Train Cancellation Alert : ప్రయాణికులకు బిగ్ అలర్ట్ - కాచిగూడ నుంచి నడిచే ఈ రైళ్లన్నీ రద్దు, లిస్ట్ ఇదే

రైల్వే ప్రయాణికులకు దక్షిమ మధ్య రైల్వే ముఖ్యమైన అలర్ట్ ఇచ్చింది. కాచిగూడ స్టేషన్ నుంచి వివిధ ప్రాంతాలకు రాకపోకలు సాగించే పలు రైళ్లను రద్దు చేసింది.

రైల్వే ప్రయాణికులకు దక్షిణ మధ్య రైల్వే బిగ్ అలర్ట్ ఇచ్చింది. హైదరాబాద్ లోని కాచిగూడ నుంచి నడిచే పలు రైళ్లను రద్దు చేసింది. మొత్తం 12 రైళ్లు పలు తేదీల్లో రద్దయ్యాయి. ఇందుకు సంబంధించిన వివరాలను దక్షిణ మధ్య రైల్వే ఓ ప్రకటన ద్వారా వెల్లడించింది.

రైల్వే ప్రయాణికులకు అలర్ట్ (image source @GMSRailway)

రద్దు చేసిన రైళ్ల వివరాలు :

దక్షిణ మధ్య రైల్వే ప్రకటనలోని వివరాల ప్రకారం…. కాచిగూడ నుంచి మహబూబ్ నగర్ కు వెళ్లే ( నంబర్ 67781)ను ఏప్రిల్ 10వ తేదీ నుంచి 18వ తేదీ వరకు రద్దు చేశారు.

• మహబూబ్ నగర్ నుంచి కాచిగూడకు నడిచే రైలు (నంబర్ 67782)ను ఏప్రిల్ 11 నుంచి 19వ తేదీ వరకు రద్దు చేశారు.
• కాచిగూడ నుంచి రాయచూర్ కు వెళ్లే రైలు (నంబర్ 67787)ను ఏప్రిల్ 11 నుంచి 18వ తేదీ వరకు రద్దు చేశారు.
• రాయచూర్ నుంచి కాచిగూడకు ప్రయాణించే రైలు (నంబర్ 67788)ను ఈ నెల 11 నుంచి 18వ తేదీ వరకు క్యాన్సిల్ చేశారు.
• గుంతకల్లు - బోధన్ మధ్య నడిచే (ట్రైన్ నెంబర్ 57411) ట్రైన్ ను ఏప్రిల్ 10 నుంచి ఏప్రిల్ 18 వరకు రద్దు చేశారు.
• కాచిగూడ - గుంతకల్లు (57412) మధ్య నడిచే ట్రైన్ ను ఏప్రిల్ 11వ తేదీ నుంచి ఏప్రిల్ 19వ తేదీ వరకు రద్దు చేశారు.
• కాచిగూడ - కర్నూల్ సిటీ మధ్య నడిచే (నెంబర్ 17435) రైలును.. ఏప్రిల్ 10వ తేదీ నుంచి ఏప్రిల్ 18వ తేదీ వరకు రద్దు చేశారు.
• కర్నూల్ సిటీ నుంచి కాచిగూడ మధ్య నడిచే(17436) రైలును ఏప్రిల్ 11 నుంచి ఏప్రిల్ 19వ తేదీ వరకు రద్దు చేశారు.
• కాచిగూడ - మహబూబ్ నగర్ మధ్య నడిచే (77641) రైలును ఏప్రిల్ 11 నుంచి 18వ తేదీ వరకు క్యాన్సిల్ చేశారు.
• మహబూబ్ నగర్ నుంచి కాచిగూడ మధ్య నడిచే (77641) ట్రైన్ ను ఏప్రిల్ 11వ తేదీ నుంచి ఏప్రిల్ 18వ తేదీ వరకు రద్దు చేశారు.

మహబూబ్ నగర్ - మన్యంకొండ స్టేషన్ల మధ్య జరుగుతున్న డబ్లింగ్ పనుల కారణంగా ఈ రైళ్లను రద్దు చేసినట్లు దక్షిణ మధ్య రైల్వే పేర్కొంది. ఈ విషయాన్ని ప్రయాణికులు గమనించి... టికెట్లను బుకింగ్ చేసుకోవాలని కోరింది.