Special Trains : ప్రయాణికులకు దక్షిణ కోస్తా రైల్వే శుభవార్త... సికింద్రాబాద్ - తిరుపతి మధ్య స్పెషల్ ట్రైన్! షెడ్యూల్ ఇలా

Secunderabad Tirupati Special Train : సికింద్రాబాద్ - తిరుపతి మార్గంలో ప్రయాణికుల రద్దీని దృష్టిలో ఉంచుకుని సౌత్ కోస్ట్ రైల్వే "ట్రైన్ ఆన్ డిమాండ్" (TOD) కింద ఒక రౌండ్ ట్రిప్ ప్రత్యేక రైలును నడుపుతోంది. అక్టోబర్ 4, 5 తేదీల్లో ఈ సేవలు అందుబాటులో ఉంటాయి.

SCR Secunderabad Tirupati Special Train : తెలుగు రాష్ట్రాల మధ్య ప్రయాణించే రైలు ప్రయాణికులకు దక్షిణ కోస్తా రైల్వే తీపి కబురు అందించింది. సికింద్రాబాద్ - తిరుపతి మార్గంలో నిరంతరం పెరుగుతున్న ప్రయాణికుల రద్దీని క్రమబద్ధీకరించేందుకు… ప్రయాణాన్ని మరింత సులభతరం చేసేందుకు గాను "ట్రైన్ ఆన్ డిమాండ్" (TOD) ప్రాతిపదికన ప్రత్యేక రైలును అందుబాటులోకి తీసుకువచ్చింది. ఈ ప్రత్యేక రైలు సర్వీస్ (రైలు నంబర్లు 07421/07422) ఒకే ఒక రౌండ్ ట్రిప్ ప్రయాణానికి నడుస్తుంది.

ప్రత్యేక రైళ్లు (image source @GMSRailway)

రైళ్ల షెడ్యూల్ - టైమింగ్స్ వివరాలు:

• తిరుపతి నుంచి సికింద్రాబాద్ (రైలు నంబర్ 07421) : ఈ ప్రత్యేక రైలు 2026, అక్టోబర్ 4 ఆదివారం సాయంత్రం 16:30 గంటలకు (4:30 PM) తిరుపతి (TPTY) స్టేషన్ నుంచి బయలుదేరుతుంది. మరుసటి రోజు అంటే అక్టోబర్ 5 సోమవారం ఉదయం 07:00 గంటలకు సికింద్రాబాద్ (SC) రైల్వే స్టేషన్‌కు చేరుకుంటుంది.
• సికింద్రాబాద్ నుంచి తిరుపతి (రైలు నంబర్ 07422) : తిరుగు ప్రయాణంలో ఈ రైలు 2026, అక్టోబర్ 5 సోమవారం రోజు సాయంత్రం 16:15 గంటలకు (4:15 PM) సికింద్రాబాద్ స్టేషన్ నుంచి బయలుదేరుతుంది. మరుసటి రోజు అక్టోబర్ 6 మంగళవారం ఉదయం 06:45 గంటలకు తిరుపతికి చేరుకుంటుంది.

హాల్టింగ్ లిస్ట్….

రెండు వైపులా సాగే ఈ ప్రయాణంలో ప్రయాణికుల సౌకర్యార్థం పలు ప్రధాన రైల్వే స్టేషన్లలో ఈ రైలు ఆగుతుంది. రేణిగుంట, కోడూరు, రాజంపేట, కడప, ఎర్రగుంట్ల, తాడిపత్రి, గుత్తి, గుంతకల్, ఆదోని, మంత్రాలయం రోడ్, రాయచూర్, కృష్ణ, యాద్గిర్, సేరం, తాండూర్, వికారాబాద్, హైటెక్ సిటీ, బేగంపేట స్టేషన్లలో రైలు నిలుస్తుంది.

ప్రయాణికుల విభిన్న అవసరాలకు అనుగుణంగా ఈ ప్రత్యేక రైలులో వివిధ శ్రేణుల కోచ్‌లను అందుబాటులో ఉంచారు. సెకండ్ ఏసీ - 2 బోగీలు థర్డ్ ఏసీ - 6 బోగీలు స్లీపర్ క్లాస్ - 8 బోగీలు జనరల్ సిట్టింగ్ - 4 బోగీలు జనరల్ సిట్టింగ్ కమ్ లగేజ్ రేక్ - 2 బోగీలు వారాంతాలు, పండుగల వేళ తిరుపతి శ్రీవేంకటేశ్వర స్వామి దర్శనానికి వెళ్లే భక్తులతో పాటు హైదరాబాద్ ఐటీ కారిడార్‌లో పనిచేసే ఉద్యోగులకు ఈ ప్రత్యేక రైలు ఎంతో ఉపయోగకరంగా మారనుంది. ప్రయాణికులు ఈ అవకాశాన్ని ఉపయోగించుకుని ముందుగానే రిజర్వేషన్లు చేసుకోవాలని రైల్వే అధికారులు కోరారు.