E-Paper
హైదరాబాద్ నగర వాసులకు అలర్ట్ - ఈ ఏరియాల్లో నీటి సరఫరా నిలిపివేత, లిస్ట్ ఇదే
కృష్ణా డ్రింకింగ్ వాటర్ సప్లై ప్రాజెక్టు ఫేజ్-2 పైప్‌లైన్ మరమ్మతులు జరుగుతున్నాయి. ఫలితంగా హైదరాబాద్‌లోని పలు కీలక ప్రాంతాల్లో ఇవాళ్టి నుంచి రేపటి వరకు తాగునీటి సరఫరాకు అంతరాయం ఏర్పడనుంది.
Prefer HTon Google
హైదరాబాద్ మహానగరంలో తాగునీటి సరఫరాకు సంబంధించి జలమండలి ముఖ్యమైన అలర్ట్ ఇచ్చింది. కృష్ణా డ్రింకింగ్ వాటర్ సప్లై ప్రాజెక్టు (KDWSP) ఫేజ్–II పరిధిలో అత్యవసర మరమ్మతు పనులు చేపడుతున్నట్లు పేర్కొంది. ఫలితంగా నగరంలోని ప్రధాన ప్రాంతాల్లో నీటి సరఫరాలో తీవ్ర అంతరాయం కలగనుంది.
నాసర్లపల్లి నుంచి గోడకొండ్ల వరకు ఉన్న 2375 ఎంఎం డయా ఎంఎస్ పంపింగ్ మెయిన్‌పై దెబ్బతిన్న ఎంఎస్ ఎయిర్ టీస్, వాల్వుల మార్పిడి పనులను చేపట్టనున్నారు. వీటితో పాటు స్కవర్ పైప్‌లైన్‌లో ఏర్పడిన నీటి లీకేజీలను అరికట్టేందుకు ముమ్మరంగా మరమ్మతులు నిర్వహించనున్నారు.
ఈ అత్యవసర మరమ్మతు పనులు ఇవాళ ఉదయం నుంచి మంగళవారం (అక్టోబర్ 6, 2026) సాయంత్రం 6:00 గంటల వరకు నిరంతరాయంగా కొనసాగుతాయి. ఈ వ్యవధిలో పలు ప్రాంతాల్లో నీటి సరఫరా పూర్తిగా నిలిచిపోవడం లేదా పాక్షికంగా రావడం జరుగుతుంది. మరికొన్ని చోట్ల తక్కువ ఒత్తిడితో (లో ప్రెషర్) నీరు వచ్చే అవకాశం ఉందని అధికారులు వెల్లడించారు.
ఏరియాల వారీగా వివరాలు….
ఈ పనుల కారణంగా నగరంలోని దాదాపు అన్ని ప్రధాన మండలాల పరిధిలోని ప్రాంతాలపై ప్రభావం పడనుంది. ఇందులో ఆదిబట్ల, కమ్మగూడ, గుర్రంగూడ, బీఎన్ రెడ్డి నగర్, వనస్థలిపురం, ఆటోనగర్, అల్కాపురి, బీరప్పగడ్డ, హబ్సిగూడ, రామంతాపూర్, వెంకట్‌రెడ్డి నగర్, ఉప్పల్, నాచారం, హెచ్‌ఎంటీ నగర్, తార్నాక, బౌద్ధనగర్, లాలాపేట్ (పాక్షికం), హస్మత్‌పేట్, ప్రకాశ్‌నగర్, మేకలమండి, భోలక్‌పూర్ (పాక్షికం), పద్మారావునగర్, బేగంపేట్, సౌత్ సెంట్రల్ రైల్వే, ఎంఈఎస్, సికింద్రాబాద్ కంటోన్మెంట్, లాలాగూడ, అడ్డగుట్ట, పట్టిగడ్డ, నల్లగుట్ట, గౌతమ్‌నగర్, ఫిరోజ్‌గూడ, బన్సీలాల్‌పేట్, రాంగోపాల్‌పేట్, సీతాఫల్‌మండి, మెట్టుగూడ, వైశాలీనగర్, మీర్‌పేట్, బడంగ్‌పేట్, ఏఆర్‌సీఐ, బాలాపూర్, మైసారం, బార్కాస్, ఎన్‌పీఏ, శంషాబాద్, మధుబన్ మరియు ప్రశాసన్‌నగర్ (పాక్షికం) ఉన్నాయి.
నీటి సరఫరా నిలిచిపోవటంతో…. ఆయా ప్రాంతాల నివాసితులు ముందుగానే తగినంత నీటిని నిల్వ చేసుకోవాలని మరియు నీటిని అత్యంత పొదుపుగా వాడుకోవాలని జలమండలి అధికారులు ప్రజలకు విజ్ఞప్తి చేశారు.
