ఉద్యోగులకు సైబరాబాద్ పోలీసులు ఒక ముఖ్యమైన హెచ్చరిక జారీ చేశారు. 2026, జూన్ 22వ తేదీ సోమవారం సాయంత్రం నగరంలో మోస్తరు నుండి భారీ వర్షం కురిసే అవకాశం ఉందని భారత వాతావరణ శాఖ హెచ్చరించింది. ఈ నేపథ్యంలో రోడ్లపై తీవ్రమైన ట్రాఫిక్ జామ్లు ఏర్పడకుండా, ఉద్యోగుల భద్రతను దృష్టిలో ఉంచుకుని సైబరాబాద్ పోలీసు కమిషనరేట్ ఒక అధికారిక 'వెదర్ అలర్ట్ అండ్ ట్రాఫిక్ అడ్వైజరీ'ని విడుదల చేసింది.
సైబరాబాద్ పోలీస్ కమిషనర్ విడుదల చేసిన ఈ అడ్వైజరీ ప్రకారం... గచ్చిబౌలి, మాదాపూర్, రాయదుర్గం, హైటెక్ సిటీ, ఫైనాన్షియల్ డిస్ట్రిక్ట్, శేరిలింగంపల్లి, కూకట్పల్లి, చందానగర్ వంటి ఐటీ హబ్లలో పనిచేసే కంపెనీలు, విద్యాసంస్థలు, ఇతర సంస్థలు తమ ఉద్యోగులకు విడతల వారీగా మధ్యాహ్నం 3:30 గంటల నుంచే ముందస్తు లాగౌట్ సౌకర్యం కల్పించాలని కోరారు. దీనివల్ల రోడ్లపై ట్రాఫిక్ తగ్గి, అత్యవసర సేవలకు ఎలాంటి ఆటంకం కలగకుండా ఉంటుందని పోలీసులు తెలిపారు.
వాతావరణ శాఖ (IMD) నివేదికల ప్రకారం, హైదరాబాద్, దాని పరిసర ప్రాంతాలలో రాబోయే 24 గంటల పాటు ఆకాశం సాధారణంగా మేఘావృతమై ఉంటుంది. నగరంలో బలమైన గాలులతో కూడిన తేలికపాటి నుండి మోస్తరు లేదా భారీ వర్షాలు/ఉరుములతో కూడిన జల్లులు పడే అవకాశం ఉంది. గరిష్ట ఉష్ణోగ్రత 33 డిగ్రీలు, కనిష్ట ఉష్ణోగ్రత 24 డిగ్రీల వరకు నమోదయ్యే అవకాశం ఉంది. తెలంగాణ వ్యాప్తంగా మరికొన్ని జిల్లాల్లో భారీ వర్షాలు, మరికొన్ని చోట్ల వడగాల్పుల తీవ్రత కూడా ఉండవచ్చని ఐఎండి పేర్కొంది.
ప్రయాణ సమయాల్లో ఇబ్బందులు పడకుండా ఉండేందుకు వాహనదారులు, ఐటీ ఉద్యోగులు వాతావరణ అప్డేట్లను గమనిస్తూ అప్రమత్తంగా ఉండాలని, ట్రాఫిక్ నిబంధనలు పాటిస్తూ పోలీసులకు సహకరించాలని సైబరాబాద్ ట్రాఫిక్ పోలీసులు విజ్ఞప్తి చేశారు.
జూన్ 27 వరకు హైదరాబాద్తో సహా తెలంగాణలో భారీ వర్షాలు కురిసే అవకాశం ఉన్న నేపథ్యంలో కంపెనీలు, విద్యాసంస్థలు తమ ఉద్యోగులు, విద్యార్థులకు ముందుగానే లాగౌట్ అయ్యేందుకు అనుమతించాలని సైబరాబాద్ పోలీస్ కమిషనరేట్ కోరింది. హైదరాబాద్లోని భారత వాతావరణ శాఖ (ఐఎమ్డీ) జూన్ 27 వరకు రాష్ట్రవ్యాప్తంగా భారీ వర్షాలు కురుస్తాయని అంచనా వేసింది. ఈ కాలంలో పలు జిల్లాల్లో ఉరుములు, మెరుపులు, ఈదురు గాలులు వీచే అవకాశం ఉంది. హైదరాబాద్లో జూన్ 24 వరకు ఈదురు గాలులతో కూడిన మోస్తరు నుంచి భారీ వర్షాలు లేదా ఉరుములతో కూడిన జల్లులు కురుస్తాయని వాతావరణ శాఖ అంచనా వేసింది.
{{/usCountry}}జూన్ 27 వరకు హైదరాబాద్తో సహా తెలంగాణలో భారీ వర్షాలు కురిసే అవకాశం ఉన్న నేపథ్యంలో కంపెనీలు, విద్యాసంస్థలు తమ ఉద్యోగులు, విద్యార్థులకు ముందుగానే లాగౌట్ అయ్యేందుకు అనుమతించాలని సైబరాబాద్ పోలీస్ కమిషనరేట్ కోరింది. హైదరాబాద్లోని భారత వాతావరణ శాఖ (ఐఎమ్డీ) జూన్ 27 వరకు రాష్ట్రవ్యాప్తంగా భారీ వర్షాలు కురుస్తాయని అంచనా వేసింది. ఈ కాలంలో పలు జిల్లాల్లో ఉరుములు, మెరుపులు, ఈదురు గాలులు వీచే అవకాశం ఉంది. హైదరాబాద్లో జూన్ 24 వరకు ఈదురు గాలులతో కూడిన మోస్తరు నుంచి భారీ వర్షాలు లేదా ఉరుములతో కూడిన జల్లులు కురుస్తాయని వాతావరణ శాఖ అంచనా వేసింది.
{{/usCountry}}