తెలంగాణలో రాబోయే వారం రోజుల పాటు వర్షాలు కురిసే అవకాశం ఉందని హైదరాబాద్లోని వాతావరణ కేంద్రం వెల్లడించింది. అధికారిక బులెటిన్ ప్రకారం.. రాష్ట్రంలోని పలు జిల్లాల్లో తేలికపాటి నుండి భారీ వర్షాలు కురిసే అవకాశం ఉంది.
సెప్టెంబర్ 17 వరకు తెలంగాణలోని కొన్ని ప్రాంతాల్లో తేలికపాటి నుంచి ఒక మోస్తరు వర్షాలు అక్కడక్కడా కురిసే అవకాశం ఉంది. ఈ రెండు రోజులకు ఎటువంటి ప్రత్యేక హెచ్చరికలు జారీ చేయలేదు.
ఇక ఈ నెల 17వ తేదీ ఉదయం నుంచి 19వ తేదీ ఉదయం వరకు రాష్ట్రంలో చాలా చోట్ల తేలికపాటి నుండి ఒక మోస్తరు వర్షాలు కురుస్తాయి. అలాగే…. గంటకు 30 నుండి 40 కిలోమీటర్ల వేగంతో వీచే ఈదురు గాలులు, ఉరుములు, మెరుపులతో కూడిన వర్షాలు రాష్ట్రంలోని అన్ని జిల్లాల్లో అక్కడక్కడా కురిసే అవకాశం ఉంది.
ఈ తేదీ నుంచి భారీ వర్షాలు…
ఇక సెప్టెంబర్ 19వ తేదీ నుంచి భారీ వర్షాలు కురిసే అవకాశం ఉంది. ములుగు, భద్రాద్రి కొత్తగూడెం, ఖమ్మం జిల్లాల్లో అక్కడక్కడా భారీ వర్షాలు కురిసే అవకాశం ఉందని వాతావరణ కేంద్రం హెచ్చరించింది. అంతేకాకుండా, రాష్ట్రంలోని అన్ని జిల్లాల్లో గంటకు 30-40 కిమీ వేగంతో ఈదురు గాలులు, ఉరుములు, మెరుపులతో కూడిన వర్షాలు పడే సూచనలు ఉన్నాయి.
సెప్టెంబర్ 20 నుంచి 22 వరకు చూస్తే… రాష్ట్రంలో చాలా చోట్ల తేలికపాటి నుండి ఒక మోస్తరు వర్షాలతో పాటు, కొన్ని చోట్ల భారీ వర్షాలు కూడా నమోదయ్యే అవకాశం ఉంది. ఉరుములు, మెరుపులు మరియు ఈదురు గాలుల తీవ్రత కొనసాగుతుంది.
వర్షాల తీవ్రత కారణంగా రోడ్లు, లోతట్టు ప్రాంతాల్లో నీరు నిలవడం, ట్రాఫిక్ నిలిచిపోవడం, చెట్లు మరియు విద్యుత్ స్తంభాలు పడిపోవడం వంటి ప్రమాదాలు జరిగే అవకాశం ఉంది. కాబట్టి లోతట్టు ప్రాంతాల ప్రజలు మరియు వాహనదారులు తగిన జాగ్రత్తలు తీసుకోవాలని అధికారులు సూచించారు. మున్సిపల్, విద్యుత్ మరియు పోలీస్ శాఖలు ముందస్తు చర్యలు చేపట్టాలని వాతావరణ శాఖ సూచించింది.
{{/usCountry}}వర్షాల తీవ్రత కారణంగా రోడ్లు, లోతట్టు ప్రాంతాల్లో నీరు నిలవడం, ట్రాఫిక్ నిలిచిపోవడం, చెట్లు మరియు విద్యుత్ స్తంభాలు పడిపోవడం వంటి ప్రమాదాలు జరిగే అవకాశం ఉంది. కాబట్టి లోతట్టు ప్రాంతాల ప్రజలు మరియు వాహనదారులు తగిన జాగ్రత్తలు తీసుకోవాలని అధికారులు సూచించారు. మున్సిపల్, విద్యుత్ మరియు పోలీస్ శాఖలు ముందస్తు చర్యలు చేపట్టాలని వాతావరణ శాఖ సూచించింది.
{{/usCountry}}