంటలకు ధన్‌బాద్ చేరుకుంటుంది.

• తిరుప్పూర్ : మంగళవారం ఉదయం 08:28 / 08:30
• విజయవాడ : మంగళవారం రాత్రి 21:40 / 21:50
• ఖమ్మం : రాత్రి 23:39 / 23:40
• మహబూబాబాద్ : బుధవారం అర్ధరాత్రి 00:09 / 00:10
• వరంగల్ : రాత్రి 01:18 / 01:20
• పెద్దపల్లి : తెల్లవారుజామున 03:59 / 04:00
• మంచిర్యాల : ఉదయం 04:49 / 04:50
• సిర్పూర్ కాగజ్‌నగర్ : ఉదయం 05:19 / 05:20
• బల్హార్షా : ఉదయం 07:00 / 07:05
• గోమో : గురువారం ఉదయం 11:48 / 11:50
• ధన్‌బాద్ : గురువారం మధ్యాహ్నం 13:00 గంటలకు గమ్యస్థానం చేరుకుంటుంది.

దక్షిణ మధ్య రైల్వే పరిధిలోని ముఖ్యమైన పారిశ్రామిక, వ్యాపార నగరాలను అనుసంధానిస్తూ సాగే ఈ రైలు సర్వీసు ఉంటుంది. ఫలితంగా వ్యాపారులు, ఉద్యోగులు, సాధారణ ప్రయాణికులకు మెరుగైన రవాణా సౌకర్యం అందుబాటులోకి వస్తుంది.