మనూలో సివిల్ సర్వీసెస్ రెసిడెన్షియల్ కోచింగ్ అకాడమీ ఉచిత శిక్షణ దరఖాస్తు గడువు పొడిగింపు

హైదరాబాద్‌లోని మనూలో సివిల్ సర్వీసెస్ కోచింగ్ ఉచితంగా తీసుకోవచ్చు. దీనికి సంబందించి ఉచిత శిక్షణ దరఖాస్తు గడువు పొడిగించింది యూనివర్సిటీ.

హైదరాబాద్‌లోని మౌలానా ఆజాద్ నేషనల్ ఉర్దూ యూనివర్సిటీ (MANUU) పరిధిలోని సివిల్ సర్వీసెస్ ఎగ్జామినేషన్ రెసిడెన్షియల్ కోచింగ్ అకాడమీ (CSE-RCA) ఉచిత శిక్షణ ప్రవేశాల కోసం ఆన్‌లైన్ దరఖాస్తు గడువును ఆగస్టు 12 వరకు పొడిగించినట్లు వర్సిటీ యాజమాన్యం ప్రకటించింది. యూపీఎస్సీ (UPSC) సివిల్ సర్వీసెస్ పరీక్షలకు సిద్ధమవుతున్న మైనారిటీ వర్గాలు, షెడ్యూల్డ్ కులాలు, షెడ్యూల్డ్ తెగలు, మహిళా అభ్యర్థులు ఈ ఉచిత శిక్షణా కార్యక్రమానికి దరఖాస్తు చేసుకోవడానికి అర్హులని CSE-RCA డైరెక్టర్ ప్రొఫెసర్ హెచ్. అలీమ్ బాషా తెలిపారు.

మనూలో సివిల్స్ కోచింగ్

దరఖాస్తు గడువు పొడిగింపు నేపథ్యంతో పాటు ఎంట్రన్స్ పరీక్ష తేదీలలో కూడా మార్పులు చేశారు. రాత పరీక్ష (ఎంట్రన్స్ టెస్ట్) ఆగస్టు 16న నిర్వహిస్తారు. వ్యాసరూప పరీక్ష, ఇంటర్వ్యూలు ఆగస్టు 24 నుండి 28 వరకు జరుగుతాయి. ఆసక్తి కలిగిన అభ్యర్థులు మనూ (MANUU) అధికారిక రిజిస్ట్రేషన్ పోర్టల్ ద్వారా ఆన్‌లైన్‌లో దరఖాస్తు సమర్పించవచ్చు. కోచింగ్, ప్రవేశాల నిబంధనలు మరియు వసతికి సంబంధించిన సమగ్ర వివరాల కోసం విశ్వవిద్యాలయం అధికారిక వెబ్‌సైట్‌ను సందర్శించవచ్చు.

ఏవైనా సందేహాలు లేదా సందేహాల నివృత్తి కోసం CSE-RCA అధికారిక ఈమెయిల్ (csercamanuu@gmail.com) ద్వారా సంప్రదించవచ్చని అధికారులు తెలిపారు. మనూ రెసిడెన్షియల్ కోచింగ్ అకాడమీ యూజీసీ, కేంద్ర ప్రభుత్వ మద్దతుతో నడుస్తోంది. ఇక్కడ ఎంపికైన అభ్యర్థులకు యూపీఎస్సీ ప్రిలిమ్స్, మెయిన్స్ శిక్షణతో పాటు లైబ్రరీ, 24/7 రీడింగ్ హాళ్లు, హాస్టల్, మాక్ ఇంటర్వ్యూల సౌకర్యాలు లభిస్తాయి. సివిల్ సర్విసెస్‌లో రాణించాలనుకునే అర్హులైన అభ్యర్థులు ఈ అవకాశాన్ని వినియోగించుకోవచ్చు.