నీట్ (NEET) ప్రవేశ పరీక్షలో మాల్ ప్రాక్టీసింగ్ కు పాల్పడిన తెలంగాణ విద్యార్థిని పోలీసులు అరెస్ట్ చేశారు. ఈ ఘటన ఆదిబట్ల పోలీస్ స్టేషన్ పరిధిలోని రాగన్నగూడ జిల్లా పరిషత్ హైస్కూల్ (ZPHS) పరీక్షా కేంద్రంలో వెలుగు చూసింది. కాపీయింగ్కు పాల్పడుతూ పట్టుబడిన 18 ఏళ్ల నీట్ అభ్యర్థిని హైదరాబాద్ సిటీ పోలీసులు ఆదివారం అదుపులోకి తీసుకున్నారు. నాగర్కర్నూల్ జిల్లా అచ్చంపేటకు చెందిన విద్యార్థిగా గుర్తించారు.
ముందే ప్లాన్..
ముందుగా వేసుకున్న ప్లాన్ ప్రకారం.. సదరు విద్యార్థి ఆదివారం ఉదయం 7 గంటలకే పరీక్షా కేంద్రమైన స్కూల్కు చేరుకున్నాడు. స్కూల్ కాంపౌండ్ వాల్కు ఆనుకుని ఉన్న వాష్ రూమ్ వెంటిలేటర్ ద్వారా లోపలికి చెయ్యి పెట్టి ఒక మొబైల్ ఫోన్ను అక్కడ దాచాడు. ఆ తర్వాత ఉదయం 11 గంటల సమయంలో మళ్లీ వాష్ రూమ్లోకి వెళ్లి, ఆ ఫోన్ పాడవకుండా ఉండేందుకు ఒక జిప్ లాక్ కవర్లో పెట్టి, ఏకంగా ఫ్లష్ ట్యాంక్ లోపల దాచిపెట్టాడు.
వాస్తవానికి పోలీసులు ఉదయం 6 గంటలకు ఒకసారి…. మళ్లీ 11 గంటలకు మరోసారి పరీక్షా కేంద్రాన్ని క్షుణ్ణంగా తనిఖీ చేశారు. అంతేకాకుండా కేంద్రంలోకి వచ్చే ప్రతి విద్యార్థిని గేటు వద్దే క్షుణ్ణంగా తనిఖీ (ఫ్రిస్కింగ్) చేసి లోపలికి పంపించారు. కానీ, ఫ్లష్ ట్యాంక్ లోపల ఫోన్ దాచారనే విషయాన్ని భద్రతా సిబ్బంది ప్రాథమిక తనిఖీల్లో గుర్తించలేకపోయారు.
అడ్డంగా దొరికిపోయాడు….
పరీక్ష ప్రారంభమైన తర్వాత నిందితుడు తనకు తీవ్రంగా కడుపునొప్పి వస్తోందని, అత్యవసరంగా రెస్ట్ రూమ్కు వెళ్లాలని ఇన్విజిలేటర్ను కోరాడు. ఈ పరీక్షా కేంద్రానికి సంబంధించి స్కూల్ భవనానికి కాస్త దూరంగా…. అందరికీ ఉమ్మడిగా ఒకే ఒక వాష్ రూమ్ సదుపాయం ఉంది. అయితే లోపలికి వెళ్లిన విద్యార్థి ఎంతసేపటికీ బయటకు రాకపోవడం, చాలా ఎక్కువ సమయం అక్కడే గడపడంతో ఇన్విజిలేటర్కు అనుమానం వచ్చింది. వెంటనే ఆయన కొందరు సిబ్బందిని వాష్ రూమ్ వైపు పంపించారు. సిబ్బంది వెళ్లి లోపల చూడగా.. సదరు అభ్యర్థి తన మొబైల్ ఫోన్ స్క్రీన్ వైపు చూస్తూ…. ప్రశ్నలకు సమాధానాలు వెతకడంలో పూర్తిగా నిమగ్నమై ఉన్నాడు. దీంతో అతడిని సిబ్బంది రెడ్ హ్యాండెడ్గా పట్టుకున్నారు.
కేసు నమోదు చేసిన పోలీసులు
ఈ విషయంపై సిబ్బంది సమాచారం అందించడంతో రంగంలోకి దిగిన పోలీస్ బృందం వెంటనే ఘటనా స్థలానికి చేరుకుని నేరానికి ఉపయోగించిన మొబైల్ ఫోన్ను స్వాధీనం చేసుకుంది. ఆ డివైజ్ను క్షుణ్ణంగా పరిశీలించగా.. నిందితుడు గూగుల్ క్రోమ్ బ్రౌజర్ ఓపెన్ చేసి ప్రశ్నలకు సమాధానాలు వెతుకుతున్నట్లు తేలింది. ఆ ఫోన్లో ఇన్స్టాగ్రామ్ మినహా అనుమానాస్పదంగా ఉన్న ఇతర యాప్లు ఏవీ యాక్టివ్గా లేవని పోలీసులు గుర్తించారు.
{{/usCountry}}ఈ విషయంపై సిబ్బంది సమాచారం అందించడంతో రంగంలోకి దిగిన పోలీస్ బృందం వెంటనే ఘటనా స్థలానికి చేరుకుని నేరానికి ఉపయోగించిన మొబైల్ ఫోన్ను స్వాధీనం చేసుకుంది. ఆ డివైజ్ను క్షుణ్ణంగా పరిశీలించగా.. నిందితుడు గూగుల్ క్రోమ్ బ్రౌజర్ ఓపెన్ చేసి ప్రశ్నలకు సమాధానాలు వెతుకుతున్నట్లు తేలింది. ఆ ఫోన్లో ఇన్స్టాగ్రామ్ మినహా అనుమానాస్పదంగా ఉన్న ఇతర యాప్లు ఏవీ యాక్టివ్గా లేవని పోలీసులు గుర్తించారు.
{{/usCountry}}పోలీసుల విచారణలో నిందితుడు తన తప్పును ఒప్పేసుకున్నాడు. ప్రస్తుతం అతడు పోలీస్ కస్టడీలో ఉన్నాడు. స్కూల్ యాజమాన్యం ఇచ్చిన అధికారిక ఫిర్యాదు మేరకు పోలీసులు భారతీయ న్యాయ సంహిత (BNS) సెక్షన్ 318(4)తో పాటు పబ్లిక్ ఎగ్జామినేషన్స్ (ప్రివెన్షన్ ఆఫ్ అన్ఫెయిర్ మీన్స్) యాక్ట్-2024లోని సెక్షన్ 10 రీడ్ విత్ 3 కింద క్రైమ్ నంబర్ 499/2026గా కేసు నమోదు చేసి దర్యాప్తు చేస్తున్నారు.