Osmania University PhD admissions 2026 : ఉస్మానియా యూనివర్సిటీలో పిహెచ్డి (Ph.D.) చేయాలనుకునే వారికి ముఖ్యమైన అప్డేట్ వచ్చింది. ఇప్పటికే కేటరిగి 2 కింద ఖాళీల భర్తీకి నోటిఫికేషన్ రాగా… దరఖాస్తుల ప్రక్రియ కొనసాగుతోంది. అయితే 'పీహెచ్డి ఎంట్రన్స్ టెస్ట్-2026' ఆన్లైన్ దరఖాస్తు గడువును పొడిగిస్తూ అధికారులు తాజాగా నిర్ణయం తీసుకున్నారు.
దరఖాస్తు గడువు పొడిగింపు…
అర్హులైన అభ్యర్థులు ఎటువంటి ఆలస్య రుసుము లేకుండా అక్టోబర్ 5, 2026 వరకు ఆన్లైన్ ద్వారా దరఖాస్తులను సమర్పించవచ్చు. పరిశోధన రంగంలోకి అడుగుపెట్టాలనుకునే అభ్యర్థులు ఈ అవకాశాన్ని సద్వినియోగం చేసుకోవాలని అధికారులు సూచించారు.
ఆన్లైన్లో అప్లికేషన్లు సమర్పించే ముందు అభ్యర్థులు తమ అర్హత నిబంధనలను, తాము ఎంచుకున్న విభాగానికి సంబంధించిన సబ్జెక్టుల అందుబాటును జాగ్రత్తగా సరిచూసుకోవాలని డైరెక్టరేట్ ఆఫ్ అడ్మిషన్స్ సూచించింది. దరఖాస్తుల స్వీకరణ ముగిసిన తర్వాత పరీక్షకు సంబంధించిన సవరించిన పూర్తి షెడ్యూల్ను త్వరలోనే విడిగా ప్రకటిస్తామని అధికారులు వెల్లడించారు.
ప్రవేశ పరీక్షకు సంబంధించిన ఇతర పూర్తి వివరాలు, నిబంధనలు మరియు ఎప్పటికప్పుడు తాజా సమాచారం కోసం వర్సిటీ అధికారిక వెబ్సైట్లైన https://www.osmania.ac.in లేదా https://www.ouadmissions.com లను క్రమం తప్పకుండా సందర్శించాలని ఉస్మానియా యూనివర్సిటీ వర్గాలు సూచించాయి.
కేటగిరి - 2 కింద దరఖాస్తు చేసుకునే అభ్యర్థులు తప్పనిసరిగా ఎంట్రెన్స్ పరీక్షను రాయాల్సి ఉంటుంది. ఇందులో క్వాలిఫై అయిన వారికి ఇంటర్వ్యూలు నిర్వహిస్తారు. అకడమిక్స్ లో మంచి ప్రతిభ చూపిన వారితో పాటు పాటు సెట్, నెట్ ఉన్న వారికి ప్రాధాన్యత ఉంటుంది. ఫైనల్ గా సీట్లు పొందిన వారి వివరాలను డిపార్ట్ మెంట్ల వారీగా విడుదల చేస్తారు.