హైదరాబాద్లో గణేశ్ నిమజ్జన వేడుకలు అత్యంత వైభవంగా జరుగుతున్నాయి. భాగ్యనగరంలో నవరాత్రుల పాటు పూజలందుకున్న వినాయక విగ్రహాల నిమజ్జనం కోసం ప్రతీ ఏటా లక్షలాది మంది భక్తులు హుస్సేన్సాగర్తో పాటు నగరంలోని వివిధ చెరువుల వద్దకు చేరుకుంటారు. ముఖ్యంగా రాత్రి వేళల్లో నిమజ్జన శోభాయాత్రలను తిలకించేందుకు భక్తులు భారీగా తరలివస్తుంటారు.
ఈ నేపథ్యంలో ప్రయాణికులు, భక్తుల రద్దీని దృష్టిలో ఉంచుకుని దక్షిణ మధ్య రైల్వే కీలక నిర్ణయం తీసుకుంది. నిమజ్జనం రోజుల్లో అర్ధరాత్రి వేళల్లో కూడా ప్రయాణికులకు రవాణా సదుపాయం కల్పించేందుకు ప్రత్యేక ఎమ్ఎమ్టీఎస్ (MMTS) రైళ్లను నడపనున్నట్లు ప్రకటించింది.
సెప్టెంబరు 25-26, సెప్టెంబరు 26-27 తేదీల మధ్య రాత్రి 11:00 గంటల నుంచి మరుసటి రోజు ఉదయం 05:00 గంటల వరకు ఈ ప్రత్యేక ఎమ్ఎమ్టీఎస్ రైళ్లు అందుబాటులో ఉంటాయి. సికింద్రాబాద్, హైదరాబాద్ (నాంపల్లి), లింగంపల్లి, ఫలక్నుమా వంటి కీలకమైన మార్గాలను కవర్ చేస్తూ ఈ సర్వీసులను నడుపుతారు.
సికింద్రాబాద్ - హైదరాబాద్: రాత్రి 11:50 గంటలకు బయలుదేరుతుంది.
హైదరాబాద్ - లింగంపల్లి: అర్ధరాత్రి 12:30 గంటలకు బయలుదేరుతుంది.
లింగంపల్లి - హైదరాబాద్: రాత్రి 01:50 గంటలకు బయలుదేరుతుంది.
హైదరాబాద్ - సికింద్రాబాద్: తెల్లవారుజామున 03:30 గంటలకు బయలుదేరుతుంది.
హైదరాబాద్ - లింగంపల్లి: రాత్రి 11:10 గంటలకు బయలుదేరుతుంది.
లింగంపల్లి - ఫలక్నుమా: అర్ధరాత్రి 12:10 గంటలకు బయలుదేరుతుంది.
ఫలక్నుమా - సికింద్రాబాద్: రాత్రి 02:20 గంటలకు బయలుదేరుతుంది.
సికింద్రాబాద్ - హైదరాబాద్: తెల్లవారుజామున 04:00 గంటలకు బయలుదేరుతుంది.
{{/usCountry}}సికింద్రాబాద్ - హైదరాబాద్: తెల్లవారుజామున 04:00 గంటలకు బయలుదేరుతుంది.
{{/usCountry}}ఈ ప్రత్యేక MMTS రైళ్లు ఆయా మార్గాల్లో ఉన్న అన్ని సాధారణ ఎమ్ఎమ్టీఎస్ స్టేషన్లలోనూ ఆగుతాయని దక్షిణ మధ్య రైల్వే వెల్లడించింది. దీనివల్ల నగరంలోని ఏ ప్రాంతం నుంచి వచ్చే భక్తులైనా సరే.. తమకు సమీపంలో ఉన్న స్టేషన్లో రైలు ఎక్కడానికి లేదా దిగడానికి సులభంగా ఉంటుంది.
సాధారణంగా గణేశ్ నిమజ్జనం సమయంలో ఖైరతాబాద్, ఎన్టీఆర్ మార్గ్, ట్యాంక్బండ్ పరిసర ప్రాంతాల్లో తీవ్రమైన ట్రాఫిక్ ఆంక్షలు ఉంటాయి. సొంత వాహనాలు లేదా ఆటోలు, క్యాబ్లలో ప్రయాణించడం కష్టతరంగా మారుతుంది. ఈ క్రమంలో రైల్వే శాఖ అందుబాటులోకి తెచ్చిన ఈ ఎమ్ఎమ్టీఎస్ సర్వీసులు భక్తులకు ట్రాఫిక్ కష్టాల నుంచి ఉపశమనం కలిగిస్తాయి.