Future City Police : 244 టూ వీలర్స్ వేలం.. ఈ లింక్ క్లిక్ చేసి వెహికల్ డీటెయిల్స్ చూడండి

Future City Police : ఫ్యూచర్ సిటీ పోలీస్ కమిషనరేట్ కీలక ప్రకటన చేసింది. మొయినాబాద్ పోలీస్ స్టేషన్ ప్రాంగణంలో ఉన్న 244 టూ వీలర్స్‌ను వేలం వేయనున్నట్టుగా ప్రకటించింది.

మొయినాబాద్ పోలీస్ స్టేషన్ ప్రాంగణంలో నిలిపి ఉంచిన, ఎవరూ క్లెయిమ్ చేయని 244 వాహనాలను వేలం వేయనున్నట్లు ఫ్యూచర్ సిటీ పోలీస్ కమిషనరేట్ ప్రకటించింది. ఈ వాహనాలకు సంబంధించి యజమానులు లేదా చట్టపరమైన హక్కుదారులు తమ యాజమాన్యాన్ని నిరూపించే పత్రాలను సమర్పించడానికి ఆరు నెలల గడువు ఇచ్చింది.

ప్రతీకాత్మక చిత్రం

ఈ వాహనాల్లో 80 హీరో ప్యాషన్ ప్లస్, 47 హీరో గ్లామర్, 37 హీరో స్ప్లెండర్, 58 బజాజ్ పల్సర్, 18 హోండా షైన్, నాలుగు రాయల్ ఎన్‌ఫీల్డ్ మోటార్ సైకిళ్లు ఉన్నాయి. పోలీసుల సమాచారం ప్రకారం 'ఫ్యూచర్ సిటీ పోలీస్ యాక్ట్, 2026'లోని సెక్షన్లు 6(2), 7, అలాగే హైదరాబాద్ సిటీ పోలీస్ యాక్ట్‌లోని సెక్షన్లు 39, 40, 41 ప్రకారం, ఈ వాహనాలను ఆన్‌లైన్ లేదా బహిరంగ వేలం ద్వారా విక్రయిస్తారు.

వాహన యజమానులు, చట్టపరమైన హక్కుదారులు, రుణం కోసం తాకట్టు హక్కులు కలిగిన వారు, ఈ నోటీసు ప్రచురించిన తేదీ నుండి ఆరు నెలల లోపు సరైన యాజమాన్య పత్రాలు, ఆధారాలతో ఫ్యూచర్ సిటీ పోలీస్ కమిషనర్‌కు దరఖాస్తు చేసుకోవాలి. నిర్ణీత గడువులోగా ఎటువంటి సరైన క్లెయిమ్ లేదా అభ్యంతరాలు రాకపోతే, చట్టపరమైన నిబంధనల ప్రకారం ఈ వాహనాలను వేలం వేస్తారు.

వాహనాల వివరాలు, క్లెయిమ్ ప్రక్రియ గురించి తెలుసుకోవడానికి, ఫ్యూచర్ సిటీలోని సి.ఎ.ఆర్ (CAR) హెడ్‌క్వార్టర్స్ మోటార్ ట్రాన్స్‌పోర్ట్ ఆఫీసర్, రిజర్వ్ ఇన్‌స్పెక్టర్ ఎన్. సుబ్రహ్మణ్యంను 8712670664 అనే నంబర్‌లో సంప్రదించవచ్చు. మొత్తం 244 వాహనాల జాబితాను తెలంగాణ పోలీస్ వెబ్‌సైట్ https://www.tspolice.gov.in/future-city లో చూడవచ్చు.

ఈ లింక్ క్లిక్ చేసి వాహనాలు చూడండి.