తెలంగాణ ఏఐ, క్లౌడ్ నైపుణ్యాభివృద్ధి కార్యక్రమం కింద రాష్ట్ర వ్యాప్తంగా లక్ష మంది విద్యార్థులకు ఆర్టిఫిషియల్ ఇంటెలిజెన్స్ (ఏఐ), క్లౌడ్ కంప్యూటింగ్‌లో ఉచిత శిక్షణ ఇవ్వనున్నట్లు ఐటీ, పరిశ్రమల శాఖ మంత్రి డి. శ్రీధర్ బాబు ప్రకటించారు. రాష్ట్ర ప్రభుత్వం, విద్యాసంస్థలు లేదా విద్యార్థులపై ఎలాంటి ఆర్థిక భారం లేకుండా తెలంగాణ అకాడమీ ఫర్ స్కిల్ అండ్ నాలెడ్జ్ (టాస్క్) అమెజాన్ వెబ్ సర్వీసెస్ (AWS) సహకారంతో ఈ కార్యక్రమాన్ని అమలు చేయనుంది.
డాక్టర్ బి.ఆర్.అంబేద్కర్ తెలంగాణ సచివాలయంలో టాస్క్, ఏడబ్ల్యూఎస్ మధ్య ఒక ఒప్పందం కుదిరింది. ఈ సందర్భంగా శ్రీధర్ బాబు మాట్లాడుతూ, రాష్ట్రవ్యాప్తంగా టాస్క్‌కు అనుబంధంగా ఉన్న 643 కళాశాలల విద్యార్థులు ఏఐ, క్లౌడ్ కంప్యూటింగ్, డేటా ఇంజనీరింగ్, మెషిన్ లెర్నింగ్, జెనరేటివ్ ఏఐలలో పరిశ్రమల ఆధారిత శిక్షణ పొందుతారని తెలిపారు.
ఈ కార్యక్రమం ద్వారా విద్యార్థులకు ప్రాక్టికల్ లెర్నింగ్ కోసం ఏడబ్ల్యూఎస్ క్లౌడ్ కన్సోల్‌ను ఉపయోగించుకునే అవకాశం కల్పిస్తారు. ఇంజనీరింగ్, సైన్స్ చదువుతున్న విద్యార్థులతో పాటు ఆర్ట్స్, కామర్స్ వంటి నాన్-స్టెమ్ (STEM) కోర్సులు అభ్యసిస్తున్న విద్యార్థులకు కూడా ప్రత్యేక శిక్షణా కోర్సులు అందిస్తారు.
ఈ ప్రోగ్రామ్‌లో చేరిన విద్యార్థులు ఏడబ్ల్యూఎస్ స్కిల్ బిల్డర్ ద్వారా 900కు పైగా డిజిటల్ కోర్సులకు ఒక సంవత్సరం పాటు ఉచిత యాక్సెస్ పొందుతారు. గ్లోబల్ సర్టిఫికేషన్ పరీక్షల కోసం డిస్కౌంట్ వోచర్‌లు కూడా అందిస్తారు. ఈ కార్యక్రమం ద్వారా టెక్నాలజీ నిపుణులతో ఇండస్ట్రీ కనెక్ట్ సెషన్లు, హ్యాకథాన్లు నిర్వహిస్తారు. ఇవి విద్యార్థులకు ఆచరణాత్మక అనుభవాన్ని, పరిశ్రమ నిపుణులతో సంభాషించే అవకాశాలను అందిస్తాయి.
శిక్షణా కార్యక్రమాన్ని విజయవంతంగా పూర్తి చేసిన అర్హులైన విద్యార్థులకు ఉపాధి అవకాశాలను కల్పించేందుకు టాస్క్ ప్రత్యేక జాబ్ ఫెయిర్లను నిర్వహిస్తుందని మంత్రి శ్రీధర్ బాబు తెలిపారు. ఇందులో పాల్గొంటున్న కళాశాలల అధ్యాపకులకు ఏఐ, క్లౌడ్ టెక్నాలజీలలో కూడా శిక్షణ ఇవ్వనున్నట్టుగా చెప్పారు.
{{/usCountry}}శిక్షణా కార్యక్రమాన్ని విజయవంతంగా పూర్తి చేసిన అర్హులైన విద్యార్థులకు ఉపాధి అవకాశాలను కల్పించేందుకు టాస్క్ ప్రత్యేక జాబ్ ఫెయిర్లను నిర్వహిస్తుందని మంత్రి శ్రీధర్ బాబు తెలిపారు. ఇందులో పాల్గొంటున్న కళాశాలల అధ్యాపకులకు ఏఐ, క్లౌడ్ టెక్నాలజీలలో కూడా శిక్షణ ఇవ్వనున్నట్టుగా చెప్పారు.
{{/usCountry}}'విద్యార్థులకు ఏఐ, డేటా ఇంజినీరింగ్, మెషిన్ లెర్నింగ్, జనరేటివ్ ఏఐలో శిక్షణ ఉంటుంది. ప్రత్యేక కోర్సులను అందుబాటులో ఉంటాయి. ఏడాది పాటు 900కు పైగా డిజిటల్ కోర్సులను విద్యార్థులు ఉచితంగా వినియోగించుకునే అవకాశం ఉంటుంది. విద్యార్థులకు హ్యాకథాన్లు, ఇండస్ట్రీ కనెక్ట్ సెషన్లు నిర్వహిస్తాం. లక్ష మంది యువతకు అంతర్జాతీయ స్థాయి సాంకేతిక నైపుణ్యాలను అందించడమే టార్గెట్.' అని శ్రీధర్ బాబు అన్నారు.