త్వరలో పొద్దుతిరుగుడు పంట కొనుగోళ్లు పునఃప్రారంభం

పొద్దుతిరుగుడు పంట సాగు చేసిన రైతుల నుంచి పంటను ప్రభుత్వం సేకరించనుంది. కిందటి ఏడాదితో పోలీస్తే.. ఈ ఏడాది రైతులకు మరింత ప్రయోజనం చేకూరనుంది.

తెలంగాణలో పొద్దుతిరుగుడు పంటను మార్క్‌ఫేడ్ ద్వారా ప్రభుత్వం సేకరించనుంది. రాజన్న సిరిసిల్ల జిల్లాలోని రైతుల నుంచి పొద్దుతిరుగుడు పంట మొత్తాన్ని సేకరించడానికి ప్రభుత్వం కట్టుబడి ఉందని, పెంచిన పంట లక్ష్యాలకు ఆమోదం లభించిన తర్వాత కొనుగోళ్లు తిరిగి ప్రారంభమవుతాయని మార్క్‌ఫెడ్ జిల్లా మేనేజర్ మొహమాద్ హబీబ్ హామీ ఇచ్చారు. 2025-26 యాసంగి (రబీ) సీజన్ కోసం నిర్దేశించిన 2,39.330 మెట్రిక్ టన్నుల ప్రారంభ సేకరణ లక్ష్యాన్ని పూర్తిగా సాధించినట్లు తెలిపారు. సేకరించిన నిల్వలను మార్గదర్శకాలకు అనుగుణంగా నాఫెడ్, స్టేట్ వేర్‌హౌసింగ్ కార్పొరేషన్‌కు అప్పగించినట్లు పేర్కొన్నారు.

పొద్దుతిరుగుడు పంట

సిరిసిల్ల జిల్లా వ్యవసాయ అధికారి అందించిన సమాచారం ప్రకారం.. 1,670.28 ఎకరాల్లో పొద్దుతిరుగుడు సాగు చేయగా, మొత్తం ఉత్పత్తి 1,169.196 మెట్రిక్ టన్నులుగా అంచనా వేశారు. ఇది ప్రారంభ సేకరణ లక్ష్యాన్ని మించిపోయింది. పరిమితులు చేరుకోవడంతో వ్యవసాయ మార్కెట్ కమిటీలలో సేకరణను తాత్కాలికంగా నిలిపివేయాల్సి వచ్చిందని తెలిపారు.

అంచనా వేసిన ఉత్పత్తికి అనుగుణంగా సేకరణ లక్ష్యాన్ని పెంచడానికి, అలాగే రైతులకు క్వింటాల్‌కు రూ. 7,721 కనీస మద్దతు ధర అందేలా చూడటానికి రాష్ట్ర ప్రభుత్వానికి ప్రతిపాదనలు పంపినట్లు హబీబ్ తెలిపారు. మొత్తం మిగులును సేకరించడానికి ప్రభుత్వం సిద్ధంగా ఉందని, సవరించిన పరిమితులకు ఆమోదం లభించే వరకు రైతులు ఓపికగా ఉండాలని హబీబ్ కోరారు.

సిద్దిపేట, కరీంనగర్, రాజన్న సిరిసిల్ల వంటి జిల్లాల్లో కేంద్రం ఇచ్చిన ప్రాథమిక లక్ష్యం పూర్తి కావడంతో మధ్యలో కొనుగోళ్లు నిలిచిపోయాయి. దీనివల్ల రైతులు ఇబ్బంది పడుతుండటంతో, మార్క్‌ఫేడ్ అధికారులు స్పందించి అదనపు లక్ష్యం కోసం ప్రభుత్వానికి ప్రతిపాదనలు పంపారు.

కేంద్ర ప్రభుత్వం 2025-26 సీజన్‌కు గాను పొద్దుతిరుగుడు గింజలకు క్వింటాలుకు రూ.7,721 మద్దతు ధరను నిర్ణయించింది. గత ఏడాదితో పోలిస్తే ఇది రైతులకు గణనీయమైన ప్రయోజనాన్ని చేకూరుస్తోంది.