Hyderabad Passport Mela : పాస్‌పోర్ట్ సేవల కోసం అపాయింట్‌మెంట్ల కోసం నెలల తరబడి వేచి చూస్తున్న దరఖాస్తుదారులకు హైదరాబాద్ ప్రాంతీయ పాస్‌పోర్ట్ కార్యాలయం (RPO) గుడ్ న్యూస్ అందించింది. పెరుగుతున్న దరఖాస్తుల సంఖ్య, అపాయింట్‌మెంట్ దొరకక పడుతున్న ఇబ్బందులను దృష్టిలో ఉంచుకుని ప్రత్యేకంగా 'పాస్‌పోర్ట్ మేళా' నిర్వహించడానికి శ్రీకారం చుట్టింది.
నవంబర్ 21న ప్రత్యేక డ్రైవ్…
2026 నవంబర్ 21 (శనివారం) నాడు ఈ ప్రత్యేక డ్రైవ్ లేదా పాస్‌పోర్ట్ మేళాను నిర్వహించనున్నట్లు హైదరాబాద్ ప్రాంతీయ పాస్‌పోర్ట్ అధికారి మాధవ్ ఆర్. సుల్ఫులే వెల్లడించారు. ఈ ప్రత్యేక మేళా ద్వారా సాధారణ (Normal), తత్కాల్ పాస్‌పోర్ట్‌లతో పాటు పోలీస్ క్లియరెన్స్ సర్టిఫికేట్ (PCC) వంటి మూడు విభాగాలకు సంబంధించి దాదాపు 4,000 అపాయింట్‌మెంట్లను అందుబాటులోకి తేనున్నారు.
నవంబర్ 3 నుంచి అపాయింట్‌మెంట్లు ప్రారంభం
ఈ ప్రత్యేక మేళాకు సంబంధించిన అపాయింట్‌మెంట్లను 2026 నవంబర్ 3 నుంచి దరఖాస్తుదారులకు అందుబాటులో ఉంచుతున్నారు. హైదరాబాద్ ఆర్‌పీవో పరిధిలోని అన్ని పాస్‌పోర్ట్ సేవా కేంద్రాలు (PSK), పోస్టాఫీస్ పాస్‌పోర్ట్ సేవా కేంద్రాల (POPSK) పరిధిలో దరఖాస్తుదారులు ఈ స్లాట్లను బుక్ చేసుకోవచ్చు. దరఖాస్తుదారుల నిరీక్షణ సమయం తగ్గించడమే లక్ష్యం
"ప్రజలకు పాస్‌పోర్ట్ సేవలను మరింత వేగవంతంగా, పారదర్శకంగా అందించడంతో పాటు దరఖాస్తుదారులకు నిరీక్షణ సమయాన్ని గణనీయంగా తగ్గించడమే ఈ ప్రత్యేక మేళా ముఖ్య ఉద్దేశం," అని ఆర్‌పీవో అధికారి స్పష్టం చేశారు. దరఖాస్తుదారులు ఈ అవకాశాన్ని సద్వినియోగం చేసుకోవాలని ఆయన కోరారు. అదనపు సమాచారం, సహాయం కోసం సంప్రదించాల్సిన వివరాలు
పాస్‌పోర్ట్ సేవలకు సంబంధించి ఏవైనా సందేహాలుంటే దరఖాస్తుదారులు అధికారిక పోర్టల్ www.passportindia.gov.in ని సందర్శించవచ్చు. లేదా జాతీయ కాల్ సెంటర్ నంబర్ 1800-258-1800 తో పాటు హైదరాబాద్ ఆఫీస్ హెల్ప్లైన్ నంబర్లు 040-27715333, 27715115, 27806657 నంబర్లను సంప్రదించవచ్చని అధికారులు సూచించారు.
{{/usCountry}}పాస్‌పోర్ట్ సేవలకు సంబంధించి ఏవైనా సందేహాలుంటే దరఖాస్తుదారులు అధికారిక పోర్టల్ www.passportindia.gov.in ని సందర్శించవచ్చు. లేదా జాతీయ కాల్ సెంటర్ నంబర్ 1800-258-1800 తో పాటు హైదరాబాద్ ఆఫీస్ హెల్ప్లైన్ నంబర్లు 040-27715333, 27715115, 27806657 నంబర్లను సంప్రదించవచ్చని అధికారులు సూచించారు.
{{/usCountry}}