తెలుగు ప్రయాణికులకు అలర్ట్ - పలు రైళ్లు పాక్షికంగా రద్దు! తేదీలవారీగా వివరాలివే

నాగార్ సోల్–తారూ సెక్షన్లలో నాన్-ఇంటర్ లాకింగ్, ట్రాక్ డబ్లింగ్ పనుల కారణంగా పలు రైళ్లను పాక్షికంగా రద్దు చేస్తున్నట్లు దక్షిణ మధ్య రైల్వే ప్రకటించింది. ఇందులో ఏపీ, తెలంగాణ మీదుగా నడిచే పలు రైళ్లున్నాయి.

దక్షిణ మధ్య రైల్వే పరిధిలోని నాందేడ్ డివిజన్‌లో మౌలిక వసతుల ఆధునీకీకరణ పనులు వేగవంతమయ్యాయి. నాగర్ సోల్ - తారూ స్టేషన్ల మధ్య ట్రాక్ డబ్లింగ్ (రెండో రైల్వే లైన్), విద్యుదీకరణ, సిగ్నలింగ్ పనులను ప్రారంభించడంలో భాగంగా నాన్-ఇంటర్ లాకింగ్ పనులు చేపడుతున్నారు. ఈ సాంకేతిక పనుల కారణంగా ఈ మార్గంలో రాకపోకలు సాగించే పలు కీలక రైళ్లను కొన్ని నిర్దిష్ట తేదీల్లో పాక్షికంగా రద్దు చేస్తున్నట్లు దక్షిణ మధ్య రైల్వే ప్రకటించింది.

పలు రైళ్లు రద్దు

పాక్షికంగా రద్దయిన రైళ్ల వివరాలు :

• చెన్నై – నాగర్ సోల్ (రైలు సంఖ్య: 16003): డిసెంబర్ 6, 2026న బయలుదేరే ఈ రైలు రొటేగాం – నాగర్ సోల్ మధ్య పాక్షికంగా రద్దయింది. ఈ రైలు రొటేగాం వరకు మాత్రమే నడుస్తుంది.
• నాగర్సోల్ – చెన్నై (రైలు సంఖ్య: 16004): డిసెంబర్ 7, 2026న నాగర్ సోల్ నుంచి బయలుదేరాల్సిన ఈ రైలు నాగర్ సోల్ – రొటేగాం మధ్య రద్దయింది. ఈ రైలు నాగర్ సోల్ కు బదులుగా రొటేగాం నుంచే తన ప్రయాణాన్ని ప్రారంభిస్తుంది.
• నరసాపూర్ – నాగర్ సోల్ (రైలు సంఖ్య: 17231): డిసెంబర్ 4, 2026 మరియు డిసెంబర్ 6, 2026 తేదీల్లో బయలుదేరే ఈ రైలు రొటేగాం – నాగర్ సోల్ మధ్య పాక్షికంగా రద్దయింది.
• నాగర్ సోల్ – నరసాపూర్ (రైలు సంఖ్య: 17232) : డిసెంబర్ 5, 2026 మరియు డిసెంబర్ 7, 2026 తేదీల్లో నాగర్ సోల్ నుంచి బయలుదేరాల్సిన ఈ రైలు నాగర్ సోల్ – రొటేగాం మధ్య రద్దయింది. ఈ రైలు రొటేగాం నుంచే బయలుదేరుతుంది.
• నరసాపూర్ – నాగర్ సోల్ (రైలు సంఖ్య: 12787): నవంబర్ 30, 2026 నుండి డిసెంబర్ 3, 2026 వరకు, అలాగే డిసెంబర్ 5, 7, 8, 9 తేదీల్లో బయలుదేరే ఈ రైలు రొటేగాం – నాగర్ సోల్ మధ్య పాక్షికంగా రద్దయింది.
• నాగర్ సోల్ – నరసాపూర్ (రైలు సంఖ్య: 12788): డిసెంబర్ 1, 2, 3, 4, 6, 8, 9, 10 తేదీల్లో ఈ రైలు నాగర్ సోల్ – రొటేగాం మధ్య రద్దయింది. ఇది రొటేగాం నుంచే ప్రారంభమవుతుంది.
• మన్మాడ్ – ధర్మాబాద్ (రైలు సంఖ్య: 17687): డిసెంబర్ 1, 2026 నుంచి డిసెంబర్ 10, 2026 వరకు మన్మాడ్ – లసూర్ మధ్య పాక్షికంగా రద్దయింది.
• ధర్మబాద్ – మన్మాడ్ (రైలు సంఖ్య: 17688): డిసెంబర్ 1, 2026 నుంచి డిసెంబర్ 10, 2026 వరకు లసూర్ – మన్మాడ్ మధ్య రద్దయింది.
• మన్మాడ్ – హెచ్.ఎస్.నాందేడ్ (రైలు సంఖ్య: 57652): డిసెంబర్ 9, 2026 మరియు డిసెంబర్ 10, 2026 తేదీల్లో మన్మాడ్ – లసూర్ మధ్య పాక్షికంగా రద్దయింది. •
• హెచ్.ఎస్.నాందేడ్ – మన్మాడ్ (రైలు సంఖ్య: 57651): డిసెంబర్ 8, 2026 మరియు డిసెంబర్ 9, 2026 తేదీల్లో లసూర్ – మన్మాడ్ మధ్య రద్దయింది.
• కాచిగూడ – నాగర్ సోల్ (రైలు సంఖ్య: 17661): డిసెంబర్ 3, 2026 నుంచి డిసెంబర్ 9, 2026 వరకు రొటేగాం – నాగర్ సోల్ మధ్య పాక్షికంగా రద్దయింది.
• నాగర్ సోల్ – కాచిగూడ (రైలు సంఖ్య: 17662): డిసెంబర్ 4, 2026 నుంచి డిసెంబర్ 10, 2026 వరకు నాగర్ సోల్ – రొటేగాం మధ్య రద్దయింది. ఈ రైలు రొటేగాం నుంచే తన ప్రయాణాన్ని ప్రారంభిస్తుంది.